السلام عليكم ورحمة الله وبركاته

أخباركم ياحوائيات ان شاء اللله بخير
بدخل في الموضوع على طول انا عازمه خوات زوجي عندي على العشاء وهاذي اول مره اسوي عزيمه بحياتي ومتوهقه حيل والمشكله انهم دقيقات يركزون على كل شي حتى اشياء ماتخطر في بالك وما أبغى أتفشل قدامهم قلت مالي الا بنات وحريم عالم حواء السنعات اكيد ماراح يقصرون وبيبيضون وجهي
فلو سمحتو ابي وصفات حلى للقهوه تكون سهله و لذيذه وكشخه وياليت ماتكلف علشان الميزانيه مو ذاك الزود وبالصور يا حلوات كمان مقبلات واطباق رئيسيه وحلى بعد العشاء وابي عجينة فطاير حلوه ومجربه وكلها بالصور بس ياليت تكون سهله ماتخذ وقت ولا تتاخرون علي لاني وحدي ومافي احد يساعدني و ولدي الغير مجنني ياالله اقدر اسوي معاه شي
وترى هاذي اول مره اطلب منكم طلب
وتصبحون على خير ياحلى منتدى
للررررررررررفع
يااااااااارب احفظني وكللل غآآآآآلي ع قلبي
وافتح لي أبواب رزقــــــكــــ











بالعافيــــــه ع‘ـلى قـلوبــــــــــــــڪم


منقول





المقادير..~ }

كيك شوكولا (امريكانا أو اي نوع )
12 حبة بسكوت بالسمسم ( اولكر )
( كيس أوريو واحد) أبو 6 حبات منزوع الكريمه ( يعني بيطلع معنا 12 شرحه)
حليب للتغميس


الصوص..~}

( 2 ) تويكس
( ا ) كريم كرامل
( ا ) قشطه
( 2 ) حبه بسكوت اوريو
( منزوع الكريمه يعني 4 شرائح )


للزينه :


شوكولاته مره


الطريقه..~ }


نقطع الكيك قطع عشوائيه ونرصها أسفل كل وعاء
نضغطها بالاصبع ( ضغط خفيف)

نغمس بسكوت السمسم بالحليب ونضعه فوق الكيك ( بسكويت السمسم بسرعه يتفتت بس غمسه وحده ونزليه بسرعه )

ايضاً نغمس بسكوت الأوريو ونرصه فوق بسكوت السمسم

نخلط مقاديرصوص الشوكولاته بالخلاط الى تتجانس.

وأحرصي أن المكونات تكون على درجة حرارة الغرفه عشان لا تتعبين بالخلط ..


نصب الخليط فوق كل اناء حتى نغمره

ببشر شوكولاته مره أو اي نوع شوكولاته ، بس يستحسن تكون مره عشان تعدل النكهه ، وتعطي شكل أحلى


وبالعافيه على قلوبكم



llمنقول



المقادير :
بصل وثوم وفلفل اخضر حار مفرومين
اعشاب مكونه من :بقدونس-نعناع اخضر-شبت
2صدر دجاج مسلوق ومفتت
2طماطم مفرومه-صلصه
ملعقه صغيره دبس الرمان
ملعقه صغيره جبنه بارميزان
علبه صغيره قشطة الخفق
3ملاعق كبيره صلصة البيتزا
جبنه موزاريلا
ملح+بهارات ايطاليه (اوريغانو)+بهارات عاديه
+نصف مكعب ماجي
مكرونه حجم كبير للحشو

الطريقه :

نسلق المكرونه بماء وملح
نبدا نحمس البصل مع الثوم ثم نضع عليهم الفلفل والبهارات ثم الدجاج
ويقلب الجميع ثم يضاف عليهم الطماطم وصلصه الطماطم ودبس الرمان
ونصف حبه ماجي وقليل من الملح وتقلب حتي تتسبك وبعدين نضع جبنة
البارميزان والاعشاب .. وهاذي صورتها بعد ما انتهت



بعد ماتستوي المكرونه نضعها بالمصفاه ونغسلها بالماء البارد
عشان ما تلتصق ببعضها ونحشي حبات المكرونه




نخلط القشطه مع صلصة البيتزا ونضعها على الوجه ونرشها بالموزاريلا




وندخلها الفرن لمدة 20 دقيقه ونحمرها من فوق وهاذي الصوره النهائيه



وبالعافية على قلوبكم
منقوول



الساعة الآن 09:44 .