فديتك @fdytk
محررة
كبـه الارز الذهبيــه .. مضمونـه ميه بالميـه ..
السلام عليكم ورحمــه الله وبركاته ...
أولاا اعتــذر عن غياابي الفترة الي فاتت وقله مشاركاتي ..
ثانيــا والي هو المهم والأهـــم ..
جايبــه لكم طريقـه عمل كبـه الارز جنـــااااان ... مضبوطـه ولا راح تفشلك ابد ان شاء الله ..
سجلي عنــد هالمقــادير :
2 كوب رز مصري
حبتين بطاطاا وسط ..
بصله مقطعه جواانح ..
ملح - كمــون - بهارات على حسب الرغبــه وملح ...
لو تحبين لووو الكبه مايله للاحمرار حطي صلصه طماط تقريباا ملعقه او ملعقتين ... واذا تحبينهااا ذهبيـــه حطي رشـه خفيفه كركم مع الرز أثنـــاء الطبخ ... أوكي
طبعااا الحشوه المعتاده للكبه هي اللحم المفروووم المحمر مع البصل والزبيب على حسب الرغبـــه ...
الطريقـــــه :
اول شي تجهزين الحشوووة ..
بعدين
تغسلين الرز وتنقعينه بمااااء وملعقه خل لمده نص ساعه ...
عقب تغلين 3 كاسات ماءءءء في القدر وتضيفين له الرز والملح والبهارات وتخففين على النار الين يسوي الرز ويشرب مااااءه .. لاتخلين الرز يكوووووون لين وايد .. اطبخيه كنك تسوين الرز الابيض العادي
اذا استوى الرز تحطينه في صحن كبير عشان يبرد ...
في هذه الاثنااااء اسلقي حبتي البطااطاااا مع القشوور ... وبس تستوي صبي عليهم ماي بارد وشيلي القشره عنهم ....
الحين جهزي مفرمه اللحم .. وافرمي الرز مع جوانح البصل والبطاط واختاري الدرجه الوسط من الفرم .. مو الفرم الناعم جدااا ... أوكي
الحين اذا حابه تضيفين صلصه الطماط ضيفيها وانا انصحكم فيهااا تعطي للكبه لون وردي عجيب عقب القلي ... واذا مو حابه ضيفي رشه خفيفه من الكركم واعجني المقدار بيديك واتركيهااا شوي لي تحسيها انهاااا بردت وجمدت شوي ....
جذي تكونين خلصتي 3 ارباع الشغل ...
الحين هاتي طاسه صغيره وحطي فيهااا زيت ... وادهني ايديك بالزيت واخذي مقدار كره صغيره من عجينه الرز وافرديها على راحه كفك واحشيهاااا ( لازم الحشوة والعجينه يكونين بارديين ) ... ولفيهااا مثل ماتبين ... على شكل كور او اسطوانه ..
كل ماحسيتي ان العجينه لصقت بايدك غمسي اصابعك بالزيت ولفي الكبه بشويش
عقب غمسي كل حبه تسوينهااا بالبيض وغطسيهاااا بالبقسماااط .... الين تخلصين المقدااار ....
وبس تخلصين الكميه دخلي الصينيه في الفريزر لمده ساعه عشان تجمد و ماتتكسر اثناء القلي او حفظهاااا باكياس الناليوون ... هذه الخطوة جدا ضروريه للمحافظه على سماكه الكبه ومنعها من التفتت اثناء القلي ...
يالله جربووها وادعووووووووووووولي ... :cook::cook:
49
7K
يلزم عليك تسجيل الدخول أولًا لكتابة تعليق.
الصفحة الأخيرة
لما تقلين الكبه اقليها في اناء عميق ولا تكثرين حطي حبتين او ثلاث بكل مرة ... بالبدايه خلي الزيت يكون حامي وعقب خففي على الناررر الين تتحمر جوانب الكبه وعقب اقلبيها على الجانب الاخر ...
:26: