Analysis Services
أنا سعوديه مقيمه بألأمارات من سنه ونص وماعندي أي خبرة بالسوق
الله يعافيكم دلوني على أسماء محلات في دبي والشارقه يفصلون ستاير بقماشات حلوة وموديلات راقيه وبنفس الوقت سعرهم متوسط
ترانا نبي ننقل فيلا جديده بعد أسبوعين وزوجي ماعنده وقت يلفلف معاي بالسوق ..يبي ينتهي من الموضوع بسرعه ويفتك وانا محتاسه حوسه مايعلمها الا الله وماني عارفه وش أسوي !!
اللي أعرفه في شارع الوحده واجد محلات تفصيل ستاير ..أي واحد منهم أحسن وأرخص ؟؟؟
ومن المنتدى عرفت بأن سوق الشارقه القديم عندهم محلات يبيعون قماشات ستاير .. طيب وين أفصلهم و أخيطهم؟؟

سؤال ثاني.. ..أدا كان عرض الشباك عندي 180سم ,كم متر أحتاج للستاره وكم متر للشيفون ؟؟
يابنااااات .. يالطيبات أنا معتمدة على الله وعليكم..اللي عندها خبر بالموضوع تتفضل وترد علي ولا تنسوني
19-08-1425 هـ, 01:54 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
شوفي إختي ..
لو تبغين مجموعة محلات ستاير في مكان واحد عندج سوق الغوير اللي في الشارجة في منطقة الغوير خلف مستشفى الزهراء الخاص ..
في السوق نفسه تلقين محلات كثيرة للستاير ويبيعون القماش بالوار وأسعارهم رخيصة بين 8 و12 للوار الواحد ..
وأكيد في أغلى ..وهم ياخذون القياسات ويفصولن لك اللي تبينه ..

على فكرة كل شيء في شارع الوحدة غالي ...

والله يوفقج
20-08-1425 هـ, 12:07 صباحاً
 
جزاك الله خير يادموع الأسلام.جعلها الله في ميزان حسناتك..أن شاء الله بأقرب وقت أبي أروح سوق الغوير اللي تقولين عنه وأعلمك ..
20-08-1425 هـ, 12:28 مساءً
 
وإياكي ,إن شاء الله
20-08-1425 هـ, 04:09 مساءً
 
ليش ما تروحين أسواق عجمان ( المصانع)

فيها نفس المراكز وأرخص

بس لا يقصون عليج نشفي ريجهم
21-08-1425 هـ, 04:14 مساءً
 


الساعة الآن 06:26 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏