حياااااك الله أختي الغاليه ...
شوفي ياطويلت العمر أنت مااااالك إلا أنك تطبخي تحت إشراف الوالده أو تحضري عند جارتك وتشوفين طريقة طبخها أو أنها تجي لعندك وتشرف على طبيخك ساااااعتها راح تعرف وين المشكله
يمكن تكون بهاراتك مالها نكهه ... أو ماعندك طولت بال على الطبخه لين تتسبك ...
على العموم الطبخ ماهو دائما من أول مره تزبط .. يبيلك كذا مره محاوله ..

وأنا لاحظت من كلامك أنه زوجك يكون معك في المطبخ ويطبخ وياااااك وفوق هذا مايمشي الحال
جربي تطبخ من مكونات تكون توها طازه يعني توك مشتريتها يمكن يمشي الحال ونسمع أخبار طيبه

وزي ماقلت لك يبيلك وحده تشرف على طبخك تشوف كل مالديك وماتستعملينه للطبخ
صدقيني ساعتها راح تعرف السر ...

قلبي معك وإن شاء الله الرد الجاي نسمع خبر حلو .. ونشوف طبخااااتك
دمتي في رعاية الرحمن يالغاليه
ياليت تكتبين طريقة طبخك نشوف لك الخطأ وين

حبيبتي ... الله يسر امرك ... بس البهارات الجاهزه مالها طعم ... اول شي شوفي بهارات حائل اللي هم يصلحونها
الفلفل الأحمر (صرار) والكمون هم يصلحونه والذرور(الليمون الأسود)
ومثل ماقالو البنات لازم تضبطين الكشنة لا تكثرين الزيت بالمرة وحطي البصل حتى يطلع ريحته ويتغير لونه مع التقليب
وبعدين اضيفي الطماط اللي مقطعته صغير مثل البصل وقلبيه واضيفي بهاراتك وماجي ابيض وملح اذا هي كشنة رز
وغطي القدر زين وحركيه كل شوي حتى يذوب الطماط ... بعدها اضيفي الماء وفلفل حار اخضر واضيفي وذوقي الملح واذا تمام
اضيفي شوي عصير ليمون..لكن ذوقي الملح قبل الليمون لأن الحموضه تجعلك ماتميزي الملح بالتمام...
بعدين خليه يطبخ شوي وغطيه.. وبعدها اشخلي الرز اذا اولادك مايحبون البصل والطماط واذا هم عادي خليه بس شيلي الفلفل الأخضر
علشان مايذوب مع الرز ويصير رزك حاااار... وكبي الرز ولا تكثرين الماء خليه يطلع نثري...
وشي مهم جداً جداً جداً لرائحة الرز....
قطعي بصل جهزيه قبل وفلفل اخضر وان حصل فلفل رومي ورشيه فلفل احمر وليمون اسود (ذرور) وقلبيهم بصحن واذا
شرب الرز ماه يعني ماباقي الا شوي مويا وقبل تغطينه حطي البصل اللي جهزتي مع البهارات واغلقيه...
بعدها اسقيه دهنه...(الدهنه هي بصل مقلي بزيت غزير مع شوي زبيب ) والزبيب مايوضع الا اذا اشقر البصل واضيفي 3 حبات هيل على الزيت وبعد شوي من تغطية الرز بعد عشر دقايق تقريباً خوذي شوي من الدهنه الزيت مع البصل واسقي الرز ولاتكثري حتى لا يكون دسم...
واذا جيتي تقلبين الرز شيلي البصل والزبيب والفلفل الأخضر على جنب بصحن وحطي رزك بصحن التقديم وحي عليه البصل والحبحر فوقه بعدين حطي لحمك او دجاجك فوقه.. وبالهنا والعافيه..
اذا جربتي طريقتي بإذن الله بتدعين لي وبشريني... وياليت ترسلي لي بالخاص اذا نفعت معك طريقتي...
واي خدمه انا تحت امرك...
الله المستعان
حبيبتي والله اني كنت مثلك بس الحين الحمد لله صارت تمام اول شي خلي زوجك يجيب من عند عطار مو من السوبر ماركت البهارات
خليه يجيب ورق غار-هيل مو مطحون-قرفة مو مطحونة-كمون-فلفل اسود مطحون-كاري بس لاتاخذين حار فيه كاري حار وفيه بارد
وسوي طريقتي وان شاء الله راح تدعين لي
اول شي تحطين الزيت في القدر قبل البصل
وتحطين عليه ورقة غار وخمس حبات هيل وعودين قرفة
وبعدها علطول لاتخلين البهارات تنحرق حطي البصل وحركي الى ان يذبل ويصير ذهبي وبعدين تحطين الدجاجة وتحركين الين تاخذ النكهة بعدين تحطين ملعقة صغيرة كمون وملعقة صغيرة كاري ونصف ملعقة فلفل اسود مطحون
وتقلبين الدجاجة شوي بس الين تاخذ النكهة وتحطين في الخلاط حبة طماطم وشوي كزبرة خضراء وفصين ثوم ونصف حبة فلفل رومي وحبة ماجي وتخلطينه في الخلاط بعدين تحطينه عالدجاجة وتقلبين الين تحسين ان الطماطم خلاص تسبك بعدها حطي المويه وقفلي القدر وتخلينه 20 دقيقة بعد ماتنتهي المدة صفي المرقة وشيلي الدجاجة وحطيها تتحمر في الفرن وحطي الرز وحطي النصف الباقي من الفلفل الرومي اللي حطيتيه قبل ارميها كذا مع الرز وقفلي القدر وخليه 10 دقايق بع مايصفر القدر وبالعافية
لاتطيع الهم لو همك كبير
قل لهمك لو كبر لي رب أكبر
بالصلاة يهون كل أمر عسير
يكفي إنك تبتدي بالله أكبر


الساعة الآن 02:13 .