السلام عليكم ورحمة الله وبركاته
بصراحه هذه أول مشاركه لي في كتابة موضوع وموضوعي عن مشكله أمر فيها وحبيت أني أستشيركم أو بالأصح أني ألقى أحد يشاركني همي
أنا تزوجت من تسع سنوات تقريباً والحمدلله زوجي فيه الصفات اللي كل بنت تتمناها إنسان مستقيم محافظ على أمور دينه مو راعي طلعات اواستراحات والكل يثني عليه ويمدحه
بعد مرور سنه من زواجي كشفت من شان الحمل وطلع عندي الهرمون وعالجت وصار تمام وماحصل لي حمل وبعدها تقريبا بسنه ثانيه راجعت وقالي الدكتور انتي سليمه لازم زوجك يسوي تحليل ويكشف عند مختص وصار هالشي وحلل زوجي وطلع عنده دوالي وهالدوالي تأثر على الحيوانات المنويه وتقتلها وسوى عملية الدوالي وفشلت العمليه وبعدها قال له الدكتور أنه ماراح يجيك أطفال طبعا قالي زوجي عن هالمشكله وقلت له شوف الموضوع هذا بيني وبينك ما أبي أي أحد يعرف عنه لا من قريب أو بعيد كله والله عشان ما أبي أجرح كبريائه عند الناس وماأبيهم ينظرون له نظره ثانيه أنه عاجزوقلت شوف لو عرف أحد ترى هذا هو آخر يوم بيكون بيني وبينك اترك الموضوع بينا فقط بعدها بفتره راح مراكز كبيره خاصه بالعقم وأطفال الانابيب وكشف عندهم وسوى عملية بحث عن الحيوانات المنويه وحصلوا عنده بس انها ماتنزل في السائل المنوي وقالوا له انت تقدر عن طريق اطفال الانابيب وسوينا عملية الانابيب وماكتب لها الله انها تنجح وفشلت وماتتخيلون التعب النفسي اللي مرينا فيه بعدها قالي شوفي انا ما أبي أظلمك وأحرمك من الذريه لك الخيار إذا كنتي تبين الاطفال مستعد أني أطلقك وتشوفين حياتك شوفي خواتك أصغر منك وتزوجوا بعدك وكل وحده عندها ثنين وثلاثه وانتي محرومه منهم وأنا السبب في حرمانك صارت مشاحنات بيني وبينه عند هالموضوع وأنا اخترت أني أعيش معه وما أجيب أطفال الا منه هو وما أبيهم من غيره هو صحيح أني كل ما شفت عيال خواتي إذا اجتمعنا عند أهلي في الاجازات احس قلبي يتقطع وأمي وأخواتي دائما متى تعالجين ترى الرجال ماراح يصبر عليك اكثر من كذا واقول لهم اذا اراد الله حملت بس وربي أني ألبس قناع القوه قدامهم وقدام زوجي بس من أكون لوحدي انهار وطبعا الظروف الماليه خلتنا نأجل الموضوع فتره طويله شوي لأن تكاليف العلاج والعمليه كثيره ومن تقريباً سبعه شهور سوى عملية الدوالي مره ثانيه في مستشفى خاص والحمدلله نجحت العمليه وصار ياخذ منشطات وابر عشان التحليل وحلل بعد ثلاثه شهور وصار التحليل صفر واعطاه الدكتور منشطات جديد وبعد ثلاثه شهور ثانيه حلل وايضا التحليل صفر والدكتور يقول عادي هالشي انت اتبع نظامي وماعليك اعطاه ايضا كورس ثلاث شهور منشطات جديده واهو يقولي انا بعد هالثلاثه شهور بسوي عملية بحث عن الحيونات جديده وبعدها نسوي عملية اطفال الانابيب .
وطبعاً الى يومي هذا مافيه أحد من أهلي أو أهله يعرف عن الموضوع لان إذا أحد سألني أقول عندي هرمون وأعالج منه .
الحمد لله على كل حال والله اني راضيه بقضاء الله وأمره وعارفه ان كل شي يصير للمؤمن خير له ومستمره على الاستغفار وقراءة القرآن وإذا أراد الله أني أحمل راح أحمل طال الزمن أو قصر
بس وربي طفشت من هالناس كل ماأشوف وحده تقولي فيه الخلطه كذا وفيه الدكتوره الفلانيه وفيه وحده تعالج علاج شعبي صدق طفشووووني وتصدقون اني صرت احس بضيقه من أشوف احد يدعي لي ما أبي أشوف في عيونهم الشفقه وبعضهم من تشوفني تدعي قايمه قاعده طيب ادعي بس مو كذا في وجهي ما ادري هل تبي تحسسني بالنقص يعني والا شنو هدفها .
وبالنسبه لاهله وربي ان أمه ماسألتني يمكن إلا مرتين فقط ورديت عليها الله يكتب اللي فيه خير وبعدها ماعاد سالتني ويقول انها سالته وقال لها نفس الكلمه .بس المشكله في أبوه لأنه يقول له تزوج عشان يجيك عيال ورفض وتهاوش معه وزعل ابوه منه فتره وقالي خليني اقول لهم وحلفت بالله مايقول شي وماعاد ناقشه ابوه في الموضوع بس الله يستر من الايام الجايه مايفتح معه الموضوع مره ثانيه .
اخواتي آسفه لأني طولت عليكم في كتابتي وأني مارتبت الاسلوب شوي اعذروني والله اني جالسه اكتب وانا حاسه بضيقه الله العالم فيها .
وكل اللي أبيه منكم دعوه في ظهر الغيب والله اني اذا دعيت ادعي لاخوات المسلمات جميعا المحرومات من الذريه ان الله يرزقني وإياهم .
وأبيكم تقولون رايكم هل تصرفي صحيح اني متمسكه فيه وماعلمت أحد
أنا بصراحه مقتنعه ومستحيل أني أغير رأيي بس أبي أشوف شنو ردة فعل أي وحده مع أني ما أتمنى أي وحده فيكم تمر بالشي هذا .
.........................................................................
<<ربي لا تذرن فردا وأنت خير الوارثين>>
<< رب هب لي من لدنك ذرية طيبة إنك سميع الدعاء >>
أختكم // أسيرة الحرمان
**أسيرة الحرمان** @asyr_alhrman_8
محررة برونزية
يلزم عليك تسجيل الدخول أولًا لكتابة تعليق.
هلا حبيبتي اذا انتي تحبين زوجك وماتقدرين تعيشين من غيره فتمسكي فيه لو تطلقتي وش يضمن لك انك تلاقين زوج وفيه المواصفات اللي تبينها وانتي شايفه بنات كثيرر عنسو عند اهاليهم فما بالك بالمطلقه تمسكي بزوجك ولا تايسون مافي شي مستحيل ***** الله ربي يرزقكم الذريه الصالحه عاجلا غير اجل بس تتوقعين لو العيب منك هل بيصبر ومايتزوج وحده ثانيه مستحيل دايم احنا يالحريم اللي نضحي اما الرجال اناني نفسه وبس وحده حااااقده على الرجال هههههه
الله يرزقكي بالذرية الصالحة عاجلا غير اجلا
ومدام انك تحبين زوجك اتمسكي فية وماعليكي من احد والله اعرف ناس جلسو 15 و20 سنة وربي رزقهم
ونتي استمري بس على الاستغفار والدعاء في جوف الليل والله يفرج همك وهم جميع المكروبين
ومدام انك تحبين زوجك اتمسكي فية وماعليكي من احد والله اعرف ناس جلسو 15 و20 سنة وربي رزقهم
ونتي استمري بس على الاستغفار والدعاء في جوف الليل والله يفرج همك وهم جميع المكروبين
اسئل الله العظيم رب العرش الكريم ان يرزقك ذرية طيبه مباركة ومعافاه من زوجك عاجلا غير اجل وصلى الله وسلم على نبينا محمد بس مستغربه ليش خليتي العيب فيك ؟ ماعتقد فيها شي لو قلتي زوجي هو اللي عنده المشكله وبالاخير القرار راجع لكم والله يكتب لكم اللي فيه خيره ياااااااااااارب وييسر لكم امركماسئل الله العظيم رب العرش الكريم ان يرزقك ذرية طيبه مباركة ومعافاه من زوجك عاجلا غير اجل وصلى...
ربي يرزقك بالذريه الصالحه ويقر عنك فيهم ...
والله انا لسى ماتزوجت ومادرى عن هالشي بس ماحبيت اطلع وانا مارديت ربي كريم ان شااااااااااااء الله يجبر خاطرك وخاطره عن قريب يارب
والله انا لسى ماتزوجت ومادرى عن هالشي بس ماحبيت اطلع وانا مارديت ربي كريم ان شااااااااااااء الله يجبر خاطرك وخاطره عن قريب يارب
الصفحة الأخيرة
وصلى الله وسلم على نبينا محمد
بس مستغربه ليش خليتي العيب فيك ؟
ماعتقد فيها شي لو قلتي زوجي هو اللي عنده المشكله
وبالاخير القرار راجع لكم
والله يكتب لكم اللي فيه خيره ياااااااااااارب
وييسر لكم امركم