Analysis Services
  • «
  • 1
  • 2
  • >
  • »
بنات والله محتاسه مرررررررره زوجي عازم زملاه على باربكيو الاسبوع الياي وكلهم عرب يعنى مشكلين من كذا دوله عربيه وابي اسوي حركات مع الشوي يعنى مقبلات وايش رايكم اسوي رز يناكل مع الشوي لانه في امريكا هنا مافيه خبز عربي افكر اسوي شيش طاووق عزيزه ولا ايش رايكم اسوي دجاج قطع كامله والمقبلا ت لاتقولولي حمص متبل ابي اسويها بس المشكله ماعندنا طحينه وحمص مطحون فيه معلب ينفع ابي سلطات لذيذه ابيهم يقولون والله هاالسعوديات طباخات يالله بسوي دعايه على بلدنا انهم ذربات ابي مسسسسسسساعده تكفوووووووون باسرع وقت
14-08-1425 هـ, 11:43 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اهلين اختي

الرز حلو مع المشاوي وبالنسبة للطحينة سهل امرها ... حطي كوب سمسم غير محمص في خلاطة المولينكس مع ملعقة صغيرة زيت واخلطي ويطلع لك طحينة هذي طريقة الطحينة بكل بساطة.

والخبز ماهو لازم تحطين عربي .. حطي فرنسي مقطع حلقات وش حلوه .. على ان اكثر البقالات فيها خبز بيتا بس يبي لك تلفين شوي على كم سوبر ماركت وإن ما حصلتي عن بقالة اسأليهم وين تحصلينها ويدلونك ..
14-08-1425 هـ, 11:55 مساءً
 
يعطيك العافيه اختى طيب ايش عندك افكار سلطات اورز مع المشاوي
15-08-1425 هـ, 01:03 صباحاً
 
اذا نفسك تعملي خبز عربي فيه في المنتدى طرق سهلة

مثل طريقة فديتك
" دوائر الخبز الصغير من صنع ايديك ولااقدعهااااا مخبز ينافسك فيها "

مو بعارفة كيف احط الرابط
سويها قبل كم يوم وثلجيها ويوم العزومة حطيها داخل الفرن الكهربائي او المايكرويف وقدميها في سلة وادهشيهم

واعملي سلطات منوعة مثل الفتوش وبابا غنوج

وحلويات

وهكذا
واهتمي بالعصيرات وطرق تقديمها

عموما المنتدى يحيرك من كثر الاطباق اللي فيه
15-08-1425 هـ, 01:20 صباحاً
 
اختي بالنسبة للسلطات الاهم شيء فيها هو صلصات السلطة ( Salad DRESSING ) .. احرصي على تعدد الالوان والتقطيع المتوسط ( لا يكون صغير ) وقدميها مع نوعين او ثلاث انواع صلصات مثل :

Thousand Island Salad Dressing

Blue Cheese Dressing

ITALIAN SALAD DRESSING

هذي كلها موجودة في البقالات جاهزة إن كان ماعندك وقت تصلحين وتخلطين وإن حبيتي تصلحينها اعطيتك وصفات معتمدتها

بالنسبة للارز .. اسهل حاجة تسوينها هي الفرايد رايس في الفرن خاصة وانك راح تكونين مشغولة في الشوي ذاك اليوم ..

اسلقي كمية الرز اللي تحتاجينها لمدة خمس دقائق بس على نار عاااااااالية .. طبعا الرز لازم يكون مغسل زين ومخمور في ماء وملح لمدة لا تقل عن نصف ساعة او اكثر

بعد السلق صفي الرز من الماء واغسليه بماء بارد من الحنفية علشان يوقف الطبخ ..

كشني بصلة صغيرة مقطعة جوانح رقيقة مع ملعقة كبيرة بزيلا وملعقة كبيرة كورن ( لكل كوب ونصف رز ) اضيفي فلفل اسود وملح وزنجبيل وفلفل رومي مقطع مكعبات صغيرة جدا على الكشنة .. اضيفي ملعقة زيت كبيرة مرة اخرى ثم اضيفي الرز وحركي قليلا حتى يمتزج الرز بكل شيء ثم ضعيه في صينة بايركز تكفي للمقدار وضعيه في الفرن في الرف المتوسط على نار هادئة ( 300 درجة ) لمدة نصف ساعة في اخر خمس دقائق ارفعي القصدير واتركيه لمدة خمس دقائق في الفرن ليعطيه طبقة كرسبية .. اغرفي الرز في صحن التقديم واجمعيه في شكل كومة وضعيه على البوفيه .. طبعا الرز يكون بسمتي

بالنسبة للخبز تراه موجود في تقريبا كل مدينة وولاية بس دوري عليه ..
15-08-1425 هـ, 08:33 صباحاً
 


الساعة الآن 12:39 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏