السلام عليكم ورحمة الله ....

بنات .. تعالوا نسولف ونفكر مع بعض .. الحين خلاص نستسلم ان مافي وظيفة ؟؟؟طيب ابواب الخير كثيرة بس محتاجين نفكر ونقرر ونبدا ... وانا اصلا ما احب الوظيفة اللي تربطك بوقت ودوام ومدري وش.. انا احب شغل البزنس اللي يخليك منتعشة ع طوووووووووووووول

علشان كذا تعالوا هنا بافكاركم التجارية يمكن تطب علينا فكرة تفك ازمتنا..
انا ما اقول اننا متنا من الفقر - لا الحمد لله الخير واجد ونعم ربي كثيرة .. بس انا ماكان حلمي ابد اني اكون ربة بيت لا لا لا لا مااقدر حتى اكتبها -الحمد لله مو عيب اني ارعى بيتي وبناتي وزوجي وان شاء الله ما اقصر معاهم ولكن ان اليوم كله يمر عليه وانا ماسويت شيء جديد .. احس اني ما استوعبها واطلع فكرة وودي اطور عمري واغير الروتين وابدا مشروعي واحس بقيمتي وان لي دور بهالبيت غير الطبخ والغسيل..

يالله افيدونا بافكاركم بس الله الله بالتشجيع
ولي طلب خاااااااااااااااااااااااااااااااااااااص للتاجرات الكبار "الهامورات" من تاجرات المنتدى ومن التاجرات اللي عندهم محلات تجارية ماشاء الله اطلب منهم يساعدونا بافكارهم المجانية شلون بداوا وشلون كبروا بالتجارة وش الصعوبات وش المحاسن .. الخ الخ الخ الخ

خلوني ابدا معكم بفكرتي اللي خلتني اصحى هالصباح وهي تقرقر ببالي :

انا افكر افتح محل باي مدينة العاب بالرياض-محل ايش ؟؟ ما ادري

يالله فكروا معاااااااااااااااااااااااااااااي

وتكفون ماينزل الموضوع وتنتهي صلاحيته .. ترى تكفى تهز قلوب
15-04-1431 هـ, 09:23 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
طيب اش رايك في محل للرسوم البودرة الامعة هي مو فكرة جديدة بس حبيت افيدك وتسلمي علي الموضوع الحلو
15-04-1431 هـ, 09:26 صباحاً
 
يسعد صباحتس حبيبتي وانتي تتكلمي عن نفستس
كنتس تتكلمين عني لاني كل يوم اخس الناس تتقدم وانا بمكاني
شوفي انا لا عندي مشاريع ولا غير لاكن افكر بمشروع شي شي شي ش ي
الي وهو مغسلة ملابس زوج اختي تاجر كبير مشاء الله وعنده عقار واراضي وصالات عرض ووووو ومغاسل
والله يمدح فيهم ومربحهم على طول بس الي يبي دراسة موقع للمغسله وعامل شاطر وتكلف كلها على بعض خمسين الف مع العامل ولا جهزه ذا مشروع مره حلو و***** الله بسويه بأذن الله

واتمنى البنات يتفاعلون واتمنى اني فدتك قليبي
15-04-1431 هـ, 09:31 صباحاً
 
ماشـــــاء الله عليكم افكاركــــــم تجننننن
بس المشكله في التنفيذ وراس المال

ابدأي بشي صغير وبيكبر مع الايام والوقت
واكيد كل وحده عندها موهبه
وربي يرزق الجميع
15-04-1431 هـ, 09:38 صباحاً
 
وربي طلعتي اللي بخاطري قسم بالله عندي افكار روعه بس ناقصني راس المال
وافكاري جديده ماابي اقولها<<خخخ نذاله

الله يوفقنا والجميع
15-04-1431 هـ, 09:49 صباحاً
 


الساعة الآن 05:18 .