مشتهيييييييه مرقوق . اشوفه قدام عيوني بس المشكله ما اعرف اسوييه يا ريت تعلمني طريقت المرقوق , باللحم , بالدجاج او من غير شي وتاخذون اجر فيني...


اولا الف مبروك والله يقومج لنا سالمه

المرقوق ترى وايد سهل اهم شي لما تحطين العجين لا يصير فوق بعضه عشان لا تلصق وتعجن وياج ولا ترها نفس المرق

3 و 1/2 كوب طحين اسمر اللي بالجمعيه خمس كيلو
كوب و 1/2 ماي
1 م ص ملح
تعجنين العجينه عدل وغطيها بفوطه
دجاجه كبيره او لحم بعظم نفس لحم المرق طبعا مقطع متوسطه
بصله كبيره مفرومه
راس ثوم مقشر بس مو مهروس عدل يعني
4 حبات لومي اسود عدل
قرع مقطع مكعبات حسب الحاجه
حبة باذنجانه مقطعه مكعبات
2 حبة كوسا مقطعه كل حبه اربع
لازم تراعين الخضار تقطيعها يكون مقارب لبعض
قطعة صغيره زنجبيل اخضر مفروم
من 4 الى 6 حبات بصل احمر صغير مقشر بس مو مقطع صحيح بس يكون بحجم المشمش
2 حبة طماطم مفرومه ناعم
من 2 الى 4 ملاعق معجون طماطم حسب ما تحبينه فاتح او احمر حيل
ملعقه بهارات مشكله متوسطه
ملعقه صغيره فلفل اسود
ملعقه صغيره كركم
ملح
بعد العجن
ضعي قدر على النار والافضل يكون واسع ومفرود ضعي زيت ثم ضعي البصل المفروم وقلبيه شوي ثم ضعي اللحم او الدجاج وقلبي ثم الزنجبيل والبهارات والطماط قلبي جيدا واتركيه مغطى 10 دق اكشفيه ثم اضيفي ماء مغلي تقريبا 3/4 القدر ثعي صلصة الطماطم وشوفي اللون يبي زياده طماط ولا لأ اضيفي الثوم الصحيح والبصل الصحيح واتركيه يغلي ومغطى
قطعي العجين الى كور صغيره حيل قبل لا ينضج الدجاج او اللحم اضيفي الخضار القرع والكوسا والباذنجان واللومي الاسود خففي النار جدا وابدي برق كور العجين على راحه يدك ونزليها بس لفي حوالين القدر بالصب عشان لا تحطين فوق بعضه ويلصق اختبري الملح
غطي القدر 15 دق واخيرا ضعي 2 حبة فلفل اخضر مقطعين ارباع اتركيها 5 دقاءق ثم اسكبي المرقوق

الماي لازم يكون مثل الصلصه لا يكون غرقان ممكن تحتاجين اضافة ماء حسب الحاجه
وبالعافيه


اعتذر عن الرد على الخاص والعام لظروف طارئة دعواتكم لي بالفرج والله يبعد عنكم كل كرب
ملاحظه
ناس تحط الكوسا الصغيره بدون تقطيع صحيحه
واللحم ياخذ وقت اطول من الدجاج يعني لما تتركينه يغلي بالماي قبل الصب تأكدي انه مستوى نوعا ما العجينه ما تاخذ في الطبخ اكثر من ربع او ثلث ساعه


اعتذر عن الرد على الخاص والعام لظروف طارئة دعواتكم لي بالفرج والله يبعد عنكم كل كرب
الله يسلمج يا عمري ويبارك فيج ومشكووووووره على الشرح . شكل هالمرقوق روعه . بسوويه ان شاء الله وادعيلج. جزاك الله الف خير وما قصرتي


الساعة الآن 03:04 .