Analysis Services
السلام عليكم
انا وزوجي نموت في شي اسمه ستيك هاوس لحمهم طريقته تذبح..
وحبيت اني اصلح زيهم في البيت وشريت قطعتين لحم ستيك تي بون من السيفوي طازجه..
وتبلتها ساعه كامله وشويتها على صاج بالزبده والزيت ..لكن بعد ما استوت طلعت قاااااسيه وفشلتني عند زوجي.. وقلت له بعد يومين ماعليك راح اعوضك على العشا اليوم بس قال انا راح اطبخها هالمره ياحبيبتي <<== تراه قال شي ثاني
وراح سلق اللحمه في مويه بعدين تبله وشواها ..صحيح انها صارت لينه بس مو زي طعم ستيك هاوس ..وللأمانه (واتمنى ان ابوعبدالله مايقرى هالكلام ) صار ستيك ماصل
عاد انا ودي انكم تعلموني كيف اقدر اصلح ستيك ياكل اصابع رجوله وراه ...بلييز ياليت الطريقه تكون مجربه ومضمونه انا ودي افاجأه ما ابي اتفشل...لاتورطوني تراني ابيه يوديني للسوق
08-08-1425 هـ, 10:17 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ملاحظه لايفوتكم رقم موضوعي في شريط العناوين (224444) <<=== رقم مميز الله
09-08-1425 هـ, 12:46 صباحاً
 
حياك الله يا ام عبد الله وحيا الله اهل شقرا

شوفي يا حبيبتي .. تاوات التيفال ما تصلح لشغلات مثل عمل الاستيكات .. تحتاجين إلى صاجة متينة جدا .. ممكن تشترين شعبي من محلات تجهيز المخابز ويسمونها صاجة كبدة وهذي قيمتها من 50 إلى 75 ريال او تشترين صاجة مصنوعة من حديد الزهر من محلات تجهيز مطابخ الفنادق والمطاعم وهذي يستخدمها محترفين وقيمتها غالية حوالي 200 إلى 250 ريال .. حديد الزهر افضل لتوزيع الحرارة ..

اللي يصير عند طبخ الاستيك في صاجة التيفال الهشة انها تبرد بسرعة بعد ما تحطين قطع الاستيكات وبعدين تبدأ عصارة اللحمة في الخروج من القطعة وتجف وتطلع صلبة .. ولكن الصاج المتين يحتفظ بالحرارة اطول ولا يبرد بسرعة وعلى طول تتحمر سطح القطعة وتنقفل المسامات و تنحبس عصارة اللحمة في وسطها وتطلع طرية .. اتمنى تكوني فهمت هالنقطة

الشي الثاني .. المطاعم تحط مطريات مثل بيكربونات الصودا وهذي تطري اللحم بسرعة ويطلع هش وسريع النضج .. فيه مطريات لحم طبيعية كثير .. مثل الزبادي والليمون ( الحمضيات ) والانناس فيه انزيمات مطرية قوية وفيه مطري قوي جدا ويعطي طعم حلو للغاية ولكن يبي لك تبحثين عنه عند محلات العطارة .. اسمه ( كجري ) هذا باكستاني

يعني لا بد ان يكون المطري في استيكاتك او حتى في الدجاج إذا بغيتي شيء مستوي وغير جاف او محترق

الحين خليني اعطيك طريقة يبي يوديك ( ابو الشباب ) للسوق مرتين هالاسبوع

خذي قطعتين تي بون ستيك ( لا تشترين برازيلي .. خذي محلي افضل بكثير )

هذه الوصفة سريعة ما يبي لها تتبيل ...

سخني ملعقتين زيت + نصف اصبع زبدة ( 60 غرام ) في صاجة ( متينة ) .. بعد ما تذوب الزبدة والزيت ارفعي درجة الحرارة ثم ضعي قطعتين الاستيك .. لا تضعين اكثر من قطعتين في وقت واحد ..

اطبخي على نار عالية لمدة دقيقة ثم اقلبي الاستيكات على الوجه الثاني واطبخي لمدة دقيقة اخرى حتى يتحمر كل وجه .. قصري على النار على المتوسط او اعلى شوي وخلي الاستيكات تطبخ لمدة 6 إلى 8 دقائق مع التقليب كل دقيقتين او اكثر قليل

يجب ان تكون قد استوت بعد عشر دقائق .. ارفع قطع الاستيكات وضعيها في وعاء وغطيه واتركي عصارة الطبخ في الصاجه .. قصري النار على الصاجه ثم اضيفي ملعقة كبيرة طحين ابيض ثم حركي ليختلط مع عصارة اللحمة .. اضيفي نصف كوب خل عنب احمر + نصف كوب ماء دافئ + نصف ملعقة كبيرة سكر او عسل اسود ( قصب سكر ) + ملعقتين كبيرة ( نعم ملعقتين كبيرة ) فلفل اسود مكسر بالهاون ( ممكن مطحون ولكن المكسر افضل وريحته اقوى بكثير ) .. حركي لين يصل إلى درجة الغليان .. بعد ذلك اضيفي ثلاث ملاعق كبيرة كريمة الخفق او قشطة رائبة .. حركي واتركيه لمدة ثلاث دقائق ثم ارفعيه من على النار ..

ضعي الاستيكات في صحن التقديم ثم صبي بالملعقة الصلصة على قطع الاستيكات وقدميها لأبو الشباب وشوفي بس انتبهي انتي لا تاكلين اصابع رجليك
09-08-1425 هـ, 10:17 صباحاً
 
يعطيك الف عافيه باين ماشالله انك شطوره راح اجرب طريقتك مشكووووره.
09-08-1425 هـ, 05:56 مساءً
 
دردشة مطابخ


كيف استخدم بيكربونات الصودا اللي اعرفه انها بودره؟؟؟؟؟ يعني احلها بمويه ولا كيف؟؟؟



ام عبدالله كم مدة السلق ولو طلع ماصل مو مشكله الله يخلي الصلصات اللي بالسوبر ماركت

يعني ابي طريقة ابو العيال ههههههههههههههههههه
25-08-1425 هـ, 01:36 صباحاً
 


الساعة الآن 05:43 .