شوفي ياقلبي ماحبيت ادخل بدون ماارد عليك

بما اني كنت موظفه لكن لضروف خاصه تركت وظيفتي والله يعوضني


شوفي انتي مو ملزومه بكل هذي المصاريف

اول شي اخوك المتزوج قولي له استوب خلاص المفروض يصرف على بيته بنفسه كفايه عليك ديون بعد تدفعين له اجاره خل يروح يدور شقه ارخص او يوفر ويدفع اجار بيته

ثانيا البيت اللي انتو فيه لاترمينه لانه ببساطه ليس ملك لكم

ممكن يكون الترميم لاشياء بسيطه ويكون الدفع بينك وابوك واخوانك يتوزع عليكم المبلغ

وممكن تكتفون الفتره هذي بصبغ الجدران الصاله فقط

ثالثا اخوك اللي يبي سياره السياره مو دلع لو كنتي حاسه انه محتاجه فعلا بحيث ماعنده احد يوصله للمدرسه او الجامعه ممكن تشرينها لكن مو تقسيط لا حاولي تشرينها كاش وتكون بمبلغ بسيط والمهم وحطي تحت المهم خطين تكون باسمك ماراح يقدر يبيعها الا بعد الرجوع لك وبنفس الوقت تكوني ساعدتي اخوك وحفظتي المبلغ لك ولو احتجتي تبيعي السياره وتصرفي بفولسها

امك انا اشوف لو تجيبي لها شغاله راح تتخسري اكثر من 20 الف ريال غير انها ممكن ترفض الشغل او تهرب وتكوني خسرتي بدون ماتستفيدي شي فعندك الشغالات بالاجار جيبها كل نهايه اسبوع واشرفي عليها وبكذا ساعدتي امك وماخسرتي

باقي عندك مصاريفك الشخصيه حاولي تختصري مو كل شي تشريه وفري لان عليك ديون ومصاريف البيت حددي مبلغ بلها حيث انك ماتتجاوزيه في اي حال وللي ممكن يتاجل اجليه الشهر الجاي واشتريه

باقي عندك الديون اللي للبنك حاولي في ابوك او اخوانك يسلفونك المبلغ وادفعيه للبنك كاش وبلاش ياخذ عليك فوائد

وبالنسبه لشراء شقه او استثمار مااشجعك لانه ممكن تخسري وتزيد عليك الديون او تضطري تبيعيها بسعر قليل لكي تسددي ديونك

الافضل الان الاقتصاد في المصاريف + الادخار لو جزء بسيط من راتبك للمستقبل ممكن يفك ازمات

واخوانك لاتدفعين لهم الا في اضيق الحدود لو كانوا محتاجي بجد ماراح اقول لك اخذي عليهم شيكات لا لكن لو سلفتيهم مبلغ قولي تراه دين ولو ماسدد وجا مره ثانيه يطلب منك مبلغ اخر قولي ماراح اعطيك لما تسدد لي المبلغ اللي قبل وانا مديونه ومحتاجه المبلغ وانتي صادقه ماكذبتي

والوظيفه مو تقسيط وديون تقعدين تسددين فيها طول عمرك انتبهي لنفسك الوظيفه امان وادخار للمستقبل

ادعيلي الله يفرج همي

كتبت الرد وانقطع النت ورجعت وكتبته مره ثانيه مع اضافات


تجننننننننن

[IMG]http://www.******.com/lives/12733966401.jpg[/IMG]

استغفر الله واتوب اليه
الله يجزاك خير اختي وعموما احنا ثنتين بنفس المشكلة انا كاتبة الموضوع واخت لي لها نفس ظروفي

الله يعطيكم الي ان يرضيكم ويفتح على كل من قرت موضوعي ابواب رزقه ولا يخيب لها تعب ياكريم


الساعة الآن 01:32 .