هلا فيك أختي وإن شاء الله أقدر أفيدك
شوفي الطازج كبسته نفس الكبسة اللي إحنا نسويها بس الفرق شيئين هو إنه يحط السلطة الحارة اللي هي الطماطم مع البصل والزيت وإذا تبغين الطريقة أقولك عليها والشئ الثاني هو القرنفل هو يحطه وأنا لا
.. وإن شاء الله تزبط معاك أنا بصراحة أحس الطعم نفسه.. فإنت جربي وردي علي
أولا تحطين البصل والثوم البصل حبة وحدة والثوم حوال ستة أو سبعة فصوص ومعاها قرفة حبتين وشيبة برضه حبتين وهيل خمس حبات... وممكن تحطين فلفل أخضر اللي هو الرومي قليل بس للنكهة المهم تحمرينه ولما يصير لون البصل أصفر وبعض أطرافه بني تحطين الدجاج وتقلبينه وتحطين البهارات اللي هي فلفل أسود ملعقة وكمون ملعقة ونص وبزار أصفر ملعقة أظن إسمه الثاني كركم وماجي مكعب واحد وليمون ناشف واحد و تضيفين لة ورق الغار وتقلبينه وتكتمينه مدة ما تزيد عن خمس دقايق..
وبعدين تضيفين له طماطم على حسب كمية الدجاج إذا وحدة حطي ثلاث وهكذا.. وتقلبين الطماطم مع الدجاج وتحطين موية حارة اللي تغطي الطماطم يعني اللي تذوبها ولما تذوب تحطين موية زيادة وتخلينه يطبخ حتى الدجاج يستوي ولا تنسين الملح وبعدين حطي الرز وخلاص خلصنا الكبسة نجي للسلطة الحارة..
وهي تحمرين بصل وتحطين الطماطم عليه وملح وفلف أسود وكمون وبس ولما تخلص الكبسة حطيه على الرز .. ولا تنسين القرنفل إذا تبغيه لأن كبسته فيها أما طريقتي ما فيها..
وجربيه وإذا زبطت وأعجبتك إدعيلي.. إن الله يوفقني وأجيب نسبة..
07-08-1425 هـ, 04:57 مساءً
 
في أحد جربها... ترى والله طعمة مرة.. ردوا ياهوووووووووووه
09-08-1425 هـ, 07:22 مساءً
 
والله انا ما عجبتني كبسه الطاااازج مجرد رأي شخصي

وعندي طريقتي الخاااصه لطبخ الكبسه وهي سهله ولذيذة جدا وما تحتاااج إلى جهد

المقادير 0

دجاااجه مقطعه
حبه بصله مفرومه
حبه مكعب ماااجي
ثلاث حبااات هيل
عودين مسمااار
حبه قرفه
ملح
ليمونه ناشفه
ورق غااار
ملعقه ونصف معجون طماااطم او حبتين طماااطم مفرووومه
كاستين ارز بسمتي
ماااء مغلي
زيت نبااتي
الطريقه 0
ضعي الزيت في القدر وحطي عليه البصل وقلبي الزيت على النااار حتى يحمر البصل
إرمي عليه الدجاااج وحركيه شوي با الملعقه الخشب لمدة دقيقتين وحطي عليهم المعجووون
والبهااارااات والماجي والماااء المغلي بس لا تكثرين الماااء
بعدين إرمي عليهم الارز ووطي النااار عليهم شوي حتى تنشف المويه تمااااما وبا الهنا والعافيه
جربها وإدعلي تراااها والله روووووووووعه
10-08-1425 هـ, 03:47 صباحاً
 
يسلمووووووووووووووو
10-08-1425 هـ, 07:18 مساءً
 
شكرا لكم جميعا على ردودكم الجميلة

فاتنة الحي / جربتها وبصراحة حلوه وقريبة من الطعم حق كبسة الطازج بس يمكن عشاني توي اتعلم ماطلع الطعم مطابق تماما والله يوفقك وتجيبين نسبة عالية يارب.

ام البطل / كبستك تجنن والله يوفقك .
12-08-1425 هـ, 03:20 مساءً
 


الساعة الآن 06:38 .