Analysis Services
  • «
  • <
  • 1
  • 2
  • 3
  • 4
  • >
  • »
كل عام وانتو بخير وسلامه
شموخ بلادي الله محييك 00وعساك دوم ما تعرفين التخمه ياقلبي:24:
طريقتكم حلوه ليش لان الافطار الخفيف بالاول افضل 00يعني تقومي للصلاة وانتي خفيفه وتسلمي على مرورك00
الا بسألك وش سحوركم عسى مو كبسه بس

شمس الاسلام الله محييك وعسى شمس الاسلام ما تغيب ابد والآبدين 00
طريقتكم قريبه من طريقة اهلي خصوصي الشاي بعد الفطور لكن في بيتي زوجي ما يحب الشاي عشان كدا شلته من القائمه 00

باستا ياهلا فيك لكن خدي نصيحتي لا يوم ماتسوي فطور وتستني فطور الوالدات الله يحفظهم 00وتقضي يومك بليلك صيام ههههههههههه بس شكلكم مو من اللي يحبون الاكل كتير زينا يعني 00والله حالك قريب من حالي لكن ما كو حد يرسلي ( حرام مسكينه تصدقو علي )
غيمة امل بالمهلي ياعيني 00 اما عن الزفر والقلي حدث ولا حرج ايش ناكل لعاد مسلوق

ما تلاحظون ان النظام قريب من بعضه وحتى انواع الاكل 00شكلنا كلنا من الخليج 00بس انا انادي بنات الشام ومصر وباقي العرب وينكم وكيف نظامكم زي حلاتنا ولا غير 00
انا عندي اقتراح للي عندهم تخمه من الزفر بعدين اقلكم هو 00
19-08-1425 هـ, 02:05 صباحاً
 
بالنسبه لي
الفطور قهوه_تمر_لقيمات_شوربه_وعصير لاني ماأحب القهوه
وبعد صلاة التراويح أحط المعجنات والسمبوسه وصينيه خضار أو مكرونه والعصيرات
السحور سندويشات خفيفه
19-08-1425 هـ, 03:16 صباحاً
 
ينقل لاطباق عالم حواء

ماجي
20-08-1425 هـ, 02:14 صباحاً
 
سحر الشرق ..

نفطر على قهوه = تمر = حلى = عصير ..

وبعد صلاة المغرب شوربه = فطاير = معجنات ..

قبل صلاة العشاء شاهي = نعناع ..

..

السحور ..على الساعه 2 يكون سفره دسمه ..

..


وااااااااو اشتقت لرمضاااااااااان

الله يبلغناه ..

..
20-08-1425 هـ, 04:06 صباحاً
 
والله شوقتينا لرمضان ولياليه المباركه

تقرأين ما كتبوه الاخوات وتعيشين في جو اللحظات الجميله التي يترقبها الصغار ( مع ان هم مو صايمين )

قبل الكبار 0

اختي ( سحر الشوق )

نظامنا بالكويت نفس الطريقه :

بعد مدفع الافطار والاذان : لابد اولا من الدعاء ( اعلمه للصغار يقولونه بشكل علني عشان يذكرون العيال الكبار )

ثم التمر او الرطب وهو متوفر ولله الحمد بهذا الوقت 0

اما اعيالي اللي ما يحبو ن التمر يفطرون على الماء0

ثم اللبن او العصير او الشربت كل واحد حسب ذوقه ( ماشاء الله الاذواق عندي متنوعه )

واحنا نحط الفطور كله على السفره او الطاوله 0

لان ابو العيال يحب الشوربه بعد التمر على طول مع معجنات او سمبوسه او كبب متنوعه 0

اما العيال مواي شوربه يحبونها فاضطر احط لهم الخفايف المتوفره يفطرون عليها قبل ما يروحون المسجد0

بعد الصلاه : التشريبه ( الثريد ) او الهريس او اي طبق متوفر مع الحلو0

ولا تنسين الاطباق اللي تجيك من الجيران ما شاالله ما تدرين من وين 0

تدرين اني كل يوم اعمل حسابنا على الفطور ومسويه جدول لارسال الاطباق للجيران 0

وكنت بالاول ادز للمسجد بس الحين وزاره الاوقاف استلمت عمل موائد الافطار فيه 0


بعد الفطور لابد من الشاي والقهوه

بعد صلاه التراويح : تبدا الدراسه مع العيال 0


الساعه 11 عشا خفيف من بقايا الفطور للعيال لانهم ما ياكلون بالسحور 0

السحور : خفيف جدا من الاجبان و البيض والروب وللعيال الكورن فليكس او الحليب والعصير

ويكون قبل صلاه الفجر اتباعا للسنه0

والله يبلغنا رمضان هالعام ويرزقنا القيام بالطاعات ويعيننا على صيامه وقيامه
-
20-08-1425 هـ, 10:57 صباحاً
 


الساعة الآن 01:14 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏