روحي اطباق حواء تلقين اللي يسرك
06-04-1431 هـ, 07:52 مساءً
 
حبيبتي كلنا عانينا اول سنة ,, بس انتي حاولي تعرفين مذاق اللي يحبة زوجك وذوقي من الطبخه (مرقها )عشان تعرفين ملحها كويس او لا
06-04-1431 هـ, 07:54 مساءً
 
اشتري كتاب أمل الجهيمي مرررره بيخدمك
06-04-1431 هـ, 07:58 مساءً
 
اختي كلنا كنا كذا مثلك حتى لو كنتي تدخلين المطبخ لما تتزوجين وتبدين تعتمدين على نفسك
راح تواجهين بعض الصعوبات وخاصة لما يكون زوجك مو من قبيلتك مثلي تعبت جداً وكان عمري 13 سنة
وكل اهل زوجي يضحكون عليه لاني مااعرف اطبخ طبخاتهم لأني اول مرة اشوفها لاكني تعلمت من الكتب
واصبحت يضرب فيه المثل في الطبخات والكل اصبح يسألني كيف عملت هذا الطبق او ذاك عندك الحين النت
ومو بس الكتب اكتبي اسم الطبخة في قوقل وتقيدي بالمقادير وراح تصبحين معلمة طبخ ومع الوقت راح تتعلمين
كيف تضبطين الطبخة بدون مقادير وتخترعين طبخاتك الخاصة
بنسبة للجريش اقولك كنت زمان عند اهل زوجي وام زوجي هي الي تشتري الجريش وكنت اعمله الكل يمدح فيه
لاكن بعدين صار زوجي يجيبه ومعاد ضبطه رغم اني انقعه طوال اليل السر في نوع الجريش
انا اشتريته بنفسي الجريش القطري روعة ومايحتاج نقع مدة طويله فقط اغسليه مرة وحدة وبعدين حطي عليه مويه
تغطيه بحوالي 3 اصابع وخليه لحد ماتقطعين بصلة واحمسيها مع زبدة شوي فقط تذبل وحطي الجريش بمويته وحطي
ملح حسب ذوقك
وبعد مايغلي هدي النار وتركيه لحد مايشرب المويه وحركيه في اتجاه واحد كل شوي ثم اضيفي كوبين حليب مذوب
فيه ناس يضعون لبن او لبن وحليب وكمان حركيه في اتجاه واحد غطيه وممكن نضعين ماجي ابيض وتتركينه حوالي
ساعتين كل مرة تفتحين عليه وتحركينه في نفس الأتجاه لحد مايشرب الحليب وينهرس حاولي اثناء التحريك تهرسينه
وبعدين عند التقديم تكونين محمرة بصل في زبدة مع فلفل اسود وكمون وممكن ملعقة صغيرة صلصة وتضعينها على
وجه الجريش وبالعافية هنا في المنتدى كثير طرق للجريش واعيد واقولك اهم شي نوع الجريش الموجود في البقالات
في اكياس صغيرة مو حلو ومايجي متماسك ويتعب ماينضج جربت القطري وهو روووعة اسفة على الأطالة
06-04-1431 هـ, 08:56 مساءً
 
حاولي تركزي مع الطبخه لاتشتتي نفسك في مليون شغله
واتبعي التعليمات والمقادير صح
06-04-1431 هـ, 09:43 مساءً
 


الساعة الآن 04:23 .