أول شي سموا بالله وقولوا ماشاءالله تبارك الله







نبدأ بالمقادير ::

رقاق سويتز او لوزين (أنا أستخدمت سويتز )
قرفة مطحونة
سكر ناعم
قشطة أي نوع تحبين( أنا أستخدمت قشطة التاج)
علبة نستلة + 6حبات جبن كيري
شيرة
زيت للقلي
صورة للمقادير

الطريقة ::
أول شي نجيب الرقاق ونأخذ منه كمية ونقسم الرقاق من النص بالعرض طبعا ونغطيه مانخليه مكشوف عشان ماينشف ويتكسر
بعدين نأخذ شريحة من الرقاق وندهنها شوية قشطة مو نكثر مجرد دهن بس

ونرشها سكر مطحون وشوي قرفة ونلفها زي الشكل اللي في الصورة ونقفلها من الجوانب والأطراف زي مانقفل السمبوسة

ونبدأ نرصها في صينية التشيز كيك بالطول
إلى أن تتعبى الصينية بهالشكل

إلى أن تتعبى الصينية بهالشكل

نبدأ نقليها في زيت حامي ونقلبها بسرعة عشان ماتنحرق
ونرشها شوية شيرة مانكثر
وهذي بعد ماطلعناها من الزيت ورشيناها شيرة

نخلط النستلة والكيري في الخلاط ونصب نص الكمية في قاع الصينية لازم نفس الصينية اللي رصينا فيها الرقاق في البداية
وندخلها شوي الفرن لحد ماتجمد الخلطة

ونبدأ نرص الرقاق في الصينية فوق الخلطة بهذي الطريقة لحد ماتتعبأ الصينية


نرشها بباقي خليط النستلة ونرشها شوي قرفة مطحونة وخطوط من شوكولا الهيرشي
أنا مارشيتها هيرشي عشان بنتي وولدي الله يصلحهم واقفين عل رأسي لو شافوه حيخلصوه مدمنين شوكولا (يحبوا يأكلوه بالملعقة )

ونجي لأهم خطوة فكي الصينية بشويش من الجوانب وارفعيها بس مو للآخر لحد طرف الرقاق وياليت هنا أحد يساعدك ويمسكها لك وإنتي تربطي الشريطة حوالين الحلا (أنا هنا ساعدتني شغالتي مسكت لي الصينية وأنا ربطت الشريطة )
وهذي الصورة النهائية للحلى

الله يعطيك الصحه
استغفر الله العظيم ، سبحان الله والحمدلله ولا اله الا الله والله واكبر
الشكل الثاني








المقادير :


نفس مقادي الحلا الاول


الطريقة:
تختلف


نحشي رقائق سويتز بجبن الكيري فقط ونترك خلطة السكر والقرفة لبعدين ونلفها اصابع





نقليها بزيت غزير



نجهز القالب اللي ينفك بنفس الطريقة الاولى ( 4 حبات كيري مع ربع علبة حليب محلى مركز) وندهن شوي بقاع القالب





نغطسها بخليط السكر البودر والقرفة ثم خليط الشيرا والحليب المركز (نصف علبة حليب محلى مع نصف كاس شيرا)








نصفهم بالقالب بشكل طولي





ونخلط باقي ربع علبة الحليب المحلى المركز مع باقي خلطة الجبن الكيري والحليب ونصبهم عليهم ونفس الشي اما تدخليها الفرن وبعدين الثلاجة او علطول التلاجة على راحتك
انا دخلتها الفرن شوي وشغلته من تحت وفوق شوي فقط لتتماسك وبعدين بردتها








تكوني مجهزة الشريطة تفكيها بشويش وتربطيه وتقدميه


جدا جدا لذييييذ ورااااائع ويلفت النظر








الساعة الآن 07:04 .