السلام عليكم

حبيباتي الي فتحو سجلات تجارية ياريت يفيدوني بالاجراآت الضرورية لفتح سجل تجاري

انا عندي شهادة بكالوريوس مهني

وغير موظفة

وابي افتح مشروع تجاري او مشغل بس ابي سجل تجاري

ياريت الي عندها خبرة في هالموضوع تقولي كم الوقت والمبلغ المطلوب

والف شكر
22-04-1431 هـ, 09:48 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
راح أجاوبك باللي أعرفه هم مايهتمون لشهادتك أهم شيء كم راس مالك
23-04-1431 هـ, 03:59 صباحاً
 
ياقلبي انا قبل أمس طلعت سجل تجاري
لا سألوني عن الشهادات ولا عن رأس المال
المطلوب منك ياعسل تروحين لـ وزارة التجاره والصناعه
وتقولين لهم أبي اطلع سجل تجاري
راح تطلب اثباتك وتعطيك خطاب للأحوال المدنيه عشان يعطونك برنت لإثبات حالتك
الشغلتين هاذي ما تكلفك ساعه خذي الخطاب وروحي للأحوال واعطيهم الخطاب ويطلع لك البرينت في 5 دقايق
المطلوب الحين ترجعين لـ وزارة التجاره والصناعه تعطينهم اثباتك + البرينت وبيقولون لك اختاري اسم تجاري
في حالة كان الإسم التجاري بغير اسمك الرباعي بس نصيحه خذي اكثر من 6 أسماء تجاريه >> عشان ما تتوهقين زيي
إذا كان الإسم التجاري متوفر بتخليك تعطين ولي امرك ويروح لقسم الرجال بالنسبه لي اعطوها الحارس يوديها لقسم الرجال لأني جايه بليموزين
ومطلوب منك 200 على كل سنه طبعاً لك حرية الإختيار من سنه إلى 5 سنوات
راح تنتظرين ما يقارب ساعه او اقل على حسب الزحمه وأول ماتجيك الأوراق راح يوجهونك للغرفه التجاريه بنفس الموقع تدفعين لهم الرسوم راح تعطيك شهادة الإشتراك وسند القبض وترجعين لوزارة التجاره بالصوره وبيعطونك السجل التجاري
لا تخافين ترى الوضع سهل مررررره كله على بعضه بيآخذ منك 4 ساعات بالكثير
23-04-1431 هـ, 06:11 صباحاً
 
اختي اميرة باحساسي

ماطلبوا منك عقد ايجار او شي؟

انا اللي اعرفه انك لازم يكون عندك عقد ايجار للمكان اللي تبين تسوين فيه تجاره، هل هذا الكلام صحيح ولا كيف؟

افيديني الله يبارك فيك
23-04-1431 هـ, 08:56 صباحاً
 
والله حبيبتي وحده من زميلاتي امها طلعت سجل بدون ما يطلبون منها ولا شئ غير بطاقة احوالها...

شكرا..
23-04-1431 هـ, 12:10 مساءً
 


الساعة الآن 03:23 .