Analysis Services
  • «
  • 1
  • 2
  • >
  • »
[ALIGN=CENTER]السلام عليكم

الغاليات الخبيرات



ابغى منكم ما عليكم امرللخبيره فى تجميد الاطعمه تعلمنا



مثلا ( السبرنج رول اشلون اعمله === واجمده الطريقه من الى === يعنى بس ابى اجى من الدوام واقليه واقدمه لبو الشباب )

عشان يرضى على

والسبوسه ابى حشوات مميزه لها وغريبه



واشلون اصفها بصحن التجليد ؟




[ALIGN=CENTER]( با ختصار اى طبخه تصلح للتجميد تعلمونا طريقتها من الى عشان تدرون حنا موظفات وما يمدينا نجى ونطبخ )[/ALIGN]
انتظركم



الله يخليكم الكل يدلى بدلوه وما يعرفه بالهاموضوع===== بس بالتفصيل
[/ALIGN]




[ALIGN=CENTER]انتظركم بفارغ الصبر لا تطنشونى عشان ببدى العمل مبكر[/ALIGN]
09-08-1425 هـ, 03:16 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
[ALIGN=CENTER]السلام عليكم ...أختي العزيزة ...الخنساء...

بصراحة أعجبتني فكرة موضوعكِ

وفعلاً هو مهم للجميع..

بس للأسف ما أدري ليش ماردوا عليك الأخوات؟

عموماً حبيت أقول إنكِ راح تلاقين طلبكِ بالضبط في قسم الملفات المميزة..

وتحياتي لكِ

أختــــــــــــكِ حنــــ سدير ـــين[/ALIGN]


[ALIGN=CENTER]
[RAM2]http://www.anashed.net/audio/samtan/ommy.ram[/RAM2][/ALIGN]
11-08-1425 هـ, 05:07 صباحاً
 
اختي بالنسبه للتجميد

مثلا السبرنغ رول سوي حلطه الخضار المعروفه للسبرنغ روال واحشيها في صينيه كيبره حطي كيس نايلون على الصينيه بعدين رصي السبرنغ عليها الين تخلصين


حطيها بالفرزل الين تجمد بعلبه بلاستك محكمه الغلق رصيها ومابين طبقه وثانيه حطي مناديل ورق حقت الشاورما

وبعدين سكريه زين واتركيه بالفرزيل الين رمضان قبل تقلينه طلعي الكيمه الي تبين تستخدمينها

من بدري حطي بالثلاجه عشان يفك الثلج

ويصير كانه طازج هذا بالنسبه للسبرنغ رول

مثال ثاني ورق العنب سوي نفس الطريقه بس اهم شي لا تحطين زين عشان الزيت معروف يلقط الريحه

واغلب الاكلات على هالحال اهم شي التجميد الاول يكون ممتاز عشان ما يتلاصق ببعض

بالتوفيق
11-08-1425 هـ, 07:50 صباحاً
 
شوفي حبيبتي بالنسبه لي احب اسوي السبرنج رول والسمبوسه وورق العنب

وحتي عجينة البيتزا تسوينها قبل النوم وتخمرينها 1\2 ساعه ومن بعدها تثلجينها

واذا بغيتي تطبخينها تطلعينها وتخلينها 1\2 ساعه إضافيه علشان تتخمر عدل واحشيها

بأي حشوه

بالنسبه لحشوة السبرنج رول احمسي بصل وملفوف وجزر وفلفل أخضر وأحمر وأصفر وبصل أخضر

وثوم ورشي عليه فلفل أبيض وصلصة الصويا وشوية ملح وخلى الحشوه تبرد واحشيها السبرنج وحطيها

في علبه بلاستك ومابين صفه وصفه ورق المنيوم علشان مايتلزقون واذا انتي مستعجله على قليهم

حطيهم في المكرويف لمدة دقيقه وبعدين قليهم

وانا بعد اسوي عجينة سمبوسه واحشيها جبن أو خضره واثلجها واقليها في أي وقت

وممكن قبلها بيوم تحشين كوسا وتحطينه في الثلاجه ومعاه ليمون وزيت زيتون واذا جيتي

من الدوام على طول حطي الماجي والملح والفلفل الأسود والماء وخليه 50 دقيقه

وانا بعد اثلج ورق العنب والكبه وكرات التونه وكرات البطاطا واذا تبغين طريقتهم بخبرك فيهم
11-08-1425 هـ, 09:23 صباحاً
 
اختي العزيزه الخنساء

الله يعينك على الطبخ في رمضان وعندك دوام وانا ترى مثلك موظفه وبعد الدوام احيانا اروح الجمعيه

علشان الوصفات الغريبه 0 وتردين البيت عندك العيال وواجباتهم 0

بس والله ما احس بالتعب وانا اطبخ صج شهر مبارك 0

بصراحه هالسنه انا لفيت السمبوسه عند الهندي بالعديليه وعطيته الحشوات مع العجينه

لاني استعمل العجينه السعوديه ( سويتز )ممتازه ما تتشرب بالزيت0

طريقتي بالتجميد احط السمبوسه بعد ما الفها بالصينيه واحط بينها ورق نشاف وادخاها الفريزر

بعد ما تجمد احطها في اكياس نايلون بدون ورق لانها ما راح تلصق ببعض 0

الحشوات : جبن ابيض فرنسي غنم

جبن شدر ( كرافت او برايد )

نقانق مع جبن سلايس

بيض مسلوق ومفروم + ملح وفلفل ( ما يصلح للتجميد )

دجاج مسحب ومحموس مع البصل

خضار محموسه ( ملفوف + فلفل اخضر + جزر+ بصل اخضر )
11-08-1425 هـ, 10:32 صباحاً
 


الساعة الآن 06:22 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏