السلام عليكم ياحلواااااات
بصراحه عندي إستفسار عن الشيره صح إنه حتى الطفله الصغيره تعرف له بس أنا عجزت تضبط معي
كيفكم أضحكو علي بيدكم ورجليكم عاااااادي ماهمني بس المهم عندي أعرف كيف أصلحها
قالوا لي حطي فنجالين سكر على فنجال مويه حطيت ولانفعت
بنات اللي تضبط الشيره تنور علي الله ينور عليها في قبرها
19-08-1425 هـ, 04:52 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
العزيزة \ بقايا جراح 0000 لا تشلين هم ولا تتكدرين00وماعاش
من ضحك عليك فنحن في هذا المنتدى نعلم ونتعلم000
طريقة الشيرة إيلي أسويها وبدون مدح تطلع مضبوطة كالأتي:-
بقدر المستطاع اجعلي كمية الماء قليلة
مثلا ضعي كأس جبنة كرافت كبير سكر + عصير نصف ليمونة+
نصف ملعقة صغيرة زيت + نصف الكأس ماء 0 واتركيها تغلي على
النار وسوف تلاحظين أنها بدئت تثقل إن أردتيها ثقيلة وتخفف بالماء
إن كانت خفيفة وهكذا حسب رغبتك ياعزيزتي00بعون الله تضبط
معاك أمــــــــــــــــــــــــــــــــــانة جربي وبكل صراحة ردي عليا0
ودمتي سالمة 0


19-08-1425 هـ, 08:21 صباحاً
 
عزيزتي وليه نضحك كلنا كنا في البدايه جذيه

شوفي طريقتك صح بس انتي تخلينها على النار لمده طويله يمكن

الطريقه سويها بكميه اكبر اشوي عشان تضبط معاج

وانا دايم اسويها بكميات كبيره واحفظها بالبرطمان عندي ... و اسويها على ست او ثمان كؤووس من السكر



المقادير :

4 كاس سكر
2 كاس ماء
هيل وزعفران

حطي السكر والماء على النار لما تشوفينه بدى يغلي اختبريه واشلون تختبرينه؟؟
اخذي ملعقه من الشيره وحطيها على صحن وخليها تبرد اشوي ولمسيها باديك شوفها اذا صارت مثل الخيوط او حسيتي في حلاوتها او صارت ثقيله اشوي بين اصابعك يعني صارت.... و اذا حستيها مثل الماي خليها اشوي ... ان شاء الله تكوني فهمتي علي

وبالاخر حطي الزعفران ... وحطي في البرطمان هيل ناعم ... واذا ابردت فرغيها بالبرطمان

وترى هذى الطريقه ما اطول على النار يدوب غليتين او ثلاث اذا كانت النار عاليه ... واذا حابه حطي كم نقطه من عصير الليمون بالاخر .... وفي ناس تحط فيها فانيلا... وفي ناس عصير برتقال ... حسب ما ترغبين ... بس انا ما اضيف عليها غير الهيل والزعفران

وان شاء الله تضبط معاج ... بس انتبهي لاتخلينها على النار وايد عشان لا يتكتل السكر اذا بردت الشيره

وموفقه عزيزتي

19-08-1425 هـ, 08:31 صباحاً
 
سهوره الله يجزاك خير يالغاليه وأنا ماخلاني أكتب في هالمنتدى إلالثقتي بإني ألقى من يوقف معي ويساعدني
بصراحه طريقتك غريبه شوي بس أحسها راح تطلع حلوه راح أجربها أكيييييد وإن شاءالله تضبط معي
ومشكووووووره حبيبتي مره ثانيه
عزيزتي ام عزيزان الله يعطيك العافيه يالغاليه وجودك نور الصفحه وأبهجها راح أجرب طريقتك بس مادري وش كثر أحط زعفران وهيل ولو ماأحط هيل تطلع حلوه لاني ماأحب الهيل وريحته؟؟
وحياااك أختي للمره الالف


19-08-1425 هـ, 12:44 مساءً
 
الزعفران عشان يعطيها لون وتصير ريحتها احلىىىىىىىىى

والهيل اذا ماتبينه مو لازم

وموفقه عزيزتي

وخلينا نشوف ردج بعد ما تسوينها



19-08-1425 هـ, 05:21 مساءً
 


الساعة الآن 08:06 .