عندي مشكلة ابغاكم تساعدوني
أنا عندي بنتي تسنيم الله يخليها لي :27:ماتبغى تتعلم تروح الحمام (الله يكرمكم)عمرها دحين سنتين واربعه اشهر ماادري ايش مشكلتها؟كل مااحاول اوديها بكل الطرق ترفض رفض شديدوتبكي بكى كأنه احد ضربها:icon33:
ومره من المرات نومتها بدون حفاضه( الله يكرمكم)من الليل للصباح ماعملت شي للظهر وقت ماصحيت هي من النوم،فرحت قلت اكيد دحين اوديها لدورة المياه يمكن تعمل شي:tongue3:.وانا كنت باغسل الملابس جبت المقعد الصغير علشان تجلس وتتعلم ماهي راضيه تسوي شي جلسنا تقريبا في الحمام نصف ساعه قلت اخرجها بره يمكن طفشت وبرضونفس الشي،قلت اوديها بالمقعد عند التلفزيون وعيوني عليها .....نفس الشي رفضت رجعتها الحمام بس خليتها واقفه فيه شويه وانا رحت بره لدقيقه:35:
لما اتأكدت اني مو معاها عملتها وهي واقفه فرحت وجيت بجري علشان افهمها ايش هادا تخيلو ايش سوت انفجعت مني واستحت وقطعت البيبي(اعزكم الله):44:،على فكره هي حتى لما تبغى تعمل اي حاجه في الحفاض تروح تندس بعيد عن العيون :unsure:.اليوم حاولت مره تانيه اوديها وقلتلهااذا رحت الحمام اعطيكي حلاوه رفضت تروح وقعدت تبكي ءالا أعطيها الحلاوه بدون ماتروح رجعت لبستها الحفاضه تاني مع انها ماتبغاها بس ايش اسوي............؟ايش الحل ؟:39:معليش طولتها وهي قصيره.بس لازم اشرح وضعي اللي متعبني مع بنتي ,والله احترت؟؟؟؟هل من حلول؟؟؟؟؟؟؟؟؟؟؟؟؟؟؟
سها2008 @sha2008
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
الموضوع يبي صبر الله يعينك,بنتك شكلها خجوله وخوافه.
انا ماجربت الموضوع بشكل شخصي.بس خواتي وبنات عمي يعلمون اطفالهم علىثلاث سنوات.
بس خليها لابسه بالليل عشان ماتبرد واتركي التعليم بالنهار.,أحسن.
واذاطلعتي من البيت لبسيها عشان تضمنين
ولا تعصبي عليها وتخوفيها .شجعيها اذا راحت الحمام وعطيها شي تحبه بعدهاكجائزه.
وكلها فتره بسيطه وتتعلم ان شاء الله