كيفكم يا أحلى شيفات صراحة عليكم طبخات الله لا يضركم ما شاء الله تبارك الله والله اني استحي على وجهي واقوم اقربع في مطبخي اعرف اطبخ ايه هين لكن ذبحني الكسل والحين جبت احلى نونو الله يحفظه لأمه وأبوه قولوا آمين وطبعا صار عذري ماني فاضيه اسوي فطور وغدا ولكن العشاء غثيث مدري لسني احبه وامشيه بالسلطات تبوله وفتوش وحمص ومتبل وهلم جرا بعذر ما نبغى عشاء ثقيل وزوجي المسكين مصدق هههههههه فديته مالكم بالطويلة مرة زوجي حضر عزومة لواحد من زملاءه طبعا أنا ما اعرفهم المهم يقول حطوا ذاك الحلى إلي ماقد شفت زيه وأنا وجهي صار قلت له طيب قولي ويش هو وأنا اصلحه ابشر ولا يهمك طبعا بعد وصفه الخنفشاري إلي ماأدري ويش يبي فهمت أنه يشبه الحلوى البحرينية بس بس يقول أنه مش حلوى بحرينية لأنه يعرفها يعني هي زي قوام الحلوى البحرينية قلتله هل هي توفي قال مدري قلتله هل هي حلاو حلقوم قال مدري قلتله زي حلاو البقر قال مدري قلتلكم وصف مايدري وش يبي يقول اهم شي أنه تشبه الحلوى البحرينية فإلي فهمت شي ياحبيباتي ترد الله يسلمكن واحدة واحدة
09-04-1431 هـ, 11:55 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ياحليله نفس تشبيهي للحلى هذا سلمك الله اسمه الساقو نفس الحلوى البحرينيه ونفس القوام والنكهه يكون ابيض بدون اضافات او اصفراذا اضفتي الزعفران بس هذا الي اعرفه ان شاء الله يجون البنات يقولون لك الطريقه او سوي بحث بسم الساقو ايه ترى هو يجي حبوب زي حبوب الفلين بس ماعرف الطريقه بالضبط بس الي فهمت انه يسوى نفس المهلبيه وسلامتك


10-04-1431 هـ, 12:08 صباحاً
 
تسلمين حياتي طيب بسوي بحث واشوف هالحلى
10-04-1431 هـ, 12:48 صباحاً
 
صوره الساقو تفضلى

10-04-1431 هـ, 01:11 صباحاً
 
يالبى قلبك يا أم علا شاف الصوره وقال ابصم بالعشره أنه هو تسلمين حياتي أنت والعضوه إلي قبلك
16-04-1431 هـ, 12:48 مساءً
 


الساعة الآن 05:46 .