السلام عليكم ورحمه الله وبركاته
الله يسلمكم اليوم اشتهيت اسوي صينيه الكفته اللي معاها شرايح بطاطس اللي تنحط بالفرن بس للاسف اني ماعرف طريقتها وانا اموت بشي اسمه بطاطس وكفته مع المرقه حقتها والرز الابيض ياسلااام تراني اعرف اسوي رز ابيض لاحد يعلمني .......
اعطوني طريقتها وبالتفصيل لاني راح اسويها غداء بكره وراح انزلكم تطبيقي لها
والف شكر مقدما لكل وحده مرت وردت على الموضوع وغيرهم لا وهما عارفين نفسهم اللي يقرون ويروحون...امزح معاكم الله يحييكم كلكم شفتم وشلون انا نشميه الله الله بالطريقه السنعه؟؟
05-04-1431 هـ, 10:32 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ماهقيتها منكم يابنات حواء 18 وحده قرت الموضوع ولاردت مو معقول ماتعرفون الطبخه على الاقل ارفعوا الموضوع
اللهم صلي على محمد
06-04-1431 هـ, 02:53 صباحاً
 
اعذريني حبيبتي والله لو أعرفها قلت لك...أنا مثلك أنتظر...
يله عاد نبي أخواتنا الشيفات يعلمونا...
06-04-1431 هـ, 05:18 صباحاً
 
حبيبتي بكتب لك طريقتي الي خذتها من امي الله يحفضها بالكفته

اولا تغسلين اللحم المفروم وتخلينه بالمنخل لحد ما ينزل الماي كله

تجهزين في صحن واسع بصل مفروم ناعم وبقدونس وكزبره وملح وبهارات

وبقسماط وبيضه وحده وتخلطيهم مع بعض وتشكلينها وتقلينها بالزيت او بالفرن

والبطاطس مقليه عادي

حطيهم كلهم بالصينيه وبكاس الخلاط طماط ومعجون الطماطم وماجي او ملح وفلفل اسود

وبس حطيها بالفرن واذا حبيتي رشة جبن فوقها

وبالعافيه
06-04-1431 هـ, 05:21 صباحاً
 
نفس الطريقه بس ممكن الصلصه تطبخ عالنار
وبس سقطي الكفته والبطاطس اسهل من الفرن
ونفس الطعم
06-04-1431 هـ, 06:26 صباحاً
 


الساعة الآن 07:02 .