بكريه..ولادتي قيصري..ونفاسي في بيتي..

السلام عليكم ورحمة الله وبركاته
انا ولدت ولله الحمد والمنه
لي تقريبا 10 ايام
ونفاسي في بيتي
وبكريه طبعا
انا ماشيه على نظام بسيط ومريحني بس ماادري هل انا ماشيه بالسليم او لا
قلت مالي الا بنات حواء يفيدوني
انا اقوم الصباح الساعه 7 افطر يوم قرص ويوم بيض ويوم عدس وهكذا واشرب حليب بالجلبه من غير سكر واحليه بملعقة عسل
افطر وارضع ولدي وارجع انام الى الساعه 11 او 12
اقوم الساعه 12 اتقهوى قهوة عربيه مع تمر بالرشاد
الساعه 2 اتغدى مرق لحم وسلطة خضار وعصير فواكه كو بارد طبعا وخبز بر وشوي رز
الساعه 4 اشرب قشر قهوة مخلوط معاه كمون وقرف ويانسون وقرفه وحلبه اشرب منه مع فطاير او اي شي موجود
بعد المغرب اشرب حليب حلبه وتمر رشاد
بالليل انعشى مرقوق او ايدام خضار مشكل من غير صلصه
وقبل انام اشرب لي كاس حليب مع ملعقة ماش


طبعا المنطقه الحساسه اتوضا بغسول البيتادين فقط

وناويه بعد العشرين يوم الاولى اسخدم كبو المر والكمون وقشر البصل

ياحبي لكم قولوا لي هل نظامي صحيح ولا ماعندي سالفه!!!!!!!!!!!!:35: