اخواتي بنات حواء

انا متعقده من الشبابيك الصغيره وودي اصلح شبابيك كبيره في بيتي الجديد بس هل تنصحون ان كل البيت يكون شبابيك كبيره او الصاله بس
احيانا افكر تكون فيه شبابيك كبيره بس تكون ثابته ما تنفتح يعني شكل واضاءه بس

طيب وش افضل انواع الشبابيك لاني احلم بشبابيك ما تتعب في التنظيف خصوصا اللي تكون سحب هذي تعقدني في تنظيفها لازم اطلع التراب اللي داخل جوي في التجاويف اللي مثبته عليها الشبابيك واستخدم لها فرشاة اسنا ن لتنظيفها بس بصراحه تهلكني في تنظيفها

ياليت تعطوني شوركم في احسن حل مناسب لي

ولكم مني الدعاء الخالص بالتوفيق ونول المراد

وطن لا نحميه لا نستحق العيش فيه
الشبابيك الكبيرة حلوة صحيح لكن لاتنسين إنها تدخل غبار كثير عشان كذا المكان اللي ماراح تستفيدين من كبر شباكه خلي الشباك حجمه عادي يكفي لدخول الشمس للتعقيم وللهوية
كمان لاتنسين هذه المعادلة
شباك كبير = تهوية أكبر صحيح
ولكن بنفس الوقت
شباك كبير = غبار أكثر = أيضاً ستائر أكبر ( أغلى )

عموماً نصيحتي لك لا تخلين كل الشبابيك كبيرة ولا كلها صغيرة اللي تطل على منظر يفتح النفس كبريها اللي لأ خليها عادية
والله يوفقك
هلا gaamra..

انا احب الشبابيك الكبيييييييره ..

يعني عندي في مجلس الرجال شباك عرضه 3 امتار وطوله 3 امتار يعني مابينه وبين الارض الا عشره سم تقريبآ

ونفس المقاس في غرفة السفره ..

اما الصاله فتقريبا كل واجهتها زجاج من جهة المسبح اطوالها 4 × 4 تقريبا ..

وحتى غرفة النوم والصاله الي فوق كلها شبابيك كبيييييييره مره ..

بس بصراحه معطيه اتساااااااااع مو طبيعي للمكان وتحسينه شرح ومنور مو مثل لو الشبابيك صغيره وعاديه ..

وحتى تعطي شكل رهييييييب لواجهة البيت .. لان تعرفين الشبابيك واشكالها لها دوركبير في حلاوة الواجهه

وفخامتها ..

وبالنسبه للغبار انا عملت شبابيك بيتي عند ونتك الي بشارع التخصصي بصراحه شبابيكهم مثل الجدار

يعني عازله للصوت والغبار وعازله عن اشعة الشمس .. وانا اصلآ حاطه عاكس للشبابيك العلويه

ففي النهار تصير الصاله منوره مره من غير شمس وحراره ولا احتاج انزل الستاير لانه مثل ما قلت لك

عاملتهم عاكس يعني تشوفين الشارع والي في الشارع ما ييشفونك ..

وتقدرين تكبرين الشبابيك وتخلين الي على الاجناب هي الي تفتح والي في الوسط ثابت ..

انا هذا رأيي وانتي الله يدلك ..

..
اختي ام سعود:24:
مشكوره على رأيك ويعطيك العافيه

اختي مفعوصه :24:
الله يجزاك خير بردتي قلبي
بس ماجاوبتيني من ناحية النظافه وهل هي سحب ولا كيف ؟؟
وطن لا نحميه لا نستحق العيش فيه
مثل ما قالوا الأخوات
أوافقهم بشدة
وأزيد
ان مساحة الجدار أيضا تحكم
فالجدار الصغير لو مليتيه شباك ما راح تستفيدين منه في وضع أرفف أو لوحات يعني راح يختلف عندك الديكور

وغير المستحب لجدار كبير انك تضعين شباك صغير واحد لأن الستارة ستبدو مثل ضائعة في الغرفة

والتنظيف
فعلا مشكلة كبيرة
وأظن الحلول فيها محدودة
وانتظر مثلك لو يوجد حل لهذا الموضوع


الساعة الآن 10:01 .