خلود حبيبتي اول شي سمي باسم الله وتوكلي علىالله
اهم شي النظافه وغسل اللحم او الدجاج كويس ثاني شي احرصي على ان لا تكثرين البهار والزيت
ثالث شي لا تحوسين في الطبخه كثير اتركيها شوي ترتاح من الحوسه كل شوي رابع شي حطي في البهار هيل شوي واخر شي في الرز حطي زعفران
واذا سويتي رز سوي حشو حنا في الشرقيه نقول حشو وهو بصل يحمس لما يصير لونه اصفر وبعدها يضاف له البهار وهو ليمون اسود انتي زبطيه وانااراح اقول لك طريقته سهله اشتريه من محل البهار صحيح قصدي عدل ودقيه شوي وحطيه في الشمس لما سيس وبعد كذا شيلي البذر عنه كله وخذي الباقي ودقيه لما يصير ناعم وحطي لك شوي في علبه والباقي احتفظي فيه مه البهار
المهم حطي شوي ليمون عمان وقرفه وهيل وزيت علىالبصل وصلصل شوي وبعد كذا حطيه على الرز وقبل يستوي الرز حطي دراز قصدي فلفل حار صغار في وسط الرز وهو قبل ان يستوي ولما تنجبين الرز قصدي تحطينه في الصحن ادهنيه بزبده بقر مذابه وطريقتها تستعملي زبده ابو كرسي وتفتحينها وتحطينها بقدر علىالنار ولما تطلع فقاقيع ولا فيها صوت سكري علهياالنار بسرعه وبعد شوي حذي منها شوي ورشي علىالرز صدقينين روعه وطعمها حلو وعند التحضير السفره لا تنسين تزيين سفرتك وتحطين تمر ولبن وتذوقين زوجك بيدك وطبعا انتي متزينه ومتعطره وصايره كانك قمر علشان مو بس الاكل اللي يطلع حلو حتى صاحبه الطبه تصير حلوه وربي يسعدك ويرعاك ويحفظك واي سؤال انا في الخدمه اعتبريني ماما
البنات ماقصروا بس بضيف شي مهم
لاتكثرين الماء على الدجاج حطي على قد الدجاج اذا كثرتي راح طعمه البهار ونكهة الدجاج
وحطي ملح كفايه لا تقللين
وترى الزيت يضبط الكبسه لاتقللينه
وترى المسأله وقت وبتكتشفين مع الوقت وين الخطأ اللي تسوينه
سبحانك اللهم وبحمدك .. أشهد ان لا إله إلا أنت .. استغفرك وأتوب إليك ....


.....لا ارجع لمواضيعي من تريد اي شي ترسلي خاص ....
http://forum.hawaaworld.com/showthread.php?t=1966020


شفت الرابط طريتي ببالي على طووول
سبحانك اللهم وبحمدك .. أشهد ان لا إله إلا أنت .. استغفرك وأتوب إليك ....


.....لا ارجع لمواضيعي من تريد اي شي ترسلي خاص ....
موضوعك اشغل بالي وجيت اتطمن جربتي طريقتي والا لا....
لقيت الصبايا ماقصرو كلاً ادلت بدلوها...
على العموم حنا مشهورين (ماشاء الله)بالطبخ جربي وماراح تندمي
وبالتوفيق...ننتظر بشارتك...
الطبخ نفس
مو شرط بالبهارات
انا بهاراتي من السوبر ماركت ومع هذا طباخة وطبخاتي لي فيها براءة اختراع
مو بس كذا نفس المكونات اعطيها احد يطبخ بها طبختي ويمكن ما يجيدها
ومو كل الطبخ يحتاج بهارات
كثير من الطبخات ما تحتاج بهارات بقدر ماتحتاج نفس جيد بالطبخ

اول سؤال بسئلك اياه كيف حاسة الشم عندك
اذا تشمي زين بتطبخي زين
واذا ما بتشمي ما بيصير لطبخك نكهة


اول استخدمي مكونات جيدة للطبخ
اللحم المفروم المثلج الي بالسوبر ماركت ريحته مو بحلوة
الدجاج بض انواعه زفرة وتطلع ريحة بالطبخ
الخضار تخسر من روائحها بطريقة التخزين السيئة
الزيت نوعيته تفرق بالطبخ زيت نور مثلا سيء بالطبخ
البهارات بتعرضها للهواء والشمس او الحرارة فترة طويلة يتغير طعمها
ومن هذا الهيل مثلا

تعودي استخدام البهارات العطرية بالطبخ وكذلك الاعشاب العطرية بالسلق
وحتى قشور البرتقال والليمون استفيدي منها
البهارات العطرية هي الهيل القرنفل الكمون الفلفل الاسود ورق الغار الدارسين ( القرفة )
وكل طبخة لها بهاراتها
مثلا بطبخ اللحم اكثر من الكمون والفلفل الاسود والهيل والكزبرة الناشفة
بطبخ الدجاج اكثر من القرفة والفلفل الاسود والهيل
طبعا استخد\م الباقي لكن النسبة تختلف من طبخة لاخرى

حتى البهارات المشكلة اصنفها فيه للطبخ الهندي لان بهاراتهم قوية وفيها حلبة وزنجبيل وفيه للطبخ الشرقي ومنه الطبخ السعودي

لما تطبخي عطي كل شي حقه
مرة عطيت وحدة طبخة من طبخاتي وانتبهت لها وهي تطبخ بتشوه سمعتي بالطبخ
تحط كل شي على بعضه
تطبخ اللحم مع لبصل بطبخة مثل الكبسة
ما ينفع
اللحم زفر وبيعطي زفرته للبصل مما يفقد الكبسة او الكشنة نكهتها
فالافضل مثلا ان يحمس البصل لوحده حتى يصل للدرجة المطلوبة من التحمير ثم يضاف له اللحم او الدجاج او الربيان

لما نضيف اللحوم او الدجاج او الربيان تضيفيه على نار حارة لاجل لا يطلع مائه على البصل الي كشنتيه ويحتفظ بطراوته
هذا سر مهم بالطبخ
وعن نفسي ما اضيف البهارات الا لما اطبخ اللحم او الدجاج ويروح لون الدم لاجل احافظ على نكهة البهار
الا بحال اني اضفت مقادير مطبوخة مثل لحم مطبوخ من اصل واضيفه على البصل وقتها استشني القاعدة واضيف البهارات على البصل

بالمرق ما اضيف البهارات الا باخر لحظات التسبيك
لاجل اني اهتم برائحة الخضار واني لا ارغب بان تطغي نكهة البهارات على المكونات
شغالتي مثلا كانت تطبخ المرق بسلق اللحم اول وتضيف بهارات صحيحة ما اقول مو بحلوة لكن المرقة الي اسويها احلى بكثير رغم انها تستخدم نفس بهاراتي ونفس مكوناتي



حاليا اكل مكرونة بالباشمل علمتها الطريقة وما عجبتني تطبيقها
طعم البهار غالب بالكشنة
الصلصة ما لها طعم رغم اني قلت لها تكثر من الجبن مثلا
واحد اسراري بالطبخ ا اضيف لها رشة جوز الطيب
والصلصة قليلة
لهذا حتى بطرق الاعداد للطبق كمية لمكونات تعطي ريحة حلوة او بالعكس للطبخ


بعض المكونات زفرة اصلا وتحتاج تتصرفين بريحتها
مثل البيض والدجاج واللسمك والربيان
لهذا اهتمي بطرق تنظيفها قبل الطبخ لتحافظي على رائحة رائعة لطبخك





الساعة الآن 05:13 .