اختي الغالية

شوفي هذا الرابط وراح تلاقين فيه الكثير من الاطباق اللي تساعدك وترضي زوجك

http://forum.hawaaworld.com/showthre...hreadid=117266


ماجي
12-08-1425 هـ, 01:26 مساءً
 
هلاومرحبااختي ام اسما من عيوني فديتج حبيبتي طريقتي في الخروف المحشي هي :
تيبين كيلو لحم غنم مفروم فرم خشن وتيبين بعد عيش امريكي وبازلاء وبهار الطاهي اللي هو السبع بهارات اللي يستخدمونها اخوانا السوريين واللبنانين وقرفه مطحونه وزيت نباتي اوسمن حسب الرغبه اول شي تقلين اللحم المفروم في الزيت وتضيفين عليه البهارات السبع والقرفة ومكعبات الماجي طبعا هذا كله بعد ما اللحم ينزل الماي ماله وينشف عنه الماي وبعدين ضيفيله العيش الامريكي والماي على كل كاس عيش كاس ونص ماي وبعدين يوم بيستوي العيش نص استوا حطيله البازلاء لو كانت مجمدة ولو كانت طازجه حطيها مع العيش على طول وبعد ما ينشف الماي ويستوي العيش تحطينه في الفرن على حراره معتدله لمدة خمس او عشر دقايق وبعدين طلعيه من الفرن وعلى فكرة حبيبتي نسيت اقولج البهارات السبع احط كميه منها يعني تقريبا ملعقة ونص او ملعقتين عشان العيش يحمر واطعمي الملح اذا محتاج زيادة حسب الرغبه هذا العيش اما اللحم بشرح لج اياه في الخطوة الثانيه تحت:
اللحم حبيبتي تاخذين ورك ذبيحه او كتف او اي قطعه كبيره من الذبيحه وتبهرينها بفلفل ابيض وفلفل اسود وبهار الطاهي وقرفه مطحونه وملح وتفركينها بخل ابيض وتحطينها في صينيه تيفال مالة الفرن وتحطين عليه كاسين ماي او كاس واحد على حسب الكميه الي عندج ونفس مقدار الماي تحطين كاس خل ابيض وتحطين عليهم نص كاس زيت وقرفه عيدان وهيل حب وقرنفل وكمون حب وورق غار وليمونه يابسه وليمونه خضرا وجزرة مقطعه حلقات وثوم حب وبصله مقطعة حلقات وشوية بهار الطاهي وملح شويه طبعا هذا في الماي والزيت غير اللي فركتبيبه اللحم وتلحفينه في قصدير وتحطينه في الفرن طبعا بيطول لين يستوي اللحم وبعد ما ينشف عنه الماي شيلي القصدير عنه وخليه يحمر ونسيت اقولج اجرحي قطعة اللحم علشان تشرب البهارات وعند التقديم حطي العيش وفوقه قطعة اللحم وقلي مكسرات مثل الصنوبر والبيذام والكاجو وذريهم فوق اللحم والعيش اعرف اني تعبتج لكن الطريقه وايد سهله بس انا صعبيتها لاني اباها تضبط معاج وعلى فكرة مب ظروري تسوين الحم اللي في الفرن يعني انا ما اسويه الا يوم يكون عندي عزيمه اكتفي بالعيش واللحم المفروم في الايام العاديه بس طعمه يهبل انتي بس اقري الطريقه مرة ومرتين وثلاث وانتي بتضبطينها ***** الله
12-08-1425 هـ, 02:33 مساءً
 
هلا اختي ابتسام الجنوب حبيبتي الرز المفلفل نحن اول شي نستخدم العيش ابو غزاله او ابو سناره او الزعفران او ابو كف او تيلدا هذي كلها انواع وايد متازة وتاخذين المقدار اللي تبينه وتغسلينه بماء حرارته عاديه يعني مب حار عشان ما يتكسر وبعد ما تغسلينه تنقعينه في ماي نص ساعه وبعدين تحطين ماي في القدر مقدار وفير من الماي عشان بتشخلينه بعدين في المشخله....... وتخلين الماي يفور يعني يغلي وبعدين تحطين في الماي 5حبات هيل و3 عيدان او4عيدان قرفه وقرنفل 10 حبات وملح او ماجي حسب الرغبه وبعد ما يغلي الماي حطي عليه العيش بعد ما تشخلين عنه الماي اللي نقعتيه فيه وبعد ما تحطينه في الماي المغلي اوقفي عندة لانه بيخلص بسرعة ما بيتاخر ويوم بتشوفين الحبه استوت يعني كل شويه طلعي كم حبه عشان تشوفينه خلص والا لاء وبعد ما يستوي اشخليه وخلي الماي ينصب عنه ورجعيه القدر مره ثانيه وحطيه في الفرن وقطعي عليه قطعتين زبده صغار من فوق ودخليه الفرن من 5 الى 10 دقايق ووبعد ما ينشف الماي طلعيه من الفن واغرفيه وهنا وعافيه اما عن طريقة البرياني بكتبها في الليل ان شاء الله لاني الحين وايد مشغوله وسامحيني يا الغاليه
12-08-1425 هـ, 02:52 مساءً
 
haidi1000
الله يكرمك و يجزيك الخير الطريقة شكلها تحفة ( أقسم بالله منتدي حواء مليان فطاحل بالطبخ و بروفسيرات أجدع من مائة كتاب طبخ و مليون شيف ) مشكورة أختي سجلتها عندي

و الشكر موصول لصاحبة الموضوع ابتسام الجنوب
12-08-1425 هـ, 04:43 مساءً
 
البرياني
والعيش الصيني
والمكبوس
والمقلوبه
والخروف المحشي
والعيش الابيض العادي
والتونه في قاعة القدر
والبرياني في قاعة
القدر والسمك في قاعة القدر
والعيش بالطماطم والدجاج بصويا الصوص

مشششششششششششششششششششششششششششششششششششششالله
تباااااااااااااااااااااااااارك الرحمن
مشااااااااااااااااااااااااااااااااااااااااااااااااااااااااااااااااااااااااااالله

يااااااااااااااااااااااااااااااااااااااااااااااااااااااااااااااااااااااااااااااااااااااااااااااااااليت
تشرحيلي كل شييييييييييييييييييييييييييييييييي
ولج مني امااااااااااااااااااااااااااااااااااااااااااااااااانه الدعاااااااااااااااااااااااء الخالص
بعد صلااااااااااااااة الفجر
وشكرا اسفه اني ثجلت علييييييييييييييييييييييييييييييييييييج
:24:
12-08-1425 هـ, 04:57 مساءً
 


الساعة الآن 10:22 .