بنات تكفون ساعدوني........
اليوم بيجوني ضيوف
وابغى حلى جديد وغريب.......
واذا عندكم اشياء اقدمها مع الشاهي تكفون لاتقصرووون
والله الي ترد علي راح ادعيلها............

أبشري باللي يساعدك ياقلبي ومالك الإ طيبة الخاطر ويارب مانخيبك
دامك سألتينا نقترح عليك بأعطيك طرق (حلويات قهوه _ ساندويشات
للشاهي ) وإن شاء الله ببيض وجهك قدام ضيوفك يالغلا .........

@@ حلى القهوه @@
-----------------
كب كيك السينابون الكذاب فخم جدا الحلى
المقادير :::
---------

كرتون كب كيك لوزين ( ساده أو محشي توفي أو محشي شوكولاته )
أ )بالخلاط _ف ق ماء
_ف ق سكر
_ ف ق زيت
_ م ك نسكافيه
_بيضه
_فانيليا
ب )بالخلاط _ ثلاث أرباع علبة النستله
_كرتون جبن كيري
_نصف علبة قشطه
ج ) _توفي
د )_كاجو محمر بزبده على النار لحد مايأخذ لون ونكهه
( إذا نزلتيه من النار زيدي عليه لوز مبشور وحركيه مع بعض )
ن ) _ هيرشي
الطريقه :::
--------
تجيبين الصينيه اللي تفتح من الجوانب وتصفين الكيك فيها
ثم تخلطين ( أ ) وتسقين الكيك وحده وحده لحد ماتخلصين
الخلطه طبعا إذا بقى من الخلطه صبيه فوق الكيك كله دخليه
فرن ( تكونين مشغلته قبل لاتبدين شغلك علشان يكون حار )
من تحت (20 د ) ومن فوق ( 5 د ) وطلعيه من الفرن وحطي
عليه ( ب ) ملعقة كبيره فوق كل كيكه لحد ماتخلصين الكميه
ثم تجيبين ( ج ) ملعقه صغيره فوق كل كيكه بحيث يكون ماتغطين
النستله خليها تبان عاد الحين جيبي ( د) وحطي كميه فوق التوفي
لاتكونين بخيله كثري شوي
( ن ) قبل التقديم زينيه بخطوط هيرشي
------------------------------------------------------------
كور البسكوت بالهيرشي وجوز الهند سهل جدا
وأنتي تسوين القهوه تسوينه وتقدمينه لضيوفك وأنتي مطمنه
شوفي حبيبتي بعطيك كميه وحده وأنتي ضاعفيها قد ماتبغين
الكميه تطلعلك (15) كوره صغيره

المقاس كأس الجبن الصغير
كأس بسكوت مطحون
ربع كأس جوز هند
شريحتين أوريو من دون قشطه
هيرشي
ملعقه كبيره قشطه
تعجنين المقادير مع بعض وتحطين هيرشي لحد مايصير لونه بني
وبعدين كوريها ودحرجيها بجوز هند وقدميه مع القهوه وأنتي مسروره
&&&&&&&&&&&&&&&&&&&&&&&&&&& &&
@@ ساندويشات الشاهي @@
-----------------

شوفي حبيبتي بالنسبه للهوت دوق قطعيه حلقات وبعدين جيبي بصل وثوم مقطع كشنيه على النار
إلين يذبلون شوي وضيفي طماطم مقطعه صغير وفلفل رومي وبهريه بملح وفلفل أسود وأخر شئ

ضيفي الهوت دوق وخليهم على النار مع التقليب علشان يأخذ نكهة الكشنه
الصوص ( كاتشب + جبن سايل + شوي سومطره )
أدهني الصامولي بالصوص وبعدين أحشيه تحبين الخس قطعيه شرائح وحطيه مع الحشوه
=================
ساندويشات الدجاج لذيذه مررررره :::
-------
تجيبين صينية تيفال تحطين شوية زيت إذا أحتر الزيت تحطين مكعبات الدجاج وتقلبينه حتى يستوي وبهريه بملح وفلفل أسود
طبعا تكونين مقطعه بصل أخضر وبقدونس مفروم وتحطينه على الدجاج تقلبينهن مع بعض ونزليه على جنب
الخلطه (2 م ك مايونيز + 2 م ك زبادي + 2 م ك جبن سايل + 1 م ك طحينه سايله )
تخلطين الدجاج والخلطه مع بعض إلين يتجانسن وأحشي خبز الصامولي
===============
شاورما لذيذه وخفيفه :::
--------


دجاجه كامله مسلوقه بماء وزيت ومنتفه
بصل مقطع شرائح بالطول
فلفل رومي مقطع شرائح بالطول
طماطم وسط مقطعه مكعبات صغيره
علبتين زبادي (روب)
رشة ملح
رشة فلفل أسود
خبز عربي الصغير ( مفرود_ الشامي)
بطاطس مقطع أصابع ومقلي
خس مفروم
كاتشب + مايونيز ( أخلطيهم مع بعض لدهن الخبز )
الطــــريقـــــ ة :::
جيبي صينية التيفال الوسط وضعي ( الدجاج + البصل+ الفلفل الرومي+ الطماطم + الزبادي + الملح والفلفل الأسود ) تخلطينهم مع بعض لحد مايتجانسوا وتفردينهم بالصينيه
طبعا راح يكون الفرن مرررره حار ومشغلته على العين العلويه وتدخلين الصينيه من فوق لحد ماتتشقر من فوق شئ بسيط ثم تطلعينه من الفرن وتقلبينه وتفردينه وتشقرينه مره ثانيه
إذا حبيتي يكون فيها نكهة الفحم ضعي فحم سريع الإشتعال على النار ثم بشوي زيت واكتميه مع الدجاج إذا خرج من الفرن وبالفحم ألذ وأطعم تطلع مثل شاورما المطاعم
الحين جيبي المفرود الصغير وأفتحيه بحيث يصير ثنتين ثم أدهنيه بالخلطه وضعي البطاطس المقلي والخس المفروم ومن الشاورما ثم لفيها بحذر وبعدين لفيه وش أسمه ياربي وش أسمه أيه تذكرت
ورق الأبيض حق لف الشاورما أوناس يسمونه ورق النشاف حق القلي المهم لفوه لو بمنديل بالأخير راح تأكلونه إن شاءالله


وهنــــــــــي وعــافيــه عـلــى قــلــب كــل وحــــدة تســـويــه وتــعـجــبه

دعـــــــــــــ ـــــــــــــــ ــوـوـوـوـواتــ ــــــكـــ يـــالـــــغـــ ـــلا
نداوووووووووووي كفت وفت ماقصرت بس حبيت ارد عشان ارفع لك الموضوع
"إِنَّمَا أَشْكُو بَثِّي وَحُزْنِي إِلَى اللَّهِ وَأَعْلَمُ مِنَ اللَّهِ مَا لا تَعْلَمُونَ"
عندما يوزع الله الأقدار ولا يمنحك شيئا تريده *ثق تماما أن
لله سيمنحك شيئا أجمل شيئا يعجز البشر عن منحك اياه
سوي عجينه العشر دقائق وسويبها فطاير جبنه لحمه خضار
يارب اهديني واحسن خاتمتي
يتزا وفطاير او مكسرات


الساعة الآن 01:58 .