السلام عليكم

ابي اسال عن الملفوف بعد حشية هل يجمد بالفريزر لفترة طويلة يعني شهر تقريبا

ولما اجمدة لازم احطة بالقدر اللي لبي اطبخة فية او عادي احطة بعلبة بلاستيك

والسبرنغ رول كذلك مايلصق ببعضة بالتجميد وهل طعم حشوتة مايتغير اللي هي من ملفوف وجزر

لاني بصراحة ناوية نية علي التجميد

السلام عليكم ورحمة الله وبركاته
اختي فاكهة الربيع
انا لي خبره كبيره في التفريز
كل شئ يخطر ببالك ويمكن مايخطر افرزه ولمده طويله ولما استخدمه يطلع كاني توني مسويته

بالنسبه لمحشي الملفوف جربت افرزه بعد الطبخ وقبل الطبخ طلع اللي فرزته بعد مااطبخه الذ من اللي فرزته قبل الطبخ..
وتقدرين بالطريقتين سواء في قدر او في علبه بلاستيك مافرقت معي..

اما السبرينغ رول فااحسن انك تحطينه بعد لفه في صينيه مستويه لمدة نصف ساعه او ساعه في الفريز بعدين تطلعينه وتصفينه فوق بعض في علبه بلاستيك علشان مايلصق ببعض ..

وبالنسبه للطعم مايتغير ابد والله عن تجربه كاني توني مصلحته..اهم شئ تكون العلبه محكمه الغطاء..

شكلي طولت بس حبيت افيدك بتجربتي..

بالتوفيق.
والله ياغاليه حنا عندنا الوالده تفرز اي شي..فطاير يبتزا اي شي

ممكن تفرزنا حنا بعد عيالها..

لكن بصراحه الملفوف ماجربنا من قبل..حنا نفرز ورق عنب يطلع روعه..

والسبرنغ رول انا افرزه عادي..احطه بعلبه بلاستيك وارش بينهم دقيق عشان مايلصقون..

واذا طلعتيه عشان تقلينه..فكي غطا العلبه واقلبيها وشيليها عشان تطلع الحبات..

واتركيها فتره الين يفك الثلج شوي وابدأي فكيهم عن بعض..وحطيهم بصينيه مرشوشه دقيق..

اتمنى اكون افدتك وان كان احد عنده طرق تفريز يبلغنا..
الحمدلله ,, ماشاء الله لاقوة إلا بالله


يعطيك العافية فتاة مغتربة

مشاعل السعودية يعطيك العافية

بصراحة انا جمدت فطائر للتجربة لكن ماعجبتني

لانها ماطلعت طرية فيها قساوة شوي ما ادري شنو المشكلة

انا دخلتها الفرن من تحت وبعدين جمدتها
الله يعافيك اختي فاكهة الربيع
بالنسبه للفطاير طريقتي فيها ووالله تطلع كاني مسويتها الحين
تخبزينها خبز كامل من فوق وتحت كانك بتاكلينها الحين بعدين خليها تبرد تماما
بحيث مايطلع منها اي بخار بعد كذا عبيها في علب بلاستيك محكمه ودخليها الفريز
ووقت الحاجه طلعيها قبل بساعه وحميها في الفرن او الميكروف..
وسلامتك


الساعة الآن 02:30 .