Analysis Services
المشروع الثالث تجربة وحدة من البنات تقول صاحبة المشروع


انا بقولك انا وحده اعشق التجاره والتحدي وطموحه وعندي افكار بس دايم العائق هو راس المال ..

بقولك اول تجربه لي كانت بـ 100 وشوي يمكن زياده 20 او اقل لأن فيه شي حق المشوار ..

لقيت اعلان في منتدى عن وحده تبيع خمريات ولوشن معطر للجسم واسعارها مسويه عليها عرض اغلى شي الللوشن عندها كان بـ 12 ريال .. <الاسعار طبعاَ تغيرت الحين طبعاَ هي كانت حاطه عرض ..

واشتري خمريات الوحده بـ5 ريال وشريت كميه و4 لوشن <طبعاَ شريتهم على انه استخدام شخصي ..

وكل مااروح مكان يسألوني عن العطر الي حاطته ريحة اللوشن فواح ريحه خياليه لا اله الا الله وربي يجلس ريحته في يدي كأنه عطر مركز وعن جد ينفع حتى للعرايس والمتزوجات ريحته wooow

كل مارحت عند احد يسألوني وش عطرك وش عطرك وانا والله من شريته ماسرت احط عطر احط اللوشن وخلاص لأن ريحته ثابته وحلوووووه تغنيك عن العطور .. ونفس الشي الخمريات روعه مع ان علبها عاديه بس خياليه وريحتها تبقى في الشعر ومن قوة تركيزها ماشاء الله اشم ريحة الخمريه في المخده ..

طبعاَ انا اخذت كميه وقلت بنفسي وش ابي فيها هاذي كلها .. وجت اختي وقالت بشتري منك وحده قلت لا خذيها مايغلى عليك <كريمه هع .. حلفت تاخذها بفلوس قلت احلى شي ماقصرتي ههههههه وشوي قلت لبنت الجيرانوشمت الريحه وداخت وتشتري مني وجاء اخوي وانهبل على اللوشن وشرى واحد وشوي شوي طارت الكميه الي عندي وبقيت لي لوشن و2 خمريات خليتها لي والباقي بعتها بضعف السعر يعني المكسب الحاله 150 او اكثر شوي مو متذكره بـ الضبط ..


الشي الثاني...

من وانا صغيره وانا العب بالكريمات وبالزيوت هبلت في امي مسكينه ياما لعبت بأغراضها وجننتها خخخخ <

وعلى قولة امي زين ها الهبال الي سويتيه فيني طلع ابداع ..

اسوي واخلط زيوت تنعم الشعر وتشيل البهت الي بالشعر وتخليه له لمعه وحيويه وتشيل التقصف هذا الزيت بدور له مندوبات لأنه يستاهل التجربه ماشاء الله والنتيجه تخيلو .. من اول استعمال ماشاء الله .. <يعني يبين مفعوله الحمدلله .. انا عن نفسي لاحظت انه نعم شعري وسار فيه لمعه وخف التساقط يارب لك الحمد وراح اسوقه عشان الكل يستفيد منه ..<< بس مشكلتي مااستمر هع ..

ويوم بديت فيه كنت اسويه في علبة موية صحه القصيم الصغيره لي طبعاَ وبعدها عطيت خويتي كان عندهم مناسبه زواج اخوها شوي خواتها المتزوجات طلبو مني شوي صديقاتهم وجاراتهم وماشاء الله تبارك الله اشتهرت وسرت اسوي زيوت وابيعها ع المشاغل لأن اهلي مايرضون اشتغل بـ كذا يبوني اهتم في دراستي فـ سار يقول اي وحده تبي تشتري تروح للمشغل.. شوي سار الطلب كثييير يطلبون مني في الشهر ... مابعلمكم كم فسارو ياخذون بـ الدين الطلبات ع الزيت كثيره وانا تعرفون مو فاتحه بنك محتاجه زيووت اشتريها واغراض وعلاجات خاصه فيها فـ سارو يتلاعبون فيني ويعطوني ثلث المبلغ .. قلت حلال عليكم وخليت الزيوت لهم وحرمت اعطيهم شي .. وسرت اعطي وحده هي الي ملتزمه معاي وطيبه بـ الحيل ومرضت مسكينه وباعت مشغلها ويوم جيت عند الي شرته شفتها شايفه نفسها ولبسها مو محتشم الله لا يبلانا وتركتها ولا عاد جيتها مارتحت لها يعني ..

والحين ودي اوسع مشروعي وآخذ مندوبات افيد واستفيد ويستفيدون المندوبات بعد والكل يسير له فايده ..

اذكرو الله يابنات
وخلص مشروع البنت وتقربوا المشروع الرابع

27-04-1431 هـ, 12:42 صباحاً
 
كملي مشاريع روووووووووووعه
27-04-1431 هـ, 01:23 صباحاً
 
موضوع يجنن روعه قليله عليه

عساه بميزان حسناتك لان نيتك طيبه

موفقين يارب
27-04-1431 هـ, 01:38 صباحاً
 
يعطيكم العافية ما قصرتوا اخواتي شجعتوني على اني ازيد بالمشاريع وياليت يتثبت الموضوع
27-04-1431 هـ, 08:01 مساءً
 
المشروع الرابع روعة وسهل وما يحتاج راس مال00
هذا كلام صاحبة المشروع تقول فيه
السلام عليكم ورحمة الله وبركاته

في أحد المنتديات وحده سألت عن مشروع
وماأدري كيف جات الفكرة ببالي
افتكرت صورة عن معلمات وجدول القهوة بينهم
وأنا كاتبه الموضوع ماأبغى غير الأجر لو استفدتوا منه والله يوفقكم

الموضوع اشتراك شهري من مجموعة معلمات من خمس مدارس (ممكن تسوقوا بتوزيع كروت على المدارس)
لو عندك سواق أو لو كنت شاب المهم تكون في سيارة متوفرة عشان يكون المكسب 2000 ريال (ماتضيع بدفع التوصيل)
المجموعة من المدرسة الوحده تدفع اشتراك شهري مقداره 400 ريال مقابل دلتين قهوة توصلهم يعني الدلة الوحده ب 10 ريال في اليوم
السواق اللي بيروح يودي القهوة يودي الدلتين وياخذ منهم الدلتين اللي أمس جابهم يعني يكفي مشوار واحد في اليوم بالصباح
لو خمس مدارس اتفقوا
400 *5 = 2000ريال
طبعا هذا مبدأيا
بعد كذا يبدأ عروض حلا وانت وسعرك

ماأدري عن مدى نجاح المشروع لكن قلت يمكن أحد يستفيد ويزيد أفكار من عنده لتحسين أي قصور بالفكرة

والله يوفقنا جميعا
يعني نحتاج كم ترمس للقهوة واذا طلبوا المدرسات حلى تزيدين المبلغ شوفي المدارس اللي حولك تطلعينها قبل ما يطلع اخوك او ابوك او زوجك للدوام يطلعها معه او تتعاقدين مع شخص يوديها وله اجرة
بنفس الموضوع رد شخص وكتب تجربته مع المدرسات طبعا هذي تحتاج رجل ممكن يكون احد عندك ما عنده وظيفة تخدمه هالفكرة
الشغل ماهو عيب وخاصة عندما يكون حلال ولكن العيب هو أن اطلب مصروفي من الغير

وانا لي تجربة مع المدرسات يازين فلوسهم كنت أحضر لهم الفطور يومياً من اي مطعم يريدون مقابل 30 ريال للمشوار

600 ريال في الشهر للفطور ومايكلفني نصف ساعة

من يبحث عن الرزق يجده ولكن الكسل وش الحل فية
هذا كلام الشاب بصراحة الفكرة بالمرة حلوة وانتي وشطارتك وتقربوا المشروع الخامس بنات ادعوا لي تراني اتعب وانا ابحث لكم
27-04-1431 هـ, 08:29 مساءً
 


الساعة الآن 04:58 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏