miss_world


هلا والله ويعطيك العافيه على مرورك

شوفي عيوني انا موقصدي الانحياز بالعكس بس انا اول مرره ابعد فيها عن اهلي ومااعرف احد هنااك

وتعررفين النجدين مره متشابكين يعني متزوجين من بعض كثير قلت يمكن الاقي احد اعرفه ولا اعرف احد يعرفه
<<<<<<<<<<<<<<<<< والله شايله هم بس ربك يسهلها

بالنسبه للأيجار انا وزوجي فكرنا انا نبيع بيتا هينا ونشتري افضل بس ماادري احس اني ماتعودت اسكن في شقها احتمال نشتري فله بس ماادري كم اسعارهم عندكم؟ ياليت اذا تعرفين شئ عنها تقولين لي ؟



والروضه حي جديد ؟ انا ارتاح للجديد احسه منظم اكثر


وفيه شئ ثاني معليش بزعجك

المدارس الخاصه هناك وش هي افضل المدارس وكم اقساطهم تقريبا



ويعطيك العافيه تعبتك معاي
يااااارب اجيب نسبه زينه واحل زين في اختباراتي
السلام عليكم
حبيبتي جده كبيييره والاختيار كثيييره والحمدلله الناس لطيفين وبسرعه ان شاء الله تكوني صداقات مع الجيران

اما عن الفلل هي تبدا من مليون لكن فيلا عاديه وفي منطقه مش مراقيه اما الاماكن الراقيه اكثر من المليون ممكن توصل 3مليون
وايجار الفلل من 100الف في الاماكن الراقيه مثل الحوامات والخالديه

اما منطقه الروضه الي ذكرتها الاخت مس ورد فهي منطقه راقيه لكنها منطقه عماير مش فلل
طبعا جده تعتبر ايجارتها اكثر من الرياض وذلك للكثافه السكانيه فيها

في منطقه الحمرا شقق للبيع ممكن تلقي الاعلانات في الجرايد

اما عن المدراس فهي كثييييير وبعد ما تلقي سكن مناسب شوفي اش اقرب مدرسه تكون ممتازه لانها متوفره بسهوله
والافضل تبحثي عن سكن قريب من مقر عمل زوجك لانه الشوراع هنا زحممممممه بالذات وقت الخروج من الدوام
اذا تبغى تشترى فلا في حي راقي عندك الخالديه صراحه مرررررررررررررره روعه وتصميمها حلو
بعدين روح مكتب عقار احسن عشان يكون في خيارات كثيره



وتشاااااااااااااااااااااو
مرحبا
انا مو من جدة بس اعتقد حي الصفا ايجارات الشقق ارخص لانه بعيد شوي والله يوفقك
خلاص ولا تزعلي انا بصير اهلك وصاحباتك في جده

شوفي الفلل الحلوه زي ما قالت الاخت مو اقل من مليون ...
والايجار كمان الفلل ب 100 الف وطالع ممكن تلاقين ارخص بس انا اتكلم عن شي حلو وفي مكان راقي مثل
الخالديه .. الكورنيش .. الزهراء .. الشاطئ .. هذي كلها جنب بعض وكلهم جمب البحر ...
او كمان الحمرا ممكن تلقين شي حلو ..
وكمان لازم تشوفين وش اقرب مكان من هذولي لدوام زوجك ..

وبالنسبه للمدارس .. ما ادري انتي تبغين اولاد او بنات ..

اذا اولاد في دار المعرفه ..حلوه اخوي فيها وقسطها حدود 20 الف او زياده شويه ..
او مدارس الاندس وهذي في الخالديه وحلوه
او دار الفكر بس ما انصحك فيها مررره بعيده جمب الجامعه واولادها مدلعين مرره ..
وفي كمان بس انتي حدديلي
ولو بنات ...
في بيتي الصغير وهي نفسها دار المعرفه حقت الاولاد بس الاسم يختلف ونفس الاقساط ...في التحليه
وكمان عالم الصغار حلوه .. وهي في حي الروضه
وفي كمان جده الخاصه اولاد وبنات .. بس يقولون المديره تعاملها قاسي شوي ..

وانا في الخدمه للي تبغيه


الساعة الآن 10:29 .