بسم الله الرحمن الرحيم

السلام عليكم ورحمة الله وبركاته

اولا حاجه اللي كنت ابي اقولها لكم من زمان

جعل الله مثواكم الجنه انتم ووالديكم واحبابكم لآني بصرااااااحه استفدت منكم كثير جعلها الله في موازين حسناتكم

بجد مبدعات لآخر درجه ماشاء الله تبارك الله

الله يوفقكم دنيا واخره ويرزقكم ويحقق اللي تتمنونه يارب..آآآآآمـــــــــين

ثاني حاجه في موضوع عن بسبوسة الطازج مدحتوها مررررره

وانا ماخليت بسبوسه ماسويتها بس ماتضبط معاي واخر شي اجلس ابكي لآن زوجي يحب البسبوسه
واخر شي يقولي ماكأنها بسبوسه كأنها حلي ثاني هع هع مع اني وربي اطبقها تماااام مره بحذافيرها

واذا ماضبطت وربي قلبي يوجعني ع المقادير اللي راحت ع الفاضي

وحده قالتلي انا تسويها بكاسات الجبن الطويله وتضبط قررت قرار اسويها بالكاسه

بس ابي اضبط المقادير يعني لو كوب حليب بالكاسه اعبيها لآخرها وكمان السميد لآخرها

وثلاث ارباع الكوب انا بالكاسه احط برضو ثلاث اربعاع ولالا

طلبتكم احد يساعدني لا الله لايهينكم ويحرم وجيهكم عن النار
ان شاء الله خواتي يساعدونك
ريم ــ ام مشعل الله يعطيك العافيه يارب
شوفي حبيبتي ولاتتضايقي طريقتك صحيحه بس ماادري عن المقادير
انا اسوي بسبوسة الطازج تطلع روعه وعلى حسب زوجك يحبها سميكه زي الكيك ولا وسط المهم بعطيك مقاديري وشوفي ان شاءالله تضبط

تحطي في الخلاط الصغير اصبع زبده مذوبه
وعلبه نستله الكبيره وتخلط ثم توضع على
كوب وربع من السميد وملعقه صغيره باكنج باودر
وبس وعندي طريقه ثانيه للبسبوسه المحشيه روووعه لوحده من المنتدى
شوفي حبيبتي ام سالم هذي بسبوستي صراحه كل سلفاتي واللي اعرفهم يطلبوها بس بعد فتره اقابلهم ويقولوا ماضبطت والسبب اضافة الماء وانا اقول ولا قطره المقادير:كوب طقم السفره لجميع المقادير 2كوب سميد ،كوب سكر، نصف كوب زيت ، كوب حليب بودره، ملعقه باكنج باودر، ملعقه فانيليا ، تعجن بحبه قشطه تكون العجينه زي الكوره مع بعض يعني ماهي سائله وتفرديها بكيس او بجونتي بلاستيك علشان اصابعك ماتطبع فيها ريحيها دقيقه وادخليها فرن حار وراقبيها لانها تتحمر بسرعه واخرجيها واسقيها بالشيره وبالعافيه


الساعة الآن 09:51 .