نواااره A @noaaarh_a

عضوة جديدة

تعالووا الله يعافيكم ..

السلام عليكم ورحمة الله وبركاته ..

اهلين بنات .. شخبــاركم؟؟

انا يبنات مثل منتوا عارفين قد حملت ببداية زواجي والحمدالله على كل حال ربي ماراد انه يتم .. ولي الحين بعد الاجهاض سنه تقريبا ولا حملت رحت حللت بعد التسقيط كل تحاليلي سليمه بس قالت فيني ميلان بالرحم بسيط و كان فيني ضعف تبويض مادري ايش سببه طبعا قبل 3 شهور تقريبا اخذت كلوميد وابر منشظه وتفجيريه والحمدالله بويضاتي استجابت وحده كانت 22 ووحده 20 بس الحمدالله ماصار حمل .. عاد هالشهر اختي تسولف لي عن اخت زوجها انها مثل حالتي حملت وسقطت وبعد حملها جلست سنه وماحملت وراحت للمرخه وقالت فيك سدد ومرختها وماشالله نفس الشهر حملت والحين عندها بنوته .. المهم قلت انا بروح لها بس قبل بعيد تحاليلي كلها وبعدين بروح .. ورحت لعيادات الحرس الوطني ودخلت على طبيبه عامه وقلتلها عن كل شي من طقطق للسلام عليكم وسوت لي تحاليل والحمدالله طلعت امس وكلها سليمه بس اللهم فيه التهاب بالبول و باقي تحليل اللي هو يوم 21 من الدوره .. وطبعا قالت لي بما ان تحاليلك سليمه بحولك لطبيبه نساء وولاده بس حاولي ان زوجك يحلل يمكن يصير فيه شي ؟؟ طبعا زوجي كان معي ودخل على الدكتور وخذو منه عينة بول ودم وكلها سليمه بس باقي السائل المنوي ماسواه قلت له الدكتوره تقول لازم تسويه قال مافيني شي انتي قد حملتي حتى دكتوري قالي مدامها قد حملت يعني ان شالله مافيك شي ..

خلاصه الموضوع اني اقتع في زوجــي وهو مو مقتنع يقول مافيني شي وحتى انتي مافيك شي بس ربي ماكتب لنا .. وبعد محاولات عده وافق بس يقول لاصار فيني شي اضمني انك مو جالسه عندي بطلقك :44: قلت لا ان شالله مافيك شي بس نبي نتأكد قال بس علمتك ترى.. مابيك تنحرمين من الاطفال :icon33:

عاد انا الحين غيرت رايي ماودي انه يروح اخاف يصير فيه شي واخسره وانا مابي غيره ..

ســـؤؤالي هو انا قد حملت طبيعي بعد زواجي ب3 شهور هل ممكن يصير جاه ضعف او قلة عدد او تشوه او .... الخ

يعني اخليه يروح ولا مــاله داعي اروح للممرخه وبس ؟؟

أسفه على الاطاـله .. في انتظار ردودكم ..

806

يلزم عليك تسجيل الدخول أولًا لكتابة تعليق.

تسجيل دخول

مشتاقه للامومه • 14 سنة

الله يرزقك الذريه الصالحه خليه يحلل ويمكن فيه ضعف بسيط

فوندو • 14 سنة

يااختي انتي جربتي كل شي جربي الاستغفار داومي عليه والصدقه اليوميه لوبريال حطيها بصندوق عندك بالبيت واخر الاسبوع او الشهر عطيها اي محتاج لوعمال النظافه بالشارع بتشوفين كيف بتتغير حياتك لمن اتفرحين هالمساكين صلي قبل لاتنامين لوركعه وادعي وانتي موقنه بالاجابه ادعي لاخواتك بالمنتدى اذا دعيتي لهم تقول الملائكه لك مثله لاتضغطين على زوجك اصبري وربك بيفرجها ان شاء الله
ادعولي ان الله يكتب لي الحمل السليم الثابت عاجلا غير اجل اذا دعيتي لي تقول الملائكه لك مثله

بلسم فقط • 14 سنة

حبيبتي تحليل السائل المنوي ما يتدخل فيه الطبيب

يعني العينة يجمعها الزوج ويسلمها للمختبر

فكيف يعني بيصير شي لزوجك؟

اسأل الله لنا ولك الذرية الطيبة الصالحة

عصفوره مشاكسه • 14 سنة

دامه من اول حلل خلاص خليه بس كل يوم ياكل ملعقتين عسل طبيعي وحبه سوداء حتى هو يقتنع انه يسوي امكن هو يجي من كيفه اذا مل ويطلب تحليل وانتي فهميه انكم عشان تبداو العلاج صح مو تاخذي منشطات وبالاخر يطلع عنده شي لو بسيط اقنعيه باسلوبك

عطر الليل1000 • 14 سنة

احيانا يصير ضعف عند الزوج حتى لو حماتي من قبل

انا انصحك خليه يسوي الاشياء اللي بكتبها لانها جدااااااااااااااا مفيدة و مجربة من شخص اعرفه

اهم شي للرجل و هو كنزمجهول هي الحجامة فهي عجيبة و مفيدة جدا
و يجب تكرار الحجامة شهريا
بحثي في النت راح تقرين العجب عن الحجامة عشان تتشجعين و خليه يقرا بعد
كثييييييييير حالات حملو بعد الحجامة نتاجها سريعه

خلطة العسل مهمة جدا (نصف كيلو عسل سدر اصلي+علبة طلع النخل+علبة غذاء الملكات+2 ملعقة حبة سودة مطحونة+جنسنج)تخلط المقادير و كل يوم على الريق صباحا و مساءا ملعقة كبيرة مع كوب ماء دافي
تجدين المكونات في محلات وادي النحل

هذا الشراب مهم جداااااااا يوميا تضعين في الكوب زنجبيل مبشور طازج+ملعقة متوسطة قرفة مطحونة ثم تصبين عليهم ماء مغلي و تغطينه الى ان يفتر و يشرب
(الزنجبيل لزيادة العدد و القرفة لزيادة الحركة)

الرجل مثل الطفل انتي لازم تسوين له الشراب و تعطينه و انتي تذكرينه ياخذ العسل يعني على طول وراه

و الاكثار من اكل المكسرات و المأكولات البحرية

من الصيدلية حبوب الزنك يوميا حبة وحده مهم جداااااااااااا

اهم شئ الاستمرار و اتبعي البرنامج و عقب شهرين خل زوجك يحلل و ان شاء الله يتحسن و اذا تحن و لو شي بسيط ضروري الاستمرار الى ان يتم الشفاء لان كل جسم يختلف عن الثاني في الاستجابة

و الله يرزقك من واسع فضله

و لا تنسيني من دعائك