سلام عليكم ورحمه الله وبركاته

مبدعات حواء

طلبتكم

ابي طريقه تشيز كيك بارد لان اللي اسويه يدخل فرن وطريقته طويله عريضه

بغيت منكم طريقه حلوة وطعمها زي اللي بالمطاعم واحسن ويغلبه طعم الجبن
ياليت ما تخيبوني

عندي باسكوت دايجستيف - جبن فلادلفيا 200 علبتين - قشطه - دريم ويب - جبن كيري- حليب نستله - جلاتين - وصوص تارت


استناكم يا حلوات
الطبقة الأولى
بسكوت +زبدة
الثانية :
علبه قشطة
علبة حليب مركز
ظرف دريم ويب
1 فلادفيا

م ك جيلاتين مذوبة بربع كاس ماء حار
انا مهما سويت تشيز كيك مايضبط معايا مرررة

ياريت بالتفصيل الطريقه

عادي ياجماعه لو ماسويتها بالصينيه حقت التشيز كيك
حبيبتي شوفي طريقتي الصراحه مظبوطه ولاهم سهله وسريعه ياليت تعجبك وممكن تعمليها في بايركس أو أكواب أو صينيه التشيز كيك
الي يعجبك
المهم هذي طريقتي
الطبقه لأولى 2بسكوت شاهي مطحون طحن خشن وأصبع زبده وتعجنيها مع بعض وتضيفين لها القليل من الماء أو الحليب السائل
عشان تتماسك أكثر
الطبقه الثانيه 6 حبات جبن كيري ونصف علبه حليب نستله العلبه الكبيره تخلطيها في الخلاط وتصبيها على البسكوت وتدخليها الفرن لدقائق
فقط عشان تتماسك أكثر من فوق فقط واول ماتحسيها تماسكت طلعيها وضعي عليها التارت هذا أذا كنت مستعجله وتبيها بنفس اليوم
أما أذا كنت مو مستعجله وعادي أذاتخليه يوم كامل في الثلاجه فأضيفي نصف علبه جبن فيلاديفيا مع الجبن والنستله وأضيفي الجلاتين عشان تتماسك وتطلع معك كثيفه ودخليها الثلاجه لليوم الثاني ثم ضعي التارت
يارب اكون أفدتك لان هذي الطريقه الي معتمدتها أسفه على الأطاله
اول شي للي تستفيد تدعي لأمي بالشفاء العاجل


تشيز الفيمتو





الطبقة الاولى:

نصف باكيت بسكويت شاي ((مطحون))
نص كاس بقسماط
زبده ((ذائبة بحرارة الغرفة)) تقريباً
اصبع وربع >>>> او حسب مايتطلب
يعني ((حتى يتماسك البسكوت مع بعضه))

أو

نضع
باكت بسكوت مطحون
واصبع زبدة>>> اضمن لك بالمقادير

تخلط مع بعضها وترص في صينية القاع المتفكك





الطبقة الثانية:

في الخلاط...

2بيالة حليب بارد جداً ((سايل)) + 3 باكيت دريم ويب
يخفق جيداً
يترك جانباً


ثم نخلط

علبه حليب نستلة>>>(( بصراحة يابنات النستلة انا ماحطيت جاهزة
سويتها بالبيت))

((1 باكيت جلي ليمون بس ((انتبهو لاتحطون فراوله او توت.. يخرب الشكل)) يذوب جيداً في نص كاس ماء دافئ ))





**ملاحظة **

لو تحطين جلي اناناس >>رح يكون افضل ويعطي طعم الذ واحلى من الليمون ((واذا كنتم خايفين من نكهته صدقوني مرح تبين نكهة الاناناس ابداً))

يترك جانباً

ثم نضع في الخلاط من 6إلى 7 حبات جبنة كيري
2قشطة
يخلط جيداً >> الى ان يذوب الكيري
ثم يضاف له خليط الدريم ويب + خليط النستلة

ويخلط (( تـقريباً الى ان يتجانس الخليط مع بعضة))

وانتبهي لاتخلينة يطول
يعني عدي من 1 الى 20
يسكب برفق على البسكوت



يدخل الفريز حتى يتماسك



يعني فوق الساعتين او الثلاث ساعات

ثم نحضرالطبقة الثالثة:


خليط الفيمتو
*بيالة هيرشي فراولة ((اذا توفر))<<< يعطي نكهة لذيذه للفيمتو
* نص كاس فيمتو
* ملعقتين نشاء
* بيالة ماء


نضع (الفيمتو +الهيرشي+النشاء+الماء)
على نار متوسطة
حتى يصبح قوام الخليط ثقيل



ثم
تسكب بالملعقة بحذر على الطبقة الثانية <<<<ثم تعاد الى الفريز





**)) ملاحظة ...يخرج التشيز كيك من الفريز ويوضع في الثلاجة قبل موعد التقديم
بنص ساعة او ربع ساعة





الساعة الآن 03:01 .