تحياتى اخواتى ابى منكم مساعده يمكن عندكم صغيره لكن عندى كبيره ابى طريقه طبخ الرز المفلفل لن زوجى ما يعجبه العجب والله انى اكتبلكم والدمه فى عيونى مانى قادره ارضيه اذا نقعتوا الرز كم مقياس الماء الى تحطونه عليه وابى منكم وش تحطون كل يوم غداكم بى الضبط الله يجزاكم خير ردوا على معليه طولت عليكم بس مالى الا انتم قلولى عن انواع الرز الى تعملونه مره كبسه وشى بعد وابى اكلى له طعم يعنى ابى سركم تكفون وشكرن
اختي شو يعني الرز المفلفل هذا اولا وثانيا نحن هني في الامارات اكلنا غير عن اكلكم في السعوديه ولكن بخبرج عن سر الطبخ عندنا هو مكعبات الماجي والبهارات المختلفه الهند ية يعني البرياني نحطله بهار البرياني والكاري المطحون والكزبرة المطحونه والفلفل الاسود المطحون وحب الهال وعيدان القرفة والقرنفل وللمقلوبه نحط البهارات السبع السوريه مكتوب على الكرتون بهار الطاهي وهو يبيعونه في الجمعيات ويحطونلها بعد شوية قرفه مطحونه ومكعبات ماجي وكبستنا غير عن كبستكم يا الغاليه اما عن مقدار الماي ما اعرف شو قصدج يوم قلتي ننقعه يعني تنقعينه قبل الطبخ اذا هذا هو قصدج هي نعم ننقعه تقريبا نصف ساعه قبل ما تطبخينه وبعدين تصبين عنه الماي وتطبخينه واذا تبيني اشرح لج بالتفصيل الممل اناحاضرة عيوني لج يالغاليه انا اعرف اسوي من العيوش البرياني والعيش الصيني والمكبوس والمقلوبه والخروف المحشي والعيش الابيض العادي والتونه في قاعة القدر والبرياني في قاعة القدر والسمك في قاعة القدر والعيش بالطماطم والدجاج بصويا الصوص شوفي انتي اي طريقه تبين وانا حاضرة من عيوني واذا ما عجبك شي منهم فاتمنى ان البنات يفيدونج يالغاليه والله يهديلج زوجك ا نشاءالله تعالى
اختي ابتسام الجنوب .. وش نوع الرز اللي تستخدمينه .. هذا اولا وبالنسبة للرز المفلفل تقصدين النثري يعني الغير متماسك مع بعض .. صح ؟

شوفي يا عزيزتي .. الرز النثري إذا كان هذا ما تقصدين يتحتاج اولا إلى رز قوي شوي مثل ابو كاس او الوسام .. رز البيسمتي ما يجي نثري مرة وطبخه صعب على المبتدئة ويناسب طبخات اخرى غير الكبسة النثرية

اهم شيء تغسلين الرز لين تصبح الموية نظيفة .. وبعدين تخمرينه مع ملعقة صغيرة خل ابيض او ثلاث ملاعق كبيرة ملح ناعم لمدة نصف ساعة على الاقل بماء فاتر من الحنفية

تعملين مرقة اللحم باي طريقة تناسبك بس لا تضعين طماطم مع المرقة ويفضل ان تكون المرقة من الدجاج او معها مكعب ماجي

صفي مرقة الدجاج من البصل وبعدين صفي الرز من ماء الخمر واغسليه مرة ثانية ... ضعي مرقة الدجاج على النار وارفعي درجة الحرارة على العالي حتى يصل إلى درجة الغليان اضيفي الرز إلى المرقة بحيث إذا حركتي الرز بعد كبه على المرقة ان لا يتعدى مستوى المرقة اكثر من سم واحد من سطح الرز .. قلبي الرز وإذا بدا يتقلب الرز في الماء قصري على الحرارة على المتوسط العالي .. وإذا نشف الماء من سطح الرز قصري على الواطي واتركيه لمدة خمس دقائق .. ثم قصري على اقصى حد واتركيه حتى ينضج في العادة 40 دقيقة

اعملي كشنة بصل مع شوية صنوبر او مكسرات واحمسيها على ملعقتين زيت وعندما تتحمر اضيفيها على سطح الرز واتركي الرز خمس دقائق اضافية على النار الهادئة جدا .. بعد ذلك ارفعي الطبقة العلوية من الرز والكشنة وضعيها في صحن صغير واغرفي الرز في صحن التقديم ورشي الكشنة بالصنوبر على سطح الكبسة وضعيه فوق اللحمة او الدجاج وقدميه بالعافية .. إن طلعت الكبسة ناشفة زودي قليل من الماء بالبيالة المرة القادمة وإن طلعت لينة قللي من الماء في المرة القادمة وتضبط معك في محاولتين او ثلاثة لان الرز بالذات يعتمد على نوع القدر ومتانة القدر وكمية الارز المطبوخة لان كلما كان كمية الرز كثيرة كلما طلع افضل واسهل والعكس صحيح والقدر لازم يكون مقاس مناسب لكمية الرز وفي نفس الوقت لا يكون من القدور الخفيفة التي تحترق بسرعة قدور التيفال حلوة للطبخ لانها متينة او حطي قطعة حديد بين القدر وبين النار

بالنسبة لانواع الرز الاخرى انا ما فهمت وش تقصدين بالضبط .. قصدك الرز الابيض والايراني والبرياني والحاجات هذي ؟
أختيhaidi1000
الله يكرمك اشرحي لي طريقتك في الخروف المحشي مأجورة غير مأمورة

يالله فرج همي يالله و هم المسلمين


ربي اغفر للمسلمين والمسلمات والمؤمنين والمؤمنات الاحياء منهم والاموات
تحياتى اختى hed1000اسفه اذا كتبت اسمك غلط لكن اكتب بسرعه خايفه يجى زوجى ويهاوش الرز المفلفل يعنى الغير متماسك وابى طريقت الزربيان الله يعافيك وشكرن لكل من رد على وابى المزيد لو سمحتو وش تتغدون كل يوم عشان اصلح كل يوم شى وينكم يا مشرفات ورا ما تردون الله يهديكم


الساعة الآن 03:47 .