السلام عليكم ورحمة الله وبركاته

اللي ناوية تبني بيت او قاعدة تأثث بيت أو حتى اللي تفكر انها تستأجر بيت أو تغير من شكل البيت واكسسواراته
فعليها بمعرض الأثاث الدولي المقام في مركز دبي التجاري في تسع قاعات!!

يا بنات
مشيت فيه ثلاث ساعات وبعدني ما خلصت ربعه!!
شيء فظيع

إعلان

ديكورات اول مرة اشوفها
ستاير غريبة
كفرات غريبة
اي شيء يخطر على بالكم للبيت بتلقونه في المعرض
سواء للحديقة(عندهم احجار روعة ونوافير )
من بين الاشياء اللي عجبتني
كور دائرية باحجام مختلفة
اصغر حجم بألف درهم(وهذا هو سعر المعرض)
عشان نخليها في الحديقة او في المسبح وتشتغل بكهربا او ببطاريات عشان تعطي اضاءة للحديقة

وشفت بعد سجاد بخامات جديدة وتقدرين تعطينهم الصورة اللي تعجبجج للمنظر اللي تبينه
عشان يسوونه لج على شكل سجادة لج بالحجم اللي تريدينه

بودرة الرخام المستعملة في صبغ الجدارن تاخذ العقل

أرضيات خشب بنفس شكل الرخام !!!!!

بالنسبة لي بعدني ما بنيت بيتي
بس زرت المعرض عشان اخذ فكرة
واشتريت سي دي فيه صور للديكور والاثاث المصري لشركات مصرية
وان شاء الله بخلي الصور في موضوع منفصل

بس انا كاتبة الموضوع بشكل سريع عشان اشجعكم تشوفون المعرض قبل لا يخلص

خصوصا بنات دبي والامارات!!!!!!!

ويا بنات بالفعل .............. لا يفوتكم
اللهم لك الحمد والشكر كما ينبغي لجلال وجهك وعظيم سلطانك

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
طيب فيه فرع له في الرياض؟؟؟؟؟؟
شوقتينا أختي حاولي بسرعة تحطين لنا الصور لأني أنا الآن في مرحلة التشطيب النهائية. وتسلمين ولكن يا حسرة أنا من البحرين
مرحبا يا الغاليه ممكن تقولين لنا كم مدة المعرض وهل سيستمر الى 5 اكتوبر ؟


الساعة الآن 03:14 .