Analysis Services
تعالو اقولكم على قصتي مع حلى السينابون وكل وحدة تقول فشلة الوقف الا صار والا عادي يوم الخميس دقيت على جارتي وقلت لها با اسير عليكم قالت **** يحيك بس لية ما اعطيتيني خبر من بدري علشان ازين حلى قلت لها انتي بس زيني القهوة وانا جايبة معي حلى المهم كنت مسوية العجينة من الظهر لاني با اروح لجارتي العصر لانهم ما يسيرون في الليل المهم ادخل المطبخ متحمسة وابو الشباب كل شوي يجي يناظر لي في المطبخ لانه مشتهي السينابون وكل شوي طايح فيني مدح اني طباخة لانة متعود يشتري السينابون جاهز ويوم قلت له با اسوي قال يعني تعرفي وتخليني كل مرة اشتري عاد السينابون غالي القطعة الصغيرة ب10 والكبيرة اعتقدب12 المهم يا طويلات العمر واصلح وطلع الشكل خيال كانها الا نشتريها جاهزة واطلعها من الفرن وانا فرحانة با اودي لجارتي حلى يبيض الوجة واخذها وارشها با النستلة وصارت جاهزة قلت با اخبيها في الفرن واروح اجهز نفسي وولدي وتخيلوا تخيلوا الاصار لبست وحطيت مكياج وتعرفون كم يا خذ من الوقت وضع المكياج ولبست ولدي واخذت عباتي حطيتها في الصالة وتجهت الى الطبخ علشان احط الحلى في صحن حلو واعطي ابو الشباب بعض منه ولاكن كانت المفاجئة كا الصاعقة نسيت ما اطفي الفرن يوم خبيتها فية واللو يوم شميت رائحة شي محترق صرخت بكل صوتي وجاء زوجي يركض لقاني ابي وموقادرة افتح الفرن واشوف اها اها ياتعبي وفشلتي وش اقول لجارتي وزوجي المسكين تحطم بس جلس يهديني الله يسلمة بس قلت وجارتي وش اقول لها والله فشلة وبقوه المهم اخدت الحلى وقلبتة من تحت لقيتة مرة حلو مو محترق لاني تركت الشوايه شغالة بس حطيتة في الصينية ووديتة واول ما دخلت لجارتي علمته ماتت من الضحك وجلسنا ناكل من تحت ونرمي الافوق والله الطعم مرة حلو بس لو ما احترقت والحمدلله على كل حال واسفة للاطالة بس مين الحلوة الاصار لها مثلي
05-04-1431 هـ, 01:55 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ياحرررررام بس ثاني
مرة كوني حريصة ههههههه
واذامعليك امراعطيني طريقتة وياليتك صورتيةوهومحترق
05-04-1431 هـ, 02:03 صباحاً
 
والله قهر
05-04-1431 هـ, 02:26 صباحاً
 
خخخخخخخخخخخخ
يعتمد على الجاره اذا علاقتكم زينه وفيها ميانه عاااااادي اما جاره رسميه وتنقد لاوالله فشيله وبقووووووه خخخ
05-04-1431 هـ, 02:49 صباحاً
 
الله يعينك على التعب والقهرررررررررررررررررراه اه اه اه من النسيان بس يضيع كل شي00
05-04-1431 هـ, 02:51 صباحاً
 


الساعة الآن 12:14 .