ولدي قرصته حشرة والله اعلم

السلام عليكم . الحقوني ياحوائيات . ابغى احكيلكم الحكاية
يوم السبت كنا نايمين وولدي جنبي وفجاة قام يبكي بكى غريب ويرفع رجوله فكرت ان عنده تسلخات الحفاض وحطيتله كريم وما زال يبكي ويرفع رجوله ( عمره سنه ونص ) صحي الصبح مسخن اعطيتله عسل وليمون وتحاميل والحمد لله انخفضت حرارته هذا كان الاحد بس انها مو ذيك الحرارة ولاحظت ان رجوله حارة افتكرت ان مسنن او حاجة زي كذا .يوم الاثنين كان حرارته شوي مرتفعة واعتقادي كله انه مسنن وبعد كذا خرجنا والحمد لله كان يمشي طبيعي لما رجعنا في اللي لاحظت انه يمشي على اطراف اصابيعه مسكتها وفركتها له كان يصارخ ويبكي حاولت اوقفه اعمل له اغراءات فتحت طيور الجنه لبست العباية وتعرفوا هذي الاشياء بالنسبة للاطفال ماكان راضي يمشي يبكي من بعيد يبغى احد يشيله ما هو راضي يمشي وصار يحبي . بعد كذا حاولت اني امسكه بقوة عشان اشوفها كان يرافص لاحظتها انها متورمة وفيه جزء منها اخضر ومتورم اكثر من الاول . وديته مستشفى خاص ما رضيوا قالوا جيبيه بكره دحين طوارئ وديته مستشفى حكومي قالوا مو عندنا ودوه الولادة كان هذا الوقت الساعة 3 في الليل وهو يا قلبي عليه نام في السيارة روحت البيت على طول واليوم اللي هو ثلاثاء بس الحمد لله كان يمشي شويه احسن من اليوم اللي قبله وديته عند الدكتور تيسير في بخش قال يمكن السيولة اللي كانت عنده في الدم ( كان عنده نسبة سيوله في الدم وهو صغير حتى الطهارة ما طهرته الا وعمره 6 شهور ) قال يمكن نط عليها بقوة واللا حاجة سويتله تحاليل والحمد لله سليمه وعظمه الحمد لله سليم . بعد ماروحت البيت لقيت حشرة شبيهه بام اربعة واربعين بس على اصغر في نفس الغرفة اللي ننام فيها . شكيت انه ممكن تكون قرصته . واللي شككني اكثر انه كان يصيح ويبكي في الليل وسخن في الصبح . اخواتي هل تتوقعون تكون قرصته والله اني خايفة بكرة باذن الله برجعه للدكتور واخليه يعمل تحاليل عشان اتطمن
طلبي منكم ابغى اي حاجة تشيل السم اذا كان من جد تكفووووووون طلبتكم يا اخواتي والله بومممممت من الخوف عليه
منتطرة ردودكم واعذروني ع الاطالة