السلام عليكم

بنات انا سويت كريم كراميل وطلع لين يعني ماجمد عندكم طريقه علشان أستغله

لانه من مواد طبيعيه ياريت اللي عندها أي طريقه تخبرني فيها علشان اليوم بسويه

ومشكورررررررررر ين...

هلا اختي

اذكر مرة بنتي عملت كريم كرميلا بدون اضافة بيض وطلع الله لايوريك
خفيف مرة ولونه متغير لانه امتزج مع السكر المحروق

اخذته وحطيته بالخلاط واضفت له بيض ونشأ وفانيليا اضافية
وخفقته ثم وضعته على النار مع اضافة نص ك ماء دافي

وعندما اصبح كثيف عملته مثل البودنج
يعني وضعت طبقة بسكوت في صينية ثم قليل من الخليط ثم بسكوت ثم خليط وهكذا
حتى انتهاء الكمية

ثم وضعت على الوجة ظرف دريم ويب مع كاكاو وعلبة قشطة وحليب سايل

وتركته في الثلاجة حتى يجمد

بصراحة طلع مررررررررررررة لزيز
أختي،

أنا مثلك كنت أدور على الوصفة المثالية للكريم كاراميل حتى أعطتني اياه الأخت ماكو أسامي الله يوجه لها الخير و يعطيها كل اللي تتمناه

و أقسم بالله اني لما جربت طريقتها لم يعد يعجبني اي وصفة كريم كراميل أخرى و طلع عندي الكريم كاراميل أكثر من روعة

و يسعدني ان أنسخ لك طريقتها بالظبط كما أعطتني اياها

"كريم كاراميل ماكو أسامي


8 بيضات كبيره
علبة حليب نستله محلى مكثف كبيره
2 علبة قشطة نستله
2 كوب حليب سائل
2 كوب ماء
نقطة خل
فانيلا
برش ليمون صفراء 1/2 ملعقه صغيره

الكرمل
كوب سكر مع 1/4 كوب ماء
يحرق ويصب في القالب ولما يبرد

حطي المقادير السابقه كلها بعد خلطها لو القالب له غطاء خير وبركه ولو ماله غطيه بقصدير جيد جدا حطيه داخل قدر كبيره على الغاز وضعي ماء مغلي لغاية ما يوصل لنص القالب وغطي القدر الكبيره واتركيه على النار الخفيفه ساعه بس زوتأكدي انه فيه ماي عشان لا يتبخر كله
طلعيها وخليها ساعتين بره والافضل مكشوفه ثم غطيها وبيتيها بالثلاجه لثاني يوم وحرري الاطراف بسكين ناعمه شوي شوي ثم اقلبيها في قالب له حفه عشان الكرميل لا يطشر بره "


ملاحظة : أنا أضفت الى البيض المخفوق بضعة من شعيرات الزعفران و تركت الطنجرة على النار الى ساعة و نصف بدلا من ساعة و طلع عندي الكريم كاراميل جامد و شكله رائع.

و ان شاء الله تظبط معك الوصفة مثل ما ظبطت معي و بيضت وجهي امام زوجي و عائلتي.
حياج الله يامشرفتنا عزيزه الغاليه أشكرج على طريقتج والحين بجربها وبرد عليج

حبيبتي هالة لبنان مشكوره على الوصفه والحين بكتبها في دفتري

انا أعرف أسوي كراميل وكل العائله تاخذ مني الطريقه بس هالطريقه أخذتها أمس من المنتدي لانها من غير فرن

وسويت نفس المقادير ونفس الطريقه بس ماجمد معاي وانقهرت لان الكميه كبيره

مشكورين وماقصرتوا على المساعده انا الحين بروح اسوي طريقة عزيزه وبخبركم بالنتيجه


الساعة الآن 02:24 .