ضروري ابي طريقة المموش الكويتي الله يسعدكم
خبروه اني على وصله حييت....وان تفارقنا ترى موتي دنا
جميل ان يكون لك قلب انت صاحبهوالاجمل ان يكون لك صاحب انت قلبه
السلام عليكم

من عيوني أكتب لك طريقه المموش

أولا تاخذين العدس الاخضر و تنقينه وتغسلينه وتتركينه منقوع بالماء لمده ساعتين
ثم تغسلينه عدل مره ثانيه

ثانيا تحضرين جدر الطبخ ويحمسين فيه البصل المقطع صغار طبعا تحمسينه بالزيت الى ان يحمر شويه

ثالثا نكت العدس فوق البصل بالجدر مع اضافه البهارات(الملح +الفلفل+الكركم) والفلفل الاخضر الحار و 2 فص ثوم كبير ثم يقلب الجميع جيدا ثم نصب فوقه الماء ونتركه يطبخ الى ان ينضج العدس

رابعا نصب فوقه العيس المغسول و المنقوع بالماء سابقا ويطبخ كما يطبخ العيش العادي

ملاحظات :

غالبا تكون كميه العدس نصف كميه العيش
كلما كثرتي الزيت كلما صار احلى
يقدم عادتا مع دقوس صبار أو دقوس الطماط
ممكن تحطين فوقه حمسه الروبيان عند التقديم
طبعا ممكن تستخدمين الدهن العداني لكنه يطلع وايد دسم
انا بكمل الباجي
حشو الربيان احلى شي على المموش
تاخذين ربيان يابس تقسلينه وتنقعينه شوي بعدين تفرمينه ناعم
تقصين بصلتين متوسطتين
تحمسين البصل لما يصير احمر
وتحطين فوقه شوية زيت +البهارات والملح وكثري الفلفل الاسود اذا كنتي تحبين الحار
وشويه ليمون اسود
وجذي يصير عندج المموش+الحشو

ودقوس الصبار
تاخذين نص جيس الصبار نقعيه وبعدين هرسيه بايدج
وتشخلين الصبار يكون عندج بس الماي
تحطينه على النار مع فصين ثوم
وواحد معجون طماط
وتخلينه لما يثخن شوي
اي لاتنسين الملح



وبالعافيه
ربي اجعلني مقيم الصلاة ومن ذريتي يااااارب

السلام عليكم بضيف على خواتي بعض الاضافات

وهو اضافة الفلفل الاخضر الحار ويكون مطحون مع كزبره خضره وثوم ويحمس جيدا مع الربيان طبعا والبهارات مثل الكركم الليمون الاسود الناعم وكمون وفلفل اسود

وتحمسينه في نفس القدر الي سوف تطبخين فيه الرز والماش

وبعد ان يستوي الحشو يرفع الحشو من القدر ويحمس فيه البصل بزيت كميه كافيه لان الماش يمتص الزيت ونحمس معه قليل من الربيان العدل يعني لما نطحن الربيان نترك منه كميه قليله دون طحن وملاحظه يفضل ان لا نطحن الربيان كثيرا يعني يكون خشن

المهم وبعد ما حمسنا الربيان مع البصل نضيف عليه خلطة الثوم والكزبر والفلفل

ونضع عليه قليل من الكركم وحبتين ليمون اسود حب يعني لم يطحن

ويحمس جيدا وضعي معه عودين دارسين ( القرفه ) وباقي الطريقه مثل ما ذكرو خواتي

وبالعافيه ( ملاحظه ضعي قليل من السمن النباتي على الحشو لما تضعيه على الرز

يعطيه طعم عجيب )
مشكورين حبايبي
بنت القطان
ام الغاليه
شيخه الكويت

وجزاكم الله الف خير راح اجربو اليوم واردلكم خبر
خبروه اني على وصله حييت....وان تفارقنا ترى موتي دنا
جميل ان يكون لك قلب انت صاحبهوالاجمل ان يكون لك صاحب انت قلبه


الساعة الآن 07:34 .