بسم الله الرحمن الرحيم

حبايبي بنات حواء حبيت اشارككم بأكلات لرمضان تنحط بالفريزر وتستعمل في رمضان وخصوصا للعاملات الي يجون ماعندهم وقت وياليت تساعدوني
وهذا من تجاربي الخاصه

المعجنات:
اعمل عجينه تصلح لأغلب المعجنات ماخذتها من المنتدى وياكثرها اسويها بكميه كبيره واقطعها قطع مناسبه واحطها في اكياس بشكل مفرود شويه عشان تذوب بسرعه ويكون شكلها مرتب في الفريزر واحطها في الفريزر واذ احتجتها اطلعها بدري شويه واستعملها مرررررررررره حلوه

الاطباق الرئيسيه:
بالنسبه للشوربه والايدم وجميع الاكلات الي تحتاج كشنه(بصل وطماطم مطبوخه) اعمل كميه كبيره من الكشنه من دون ملح ولا بهارات واضعها في اكياس في الفريزر
والمحاشي اسوي كميه واحطها في الفريزر وكمان ورق العنب ومحشي الكرم والكبه والكفته والكباب كلها اجهزها والسمبوسه بالرقاق اجهزها واحشيها واقسمها على العدد اللي يناسبنا واحطها بالفريزر واطلعها وقت الحاجه واقليها او احطها في الفرن
اما سمبوسة العجين تسوي العجينه اللي تحبينها وتحفظينها في الفريزر زي ما شرحت لكم اعلاه
(لحفظ اللحم المفروم في الفريزر وتذويبه سريعا عند خروجه ضعيه في اكياس بلاستيك وطرقه داخل الكيس على شكل اقراص مربعه
اتمنى انكم فهمتوا الطريقه)


الحلويات:
اسوي كميه كبيره من المعمول بالتمر اللي في الفرن او المقلي في الزيت واحفظه في علب لوقت الضروره
او البيتفور
واذا تذكرت شي جديد اضفته لكم

واللي عنها سؤال انا حاضره لعيونكم وياليت اللي عندها تجارب زي كذا تقدمها لنا مشكوره
13-08-1425 هـ, 03:38 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ماقصرتي وجزاك الله الف خير والله انا في حاجت مثل هالمعلومات
ونا اموت في ارمضان من زوجي كل يوم جايب اخوانه وصدقاه ويالله بيفطرون عندنا وحيانن يفاجأتا فيهم
ماتدري اختك وقتها وش تسوي انا افر وشغاله تفر على ما الحق عليهم اكون مت
وحيانن يجيب معه اهل المسجد العزوبيه على العمال على الشيبان ونا اروح فيها
بس الحين على ما قلتي احضر كل شي على القل بالليل وذا عندك نصايح ثانيه فيدينا وجزاك الله الف خير
13-08-1425 هـ, 05:04 مساءً
 
اختي الله يجزاك الجنه على هالمعلومه بس ممكن اسال عن طريقة المعمول لاني ابي معمول مظبوط :24:
13-08-1425 هـ, 05:13 مساءً
 
جزاك الله خير يالغاليه

والله يعين الموظفات مثلي في رمضان 0 بس بتنظيم الوقت مثلما قلت كل شيء يسهل عليك0

وبعض الاحيان اجهز الطبق قبل بيوم واخليه بالثلاجه مايتغير طعمه ولا شيء0
14-08-1425 هـ, 10:24 صباحاً
 
مرحبا
رمضان كريم
تسلمين على المشاركة وما قصرتي
ام عدول
14-08-1425 هـ, 10:30 صباحاً
 


الساعة الآن 06:00 .