استنتاجاتي حول انجاب الذكور والاناث 000 دعوه للنقاش

الحمل والإنجاب

بسم الله الرحمن الرحيم
ادخل بالموضوع 0000 بعد ما شفت مواضيع بعض الاخوات وخاصه الاخت ام الاشبال جزاها الله خير
حول انجاب الذكور وانجاب الاناث
طبعا انا واعوذ بالله من كلمة انا فضوليه او ملقوفه احب الاستطلاع كثير
حاولت اني اجمع معلومات من الحريم اللي حولي وخاصه اللي يحملون ذكور كلنا نعرف ان كل شي بيد رب العالمين
بس عملت بالاسباب 00000 شكلي طولت
فقلت ابدا بالعائله الا هم بنات الاعمام والخوال لان ذريتهم ذكور وقلوبهم طالعه على البنات
ولاني امون عليهم صرت اسئلهم وهم ويجاوبون وطلعت معلومات خطيره راح تفيدكم ان شاء الله
تقريبا خمس من العائله هم اللي يجيبون ذكور
سئلتهم وش الموانع اللي بين كل طفل واخوه فاكتشفت انهم يستخدمون كلهم حبوب الكمال ورافضين اللولب مره
وهنا نقول ان اللولب ماله علاقه ابد
واكتشفت بعد انهم يموتون عليك ياموالح يعني يقولون ان الحلى ما نكثر منه الا عند الضيوف لا وقطعتين بعد
وفعلا لاحظت في اكلهم انهم مستبعدين الحلى كثير 00000 وكلنا نعرف فايدة الملح لتلين قشرة البويضه
وفي بعد شي قالولي عليه ان عدد الايام بين دوره ودوره عندهم طويل يعني من 28 الي 30 يوم وكذاوقت الاباضه عندهم في نص الشهر
وانا قد سبق قالتلي دكتوره ان اللي اباضتهم وسط الشهر تكون ذريتهم ذكور بعد رب العالمين واللي تكون اباضتهم قبل الدوره باسبوع او بعد الدوره باسبوع يجيبون اناث بعد رب العالمين
يعني يااخوات الامر مرتبط بعدد الايام اللي بين كل دوره ودوره
واعطيكم مثال
عندي جارتين قدر الله عليهم انهم يحملون وهم رابطين لولب وحده منهم جابت ولد والثانيه جابت بنت
ويوم سئلتهم اكتشفت ان اللي جابت ولد تموت بالملح وعدد ايام الدوره طويل يعني كان اخصابها بنص الشهر
والثانيه تقول انها حست بالام التبويض قبل الدوره باسبوع
هذه هي استنتاجاتي 000هذا والله اعلم
الموضوع للنقاش واتمنى اي وحده تشوف ان فيه شي تطابق عليها من اللي كتبته تفيد الاخوات
107
23K

يلزم عليك تسجيل الدخول أولًا لكتابة تعليق.

تسجيل دخول

ام الورود4
ام الورود4
صحححححححححح وعن تجربه ماشاء الله
اكادي
اكادي
صحيحح انا اموت ع الحلو كني نمله وعندي ماشالله كلهم بنات

وختي دور الملح دواره ماشالله خلفتها اولاد
ام النرجس
ام النرجس
انا مااقتنع بهاالاشياء ابدااا0000مشكوره على البحث00
~~~ام الاشبال~~~~
خخخخخخخخخ


صرت مشهورة انا وابحاثي

شوفي ياقمر

http://forum.hawaaworld.com/showthread.php?t=2254790





انا مسوية بحث بس ماكملوه البنات عن الحبوب واللولب

ونوعية الاكل كلاااااااااااامك صح اللي تحب المالح تجيب ولد

انتظر ادخل موسوعة جنيس

خخخخ

الف شكر للاستنتاجات
agym
agym
ماشاء الله عليكم
طيب اللي عندها بنات واولاد ؟