حبايبي كلامكم كللللللة صحيح وعلى عيني وراسي لكن بما ان المعصية جهرية وجماعية كيف تكون النصيحة بالكتمان ؟ يعني احنا كثير في القاعة معقول آخذهم وحدة وحدة ؟
أنا ما قصدتها هي بالذات أنا سألت سؤال ايش رأيكم بالأغاني ؟ وهذا الأسلوب نطرحة كل يوم مثل ايش رأيك في تكاليف الزواجات وكل وحدة تطرح رأيها أنا ما كلمتها بشكل شخصي والا كان اخذتها على جنب:( ....
أنا تكلمت كذا لما شفت البنات لما يخلصون من المحاضرة وأكل النعمة يروحون يغنون :44:عشان كذا فضلت يكون عبارة عن موضوع نقاش.
عموماااا شششششكرا لردودكم الحلوة والله يجزاكم خير :26::26:.

شوفي حبيبتي تدرين ليه تتضايقين لانك متوقعه انهم بكره كلهم بيلبسون عبايه الراس ويتركون الاغاني

فحسيتي بالاحباط

لا يا اختي الرساله والدعوه يبيلها صبر صبر صبر الرسول صلى الله عليه وسلم طول عمره وهو
يحاول ان يسلم عمه ومات وهو على الكفر ولم ييئس الرسول حتى في اخر لحظه

والبنات هاليومين يستثقلون الدعوه بهذي الطريقه وخاصه اللي تطول ممكن الوحده بتصير تكره تبدين في المناصحه وبتقول يوووووووووووه ضيعت علينا الوقت في المناصحه (( وترى كل البنات اللي على معاصي يعرفون انها خطأ ... بس النفس والشيطان احرص منك ومنهم ))

وكلام الاخت سليم ممكن تجيبين لهم شي هم اصلا عارفينه بس قاعده تعيدينه عليهم

واضح ان البنات انجذبو لك على سوالف معينه ادخلي لهم من هالمخل اعطيهم قصص البنات يموتون في القصص ويتاثرون فيها مره اكثر من الوعظ المباشر

عطيهم كروت صغيره فيها احاديث وايات منوعه مو شرط عن الحجاب والاغاني لانه لو فتح الله عليهم باي قصه او ايه راح تتغير حياتهم كلها

لا تطولين الحديث معاهم بالنصح ولا تياسين ولا تنتظري النتيجه ................


وبالنهايه ادعي لهم

واتمنى اني افدتك

فيه نقطه حابه اضيفها

اضحكي وسولفي معاهم ونكتي وهيصي لا تصيرين جديه مررره لان بعض الملتزمات عرفوا بالرزانه والثقل فالبنات ما يحبون يجلسون كثير بجديه

الله يوفقك ويعينك

السلام عليكم ورحمة الله وبركاته



ياهلا والله بكل من رد علي أو حتى زار الموضوع ..
هنا كلمة شكر حبيت أقدمها لكل من دخل شارك بكلمة أو دعوة أو حتى مشاهدة .... أشكر كل شخص غيور على الدين والنصيحة أشكركم جميعا على أسلوبكم الراقي في طرح الفائدة لي ولغيري ومن لايشكر الناس لايشكر الله ..

بالنسبة لردود الأخوات نور نور الدنيا جعل الله لك في قلبك نور وعينيك نور ومن كل ناحية لك نور آمين .
والأخت زمن وراح أشكرك فعلا على ردك الرقيق أسأل الله أن يهبك القبول في الأرض .
أنا أعرف إن البنات ما راح يتغيروا في ليلة وضحاها لكن الحمد لله لما كلمت وحدة عن مخالفة تسويها استجابت مع انها مو من النوع اللي بسرعة يقتنع لدرجة اني لما كلمتها قالت انه كفاية ان اللي تسويه لعنة من الله وبعد ما كلمتها تركت فعلها لكن نسيت بمرور الوقت وكثرة الملهيات .... أنا من النوع اللي أحب الضحك جدا :42: لكن البنات يتجنبون الضحك معي بسبب ملامحي الهادئة يحسبون اني اتضايق لكنهم يستغربون لما أضحك معهم ( حتى لو كان الموضوع مش ولابد ) أنا خايفة على البنات لايدركهم الوقت يصير لهم شيء وهم لاهين ما حبيت اذكر هذه النقطة لكني اعطيهم اوراق اطبعها وانسقها واخرجها بشكل حلو وتعجبهم وتجبرهم على القراءة حتى ... ومن ناحية الدعاء والله اني ادعي لهم والله يستجيب لي ولهم ولكم ادعوا لي ان الله ييسر توبتهم على يدي أسأل الله ان ينالكم الأجر والثواب آآمين .