Analysis Services

كيفكم ياصبايا
راح انقلكم معاناتي مع ثلاجتي عشان تستفيدوا منها
اخر مره سافرنا فيها
كانت الثلاجه مليانه ماشاء الله جاتها تخمه مسكينه وقررت انها تفصل الكهرب وتربينا عشان مره ثانيه مانسافر وهي مليانه
كان بالفريزر ذبيحه كامله وكرتون دجاج والفالحه اللي هي انا مفرزنه سمبوسه ومعجنات وكل اللي يحبه قلبكم
طبعا والله السفره كانت مفاجئه فلحد يجي ويعاتبني وكانت نهايت الشهر يعني بعد ماتقضينا
المهم مالكم بالطويله
رجعنا والله لايوريكم وسفرتنا كانت اسبوع يعني تخيلو لو شهر كان انحاشو الجيران من الريحه
المهم
دخلت المطبخ والله بعبايتي بحط اغراض معي
الاوشوف شي مكبوب مثل البيبسي وانا متاكده ان الثلاجه مافيها ببسي عرفت ان الثلاجه مفصوله
وفتحتها وانا والله ابكي
الاوالحم ماشاء الله مقرب يستوي والريحه ياساتر وحشرات صغار ع اللحم
خذيت كل اللي بالثلاجه بحسره وعلى طول عالزباله الله يكرمك
تحسفت ع الاغراض وعلى شغلي وتفريزي
ولما خلصت جا دور البكا ع الثلاجه
السؤال ليش لقيناها مفصوله؟؟
لقينا الفيش خربان
يعني مو تقولون سددنا الكهرب مستحيل تطفا
نرجع للثلاجه
ثلاجتي جديده وكبيره وماركة شارب فحرام ارميها خصوصا ان الاجهزه غليت هالايام
المهم على طول عالنت واسال بنات حوا طبعا بحث موضوعات سابقه
وماخليت شي ماسويته كل شي حطيته وغسلتها بكلوركس والعملاق وكل شي
اخر شي قلت لزوجي جيب هندي وطلعوها السطح خل الشمس تضربها ضرب
وفعلا طلعها يوم كامل لكن برضو الريحه موجوده فقررت اني افتح المستطيل اللي بالفريزرالي بارض الفريزر لاني متاكده ان الريحه منه وفتحته والله لايوريكم غسلته بكلوركس بفرشة اسنان واسفنج هذي الخطوه الاولى
الخطوه الثانيه قمت انا وزوجي وقلبنا الثلاجه ولاحضنا ان كل ماقلبناها على جهه يطلع منها موية اللحم
قعدنا نقلب نقلب لين اختفت المويه وخليناها لثاني يوم في الشمس ونزلتها ونظفتها زين وحطيت فيها فحم
والله يابنات الحمدلله معد فيها ريحه والفحم حاطته كذا عشان يسحب الروائح
صرت فرحانه فيها كل شوي افتحها واشمها
واول كل مافتحتها وشميت ريحتها اتضايق ويخرب مزاجي
واللحين مرتاحه وارتاحت نفسيتي والحمد لله
نقلت لكم تجربتي الشخصيه للاستفاده
ونصيحه لاتسافرون والثلاجه مليانه خصوصا الفريزر
وسلام للجميع
وتوته توته خلصت الحتوته
كل وحده على فراشها يلا
04-04-1431 هـ, 09:33 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مشكوره ماقصرتي معاناه تهئ تهئ
04-04-1431 هـ, 09:39 مساءً
 
يوووووووووه الله يعينك عاد ريح اللحم لحاله يسبب جلطه
بس الحمدلله انها ازمه وعدت ونتبهي مره ثانيه تسافرون وفيها شي
04-04-1431 هـ, 09:46 مساءً
 
حاسه فيك لانه صار لفريزري نفس الشي
04-04-1431 هـ, 09:50 مساءً
 
الله يعوض عليكم يااارب
وتجربتك مفيده ما شاء الله بس كيف فكيتي المستطيل اللي بالفريزر ؟؟
وتسلمين ياعسل على ذكر تجربتك
04-04-1431 هـ, 09:51 مساءً
 


الساعة الآن 12:54 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏