ياعمري هذي الطريقه 1كوب زيت انا احط ثلالث ارباع الكوب و1كوب سكر مطحون ناعم و1كوب سميد و1كوب جوزهند و2 علبه قشطه وملعقه صغيره بكنج بودر وملعقه صغيره فانيالاو2 حبه بيض كل هذول اخلطيهم بخلاط اليد الكربائي لين يتجانسو وبعدها جيبي صينيتك وزيتيها وخوذي مقدار شوي من الخليط هذا اللى يكفي الصينيه بس لاتسمكي الطبقه بقي لان في طبقه ثانيه ودخليها للفرن حراره متوسطه من تحت بس وباالوقت هذا سوي الحشوه اللى هي 3 م ك نشاء بس انا اضيف حوال الملعقتين زياده مدري ليه ماتثقل معي غير اضيف و6م ك حليب بودره وكوبين ونصف مويه حركيهم بمضرب ليد زين بعدين حطيهم على نار متوسطه واثناء اتحريك ضيفي بيضه وم ص فانيلاياوحركي بسرعه واستمري بتحريكها لين تثقل وتصير متجانسه وشيكي على الى باالفرن اذا تحمرت زين من تحت طفي النار وطلعيها وخلبها تقريبا خمس دقايق تبرد شوي بعين ضيفي الحشوه كلها وبدها جيبي الباقي من الخليط وحطيه فوق الطبقه البيضاء شوي شوي لين ماتغطي كل الطبقه ودخليها للفرن وشغاى النار من فوق بس والصينيه حطيها باخر الفرن والنار تكون واطيه عشان تستوي زين انا بفرني تجلس حول ال 20 دقيقه بس انتي شيكي عليها كل 5 دقايق ولما تطلع من الفرن تكوني مجهزه قطر باردوسقيها شوي شوي ولما تبرد قطعيها وزينها باالجوز وبس الكوب اللى تستخدميه خليه هو في كل شي عشان المقادير تطلع مضبوطه حياتي اذا مافهمتي علي اسئلى وبردللك وربي كل من ذاقها عندي خذا طريقتها بس ابيك تدعي ان ربي يرجع زوجي من الجنوب ومليجي شهر5 الاوانا بشقتي باالدمام واسفه اذا طولت
29-03-1431 هـ, 03:35 صباحاً
 
متى اشوفه الله يقر عينش بشوفته قريبا مرتاحين من هم الحرب و تنتقلين لمنزل السعاده
29-03-1431 هـ, 03:52 صباحاً
 


الساعة الآن 11:37 .