الفراخ المشوية على طريقة الشيف يسري وأرز بالخلطه
المقاديرفرخة كاملة
1/2 كوب زبدة
2 ملعقة كبيرة زعتر
2 ملعقة كبيرة عصير ليمون ( ليمونة كاملة كبيرة)
بشر ليمونة
كسبرة ناشفة
بهارات
ملح وفلفل
نجيب الفرخة ونغسلها كويس أوي
وانا هنا جبت فرخة بلدي لأني بحب الفراخ البلدي جدا
بس براحتك لو بتحبي الفراخ البيضا مفيش مشكلة
بس الفرخة تكون صغيرة مش كبيرة
علشان مايكونش فيها دهون وكمان تستوي بسرعة
ونفصل الجلد عن اللحم

بعد كده نجيب صينية نخرط فيها بصلة كبيرة
وتكون متبلة بالملح والفلفل
وممكن نحط عليها أعواد زعتر


بعد كده نتبل الفراخ ونحشيها بالحشوة من جوا
مابين الجلد واللحم
ونكتفها كويس جدا
نلف الجناح من ورا عكسي
والوراك ممكن ندخلها في الفرخة نفسها او نلفها بخيط دوبارة
ونحطها فوق البصل في النصف
ندخلها فرن يكون متسخن قبل كده ونسيبها لمدة 10 دقائق على نار عالية
ونخرجها تاني نلفها بورق سيلفر

بعد كده ندخلها الفرن على نار متوسطة
نسيبها لمدة نصف ساعة
وبعدين نهدي عليها النار ونسيبها تستوي براحتها ع الهادي

بعد كده نعمل الأرز
وانا الحمد لله بعمل رز بالخلطة حلو أوي
نقول بقا الطريقة

أنا أخدت الكبدة والقناصة والقلب بتاع الفرخة
قطعتهم قطع صغيره اوي
وقطعت بصلة متوسطة
شوحتهم في الزبدة وشوية زيت ذرة صغيرين
( لازم تحطي زيت علشان الرز مايلزقش منك )
وحطيت معاهم
زبيب
لوز مقطع (ممكن سوداني مقشر بيكون أحلى واطعم)
معلقة كبيرة نعناع ناشف
معلقة كبيرة كركم
معلقة كبيرة قرفة
ملح وفلفل
بقلبهم كويس وأحمرهم في الزبدة
بعد كده بنضيف الرز للخلطة دي وبنكون ناقعينه شوية في الميه
بعد كده ضفت له الشوربة وسبته يستوي بالطريقة العادية

وبعد ما الرز استوي
حطيت الرز على طبق سيرفيس كبير
وصوص الفراخ من حواليه
وحطيت الفرخة في النصف
يعطيكي العافيه ياعسل

بس لو حطيتي صوره البنات بيجون جري ههههههههههههه
اللهم بارك لنا في شعبان وبلغنا رمضان
مشكوووووووووريااختي



الساعة الآن 11:45 .