انا مدري انتي منين لان القهوة تختلف يعني اهل الجنوب غير واهل نجد غير ابقولتس قهوتنا القصيمية جيبي احسن انواع القهوة ام حبل ولا هرري واهم شي الحمس مايصير فاتح ولا غامق بني وسط وحطي ماء قد ترمس واحد واذا غلى فنجال قهوة مليان وخلية ربع ساعة وحطي بالترمس ملعقة هيل وشوي زعفران والباقي تعلمين مع الوقت وانتي سووي صواني لانة سهة وتضبط
24-12-1431 هـ, 05:01 صباحاً
 
اقتباس مشاركة  (صمت السنين1)
كلنا في البدايةكذا مانعرف شي بس مع الوقت تتعلمي
24-12-1431 هـ, 06:25 صباحاً
 
ياقلبي قبل اي شي بعلمك كيكة اسفنجية تتحدى اي كيكة
حطي علبة زبادي وبنفس علبة الزبادي حطي نصها سكر وربعها اواقل زيت وبنفس العلبة دقيق ابيض فاخر تلاقيه بكل مكان
وبيضتين وذرة فانيليا وملعقة صغيرة بكنج بودر واخلطيها بيدك ولا بالخلاط افضل لين تتجانس بعدين صبيها بصينية صغيرة وعالفرن وتلذذي باطلق كيكة ممكن تزينيها بنستلة ومكسرات
اعتمدي هالكيكة دايم وادعي لي
ثانيا نجي للمكاين اشري مكينة براون اللي باليد فيها ست قطع انا مااستعمل غيرها تسوي كل شي الا العجن سعرها حول 450 اما العجانة والاشياء الكبار خليها ناس كثير ماعندهم
ثالثا اشتري كتاب النخبة هو انسب كتاب للمبتدئات ب120 بس يستاهل فيه العصيرات والمشروبات السلطات الطبخ الثقيل رز وجريش والمعجنات وكل الوسائل التعليمية لاتضيعين فلوسك بغيره انا وخواتي كلنا بدينا منه صدقيني مارح تندمي واسالي عنه
رابعا ثقي بنفسك و لا تضعفي صدقيني لو سويتي اللي قلتلك عليها بتصرين ام السنع
وترى الخبزة بسيطة مو اعجاز اذا قصدك خبز الجنوب اللي شكله دائري ومثل الكيك هش بس راسليني خاص
دعواتك اخلص الماستر ويوفقنا ربي فيه
24-12-1431 هـ, 06:43 صباحاً
 
عادي ياقلبي انا والله قبل الزوااج وربي مااعرف اسوي شي لان امي ماتدخلني المطبخ هي تسوي كل شي ولاني وحيدتها دلعتني وماتخليني اسوي شي الا اذا عصبت علي وزعلت مني دخلتني وعلمتني على كم طبخه بس اذا عصبت هههههه حتى الشااي مااكنت اضبطه زين والقهووه بعد واول مااتزوجت تعلمت شوي شوي وبحكم اني ادرس بالكليه مااكنت افكر بالطبخ خير شر ويوم تخرجت من الكليه صرت اعرف حبه حبه وتعلمت اشيااء كثيره والوالده مااقصرت وربي وكماان هذا المنتدى بس جالسه عليه اربع وعشرين ساااعه استفدت كثير وربي والكل يعجبه طبخي واولهم امي وزوجي حتى زوجي يقول فيه تقدم الى الامام ثابري هههههه وكل يوم افاجئه بش ويعجبه ويمدح و بس انتي ادخلي شوفي الاطباق العضواات هنا واللي يعجبك اكتبيه بورقه وجيبي اغراضه واطبخيه واي شي تبينه اكتبيه بقوقل ويطلعلك بالنسبه للرز لاتكثرين مويه عشان ماينهرس واتمنالك التوفيق وانك تصيري احلى طبااخه وسنعه ياحلوه
24-12-1431 هـ, 06:50 صباحاً
 
رفع
08-02-1432 هـ, 06:49 صباحاً
 


الساعة الآن 01:40 .