السلام عليكم اخواتي ورفقاء دربي في البحث عن الحمل

اليوم ان شاء الله ابكتب لكم كل اللي سويته من اربع شهور او خمس وبعده حملت
صح اني صقطتبالاشهر الاولى بس الحمدلله لانه صار حمل وكان لي حوالي الثلاث سنين ما حملت من اخر تصقيط

المهم ماني مطوله الكلام لان البرنامج شوي طويل بس للي تبي الحمل بيكون سهل باذن واحد احد . على فكره هي اشياء كثير سويتها وابكتبها كلها كلها حتى اتفه شي لعل وعسى تستفيدون واهم شي خواتي تدعون لي بالذريه الصالحه وان الله يسخر لي زوجي ولا يفكر يتزوج علي
احب اقولكم والله العلي العظيم ان كل اللي ابكتبه صحيح ومن تجربه شخصيه

بسم الله نبتدي

اخواتي اول شي فعلا سويته قعدت مع روحي وفكرت بكل شي قاعده اسويه وتفقدت ذنوبي وكان اي ذنب اتذكره واعرف اني اسويه بكل عزيمه وبكل قوه اقلع عنه على الفور لان وشلون ابي ربي يرزقني وانا اعصيه وشلون انا او غيري او فلانه اللي تغضب ربها وتسوي النمص وتبي الحمل والا اللي تسمع الاغاني وترفع يدها تبي الحمل ولا اللي تلبس العباءه الضيقه وتقول يا رب ابي احمل ولا اللي تغتاب ولا اللي تضيع الصلاه عن وقتها ولا اللي كل وقتها على الدش ولا اللي تكشف وجهها عند الاجانب ولا اللي عاقه والديها وقاطعه رحمها ولا اللي ظالمه غيرها ولا ولا ولا ولا ولا كثيييييييييييييييييييييير ذنوبنا والله لو اعدها ما تخلص وانا اولكم الله يغفر لي
اهم شي الحين الاقلاع وترك الذنب وكل وحده اخبر بنفسها ولسنا ملائكه ولا مطهرين من المعاصي اسال الله ان يغفر لنا جميعا

ثاني شي اخواتي الحبيبات الاستغفار ثم الاستغفار ثم الاستغفار والله انه لشي عجيب في كل وقت عودي لسانك على الاستغفار وسوف تتحمدين العاقبه

الدعاء من قلب متضرع منكسر بكل وقت وخصوصا في السجود واوقات الاجابه

الرضى واليقين بان كل شي مقدر من عند الله وان اراده الله فوق كل شي وهناك دعاء رائع جدا اذا قيل من القلب واستجابه الله والله انه سيكون كالبلسم الشافي وهذا الدعاء قد علمتنا اياه معلمه الدين في المرحله المتوسطه فحفظته من يومها جزاها الله خير وهو

< اللهم اني اسألك ايمانا يباشر قلبي ويقينا صادقا حتى اعلم انه لا يصيبني الا ما كتبت لي >

ولان اخواتي ساقول لكم بعض الاشياء اللتي كنت اكلها او افعلها وان شاء الله اني لا انسى شي ابدا

كنت اسف او اكل حبات من حبه البركه مع كاس ماء زمزم على الريق وبعدها ملعقه عسل اصلي مع ماء زمزم وبعدها اكل سبع تمرات

وطبعا نظمت دورتي بحيث تجيني كل شهر وكنت اشرب اعشاب وق الدوره ذكرتها لي حرمه من معارف جيرانا وسوف اذكر مقاديرها وهي فعلا رائعه انا حبيتها وارتحت عليها وشربتها ثلاث دورات وما شفت الرابعه وهي

م ك ميرميه .. م ص شاي اخضر .. م ص زنجبيل .. م ص قرفه او دارسين .. م ص كمون .. م ك نعناع ... م ك حبق
نضعها في ابريق ونضع عليها ثلاث كاسات مويه ونتركها تغلي ونحليها بعسل او ممن من دون حسب الرغبه وتشرب ايام الدوره كل يوم ابريق والمده 15 يوم ومع كل دوره نفس الشي

ايه ذكرت كنت اكل سمسم لمده اربع شهور لانه جدا جدا رائع للمبايض منشط وعلى فكره كنت اذا ابي احمل اخذ كلوميد بس اخر حمل هذا ما اخذت بس كنت مستمره على اكل السمسم وكنت اشتريه جاهز

وايام التبويض هذا مهم جدا جبت من الصيدليه لصقه abc كذا اسمها بالفلفل حطيتها اسفل ظهري ايام التبويض

وبعد ايام التبويض استخدمت دهن العود لان وحده ذكرته وقالت جدا رائع وانها ما حملت الا بعد ما استخدمته وهذا اللي سويته ايام التبويض اخذت عود اذان وحطيت شوي دهن عود وحطيته في المهبل عدم المؤاخذه وللامانه هذا الشي سويته مره وحده بس وهي كانت اخر دوره قبل الحمل

ويش بعد ويش بعد ايه هذا بعد مهم وقت الجماع مهم جدا الزوج يغسل بمويه بارده قبل الجماع على طول والاستمرار على كذا
ووضعيه الجماع انا لاول مره بحياتي بالاشهر اللي فاتت اسوي وضعيه السجود وعذرا على صراحتي بس حابه ان الجميع يستفيد وبعد اذا خلص الزوج لازم يرفع رجولك وهو واقف ويهزها كم هزه لا عنيفه ولا خفيفه ولازم يكون بعد تحتك مخده هذا بالوضعيه العاديه مو السجود وكذلك هز الرجول بالوضع العادي وليس السجود انا اقولكم اللي صار معي ووالله لا اعلم اي وضعيه كانت باراده الله هي الانسب ولاكن لا يمنع ان نجرب كل شي طالما حلال

زين ايه وحده ذكرت لي حبوب الريحان الاخضر الطريه وطريقتها تحاميل مهبليه توضع في شاش وهي خظراء وتوضع قبل ايامالتبويض بسبعه ايام كل يوم وحده من اول النهار الين قبل الجماع تنشال وهذي طريقه لتنشيط المبايض وانا حاسه انها جدا جدا رائعه وابسويها باستمرار لانه وللامانه انا سويتها بس مره وحده وعملت ثلاث ايام وعقبها حسيت ان مبايضي بتتفجر زي لما اكون ماخذه ابر منشطه والله ما اكذب اكتفيت بس بالثلاث ولا كملت بس ان شاء الله ابسويها هالمره سبع ايام

كنت بذيك الفتره اللي هي الاربع شهور باستمرار اشرب يعد كل وجبه شاي اخضر مع زنجبيل ونعناع وقشررمان كنت اشربهم عشان يخف بطني وانحف وفعلا والله نزلت كم كيلو وهذا الشي بعد مهم جدا وهو تنزيل الوزن

ايه ذكرت تراني قاعده اتذكر كل شي سويته عشان اكتبه لكم
خليت شغاله جيران اهلي تسوي لي مساج بكل جسمي ثالث يوم الدوره الي اخر يوم بزيت زيتون مع زنجبيل مطحون يا ليت يكون مقري فيه لانه ازين وكان هالشي كل الثلاث او الاربع شهور وكانت تركز على البطن وتحاول تدهني على فوق عشان ترفع الرحم الله يذكرها بالخير يا ليتها موجوده اذا طهرت

والله اني قاعده اتذكر اخاف انسى شي ايه المشي جدا زين كنت امشي واجد
والحين يا بنات هذا كل شي مهم كنت اسويه وطبعا ومن دون شك ان اراده الله فوق كل شي وبقدرته كتب الله لي الحمل وبارادته صقط الحمل مع اني اخذت مثبت بس لله ما اعطى ولله ما اخذ واتمنى من الله انه يعوضني ويرزقني واياكم الذريه الصالحه
وهذا كل شي عندي واوعدكم اذا تذكرت اي شي اي شي كنت اسويه على طول ابجي واسجله هنا عشان خاطركم وانا صدقوني والله انني متفائله جدا جدا بهذا النظام من اوله الى اخره وان اللتي ستطبقه ستبشر بالخير والحمل باذن الله بشرط تطبيقه كاملا من اوله الى اخره وخصوصا القرب من الله والدعاء ولاستغفار واليقين
لانه سبحان الله ربي اراد ان افعل كل تلك الامور مره واحده مع بعض في اربع اشهر لست ادري مااللذي كان باذن الله سببا او اكثرها سببا بعد الله بحملي



واخيرا سامحوني على الاطاله والله انني كتبت هذا الموضوع من قلبي وليس من مكان اخر وكلي امل ان اسمع اخبار مفرحه لي ولكم واي اي سوال او استفسار انا تحت امركم ورهن اشارتكم بس اهم شي تدعون لي بالذريه الصالحه والله يسخر لي زوجي ولا يفكر يتزوج على
وفق الله الجميع لكل خير واذا ذكرت شي ابرجع اقوله


احبكم احبكم يامن ساعتموني بعد الله بتحمل صدماتي وباحياء الامل بي وبحثي للبحث عن الحمل

يا غافلاً عن العمل وغره طول الامل الموت يأتي بغتهً والقبر صندوق العمل
.............................. ..
ولدتك امك يا ابن آدم باكياً
والناس من حولك يضحكون سرورا
فاعمل ان تكون اذا بكوا
في يوم موتك ضاحكاً مسرورا
.........................
اللهم هون علينا سكرات الموت وكرباته
ونور لنا في قبورنا وثبتنا عندالسؤال
واختم لنا بالجنه يا ارحم الرحمين ..آمين
.............................. ....
اللهم يا ارحم الراحمين يا واحد يا احد يا من تسمع دعائي وترى مكاني ياواسع المغفره ياحي يا قيوم يارب يارب يارب
اغفر لوالدي وارحمه واسكنه الفردوس الاعلى واجعل قبره روضه من رياض الجنان واجمعني به في جنتك يا رحمان
آآآآآآآآآآآآآآآآآآمين


يعطيك العافية وجزاك الله خير وان شاء الله تحملين وتجبين كتاكيت وتفرحين فيهم
الله يرزقك ياحبيبتى مشاء الله عليك وش هالنشاااااااط الله يعوض عليك حبيبتى


ابى اسئلك:

دهن العود ليش؟؟

وبعد الريحان الحبوب هذى من وين نجيبها؟؟

والسمسم كم مره تاخذينها باليوم ولمده كم ؟؟

اللهم اني اسألك ايمانا يباشر قلبي ويقينا صادقا حتى اعلم انه لا يصيبني الا ما كتبت لي >
لا أسـآمح ولا ابيح لكل من يدخل ملفي الشخصي بغرض التطفل وغيره


لا أسسسسسسسامح ..
جزاك الله خير ورزقكي الذريه الصالحه
اختي عذبوني
الله يعافيك ويسلمك ويجزاك خير على دعوتك يا رب

اختي نجمه العمر
هلا بك عزيزتي والله يسمع منك ويعوض علي وصدقيني هالنشاط كله رغبه بالحمل واستمد نشاطي بعد الله بهالمنتدى اللي يساعدني كثييييير هو وعضواته الطيبات امثالك الله يرزقني واياك وجميع الاخوات الذريه الصالحه انه قادر
واسعدتني اسئلتك حيييل

شوفي عمري دهن العود انا سمعت حرمه تحكي لي قصه وحده ما تحمل جربت دهن العود باذن الله حملت وتقول انه مقوي ومنشط للمبايض وهنا بمنتدانا الغالي قريت موضوع والله ما ادري لمين تكلمو عن دهن العود وانه منشط وهذا اللي اعرفه

اما الريحان تلقينه مزروع باماكن كثيره والبذور تكون في الاعلى استخدمي البذور فقط وتكون رطبه مو يابسه ممكن تلقينه عند المشاتل وكثيييير ناس يزرعونه باحواشهم وعند منازلهم وله رائحه عطريه قويه انا بالشارع اللي ساكنه فيه عماره مزروع عند بابها بصراحه كلم زوجي صاحبها استاذن منه وقال تفضلو الله يجزاه خير

اما السمسم يا الغاليه كنت اجيبه جاهز اما من السبرماركت ولا محلات البن مثل محامص الرفاعي وهو يجي مستطيلات صغيره مغلف ببلاستك شفاف وطبعا طعمه حالي اكييييد تعرفينه كنا ناكله وحنا صغار وكنت اكل بكل وقت بصراحه هو طعم وكل شوي ماخذه حبه مافيه كميه محدده ولا وقت محدد
وممكن انك تشترين سمسم وتحمصينه انتي بالبيت وتاكلينه بلحاله او مع عسل او سكر بس للامانه عزيزتي ما جربت بس هالمره ابجرب اسويه بالبيت واكله ولا اول على الجاهز

وجزاك الله خير كتبت الداعاء ان شاء الله دوووم سباقه للخير واسال الله ان يرزقني واياك الذريه الصالحه
واذا عندك اي استفسار او اي شي مو واضح من عيوني


الساعة الآن 10:46 .