اعذروني ياغاليات والله اني توني اشوف اسئلتكم..

ام طلال وسمى الشوق..وكل الاخوات..لاتظنون اني مطنشه بس والله ماشفت الا اليوم..

انا بصراحه حشوتي لورق العنب مافيها لحم..مااحبه ابقول لك المقادير بالضبط..

وتراه مضبوط بشهادة الجميع والله مايذوقه احد الا يسألني عن الطريقه..

شوفوا ياغاليات المقادير لعلبة واحده ورق عنب..

1 كاس طماطم مقطعه صغيره
1كاس بصل مفروم
1كاس رز مصري مغسول (غير منقوع انتبهوا)
1حزمه بقدونس وكزبره مفرومه..
شوي شبت مفروم
2فص ثوم مفروم
2ملعقه كبيره دبس رمان (تراه مهم للطعم يطلع مثل حق المطاعم)
ملح ليمون وكزبره ناشفه وفلفل اسود وبهارات مشكله..
نعناع مفروم..

اخلطيهم طبعا واحشي ورق العنب والحين اقول شلون التفريز..

صفيه بصحون القصدير اللي تجي عليها غطا ورق مقوى كأنه كرتون..

مثل صحون المطاعم وتراها تنباع بكل مكان..هاذي احسن شي لحفظ ورق العنب..

ولما تحتاجينه طلعيه واطبخيه ساعه بنص كاسه مويه حاره مذوبه فيها مكعب ماجي

ونص كاسه عصير ليمون ووطي النار مرررره انتبهوا لايغلي ترا تنفك الحبات واذا نشفت

المويه صبي عليها شوية زيت زيتون وطفي النار..

وبالعافيه عليكم

وبالنسبة للسبرنغ رول..

حاولي ياغاليه ان الجزر مايكون كثير لأنه بيطلع مويه..

ولما تحمسين الحشوه لاتخلينها تطول على النار عشان الخضار ماتطلع مويه..

ولما تحشينها عادي صفيهم فوق بعض بالعلبه وبينهم دقيق ومايلصقون بإذن الله..

هو اهم شي خلي الحشوه ناشفه لايصير فيها مويه..وبالعافيه عليكم..
الحمدلله ,, ماشاء الله لاقوة إلا بالله


اختي سمى الشوق
اناتحت الخدمه في اي شئ تبغين تسالين عنه ولا سويت الا الواجب
وبصراحه ماتحملت..(نزلت دموعي) دعائك يشرح القلب الله يستجيب ولا يرده ويعطيك مثله..آآآآآآآآآم ين
جزاك الله جناته..


الساعة الآن 07:07 .