السلام عليكم

بنات بليييييييز اللي تعرف طريقة صالونة الدياي الثقيلة تقولي .. بصراحة ريلي خاطره اطبخله صالونة دياي ثقيلة بس انا ماعرف ياليت تسرعون علي في الرد ومشكورين


مع حبي
هلا اختي ..

انا اذا ابي الصالونة تكون ثقيلة ازيدها طماط صلصة يعني احط علبتين..
او اخليها تطبخ وايد علشان تثقل ..

يمكن وحدة عندها طريقة ثانية فياريت تقول لنا..

احلى تحية
تسلمين الغالية بسير بيرب طريقتج

ينقل لاطباق عالم حواء

ماجي
Miss_lol هلا فيج حبيبتي وهاذي الطريقه الاكيده لصالونه الدجاج = مرقه الجاج بالكويتي و
المقادير كالتالي :
دجاجه مقطعه اربع قطع +1بصله كبيرة مفرومه +حبه طماط مفرومه +1 معجون طماط +3
حبات ثوم مدقوقه ++10 أكواب ماء مغلي + 1 مكعب ماجي + البهارات اللي عندج اي بها ر
تفضلينه +2 حبه لومي اسود +نص استكانه زيت +2 حبة بطاط مقطعة قطع كبيرة +رشه فلفل اسود
الطريقه : نحمس البصل والثوم بالزيت وضع فوق الدجاجه ونقلبها شوي ونضع البهارات كلها مع
مكعب ماجي والطماط والبطاط والماء المغلي ونتركه يطبخ لمدة نصف ساعه وبعدين
اخر شي نضع معجون الطماط و نتركه لمدة ربع ساعه على نا ر هادئة
ملاحظه : تاكدي من لا تضعي ملح الا بعد التذوق لان المرقه فيها ماجي واهم شي تدعيلي لانها آخر شي بتطلع ثقيله وخااااااااثرة وبالعافيه حبيبتي





الساعة الآن 04:44 .