بدون اسم

بدون اسم @bdon_asm_1

عضوة فعالة

اختبار لشخصيات الاطفال تعالوا جربوا في عيالكم

الأمومة والطفل



الاختبار اسمه .. اختبار قصص " لويزا دوس "


ويعتبر من اختبارات الشخصية للأطفال اللي أقل من 12 سنة وهو عبارة عن بعض القصص ويتبعها سؤال .. نعرف من خلاله بعض الجوانب الشخصية لاطفالنا




القصة الاولى .. قصة العصفور
قولي لطفلك هالقصة


بابا العصفور .. وماما العصفورة .. وولدهم العصفور الصغير ( إذا كان عندك بنت قولي وبنتهم العصفورة الصغيرة )


ينامون في عشهم اللي فوق الشجرة


لكن يجي هواء قوي مرررررررة .. ويطيح العش على الارض


لكنهم قاموا بسرررررعة


وطار بابا العصفور على شجرة


وطارت ماما العصفورة على شجرة ثانية


لكن بسألك حبيبي .. فييييييين طار العصفور الصغير ؟؟؟؟


إذا قال الطفل : بيطير عند ابوه .. فهو متعلق في الحقيقة بأبوه



وإذا قال : بيطير عند امه .. فهو متعلق بأمه



وإذا قال : بيطير لشجرة ثانية .. فهو ناضج ومستقل بذاته



( لكن إياك تسوين نفسك زعلانة .. وتوحين للولد بالاجابة بطريقة كلامك .. ترى القصد هو اختبار )






القصة الثانية : قصة الدفن/ أو السفر لبعيد
تقولين له : في جنازة في الشارع ... والناس يسألون .. مين اللي مات ؟؟


واحد من الناس قال : اللي مات من العايلة الفلانية ( اللي هي عايلتكم باسم الله عليكم ) .. او ساكن في هالبيت ( اللي هو بيتكم .. باسم الله عليكم بعد )


لو كان الولد مايفهم وش هو الموت .. قوليله في واحد من العايلة سافر بعييييييييد وما بيرجع ابدددد ..


اي قولي له: في واحد ماخد اغراضه و مسافر و الناس اللي في الشراع تبكي عليه لانه بسافر لمكان بعيد و مابرجع ابد... و الناس يسألون... مين اللي سافر و ما بيرجع ابد؟؟؟؟




و قولي: واحد من الناس قال: اللي سافر بعيد و مابرجع ابد من العايلة الفلانية (اللي هي عليتكم)... او ساكن في هالبيت (اللي هو بيتكم)



فمين اللي مااااات / او اللي سافر بعيد و مابرجع ابدا؟؟؟


مين تتوقع يكووون ؟؟



جواب الطفل يخلينا نعرف مين الشخص اللي ولدك يتمنى موته وبعده وفراقه


لكنه اذا قال اللي مات او اللي سافر : أنا .. فهو يكره نفسه ويفكر في الانتحااااار .. فانتبهي





القصة الثالثة : قصة الخوف


تقولين لطفلك او طفلتك


في طفل يقول : أنا خااااايف


من ايش يخاف هذا الطفل .. ومن مين يخاف ؟؟؟


جواب الطفل يخلينا نعرف وش هي الاشياء اللي يخاف منها الطفل .. ومين الاشخاص اللي يخاف منهم





القصة الرابعة : قصة الخبر الجديد


قولي لطفلك هذي القصة :


في طفل رجع من المدرسة ..


قالت له امه .. تعال بسرررررعة ... عندي خبر جدييييييييييد
وش تتوقع يكون الخبر؟؟؟؟


جواب الطفل يخلينا نعرف وش هي رغبات الطفل .. أو مخاوفه.. ( طبعا الام ماتسوي أي ايحاء انه خبر مفرح او مخيف او حزين .. تقول خبر جدييييد وبسسسس )






القصة الخامسة : قصة الحلم المزعج


قولي لطفلك او طفلتك


في طفل صحى من النوم وهو تعبااااااااان


وقال لامه .. شفت حلم مزعج مررررررررة


وش هالحلم ؟؟؟


جواب الطفل يخلينا نعرف وش علاقته مع ابوه او اخوانه او مخاوفه من الاشياء والاشخاص
15
1K

يلزم عليك تسجيل الدخول أولًا لكتابة تعليق.

تسجيل دخول

مروة الصغيرة
مروة الصغيرة
يسلمووووووو
والله روعة
بجربها
بدون اسم
بدون اسم
الله يسلمك يا قلبي .. ايه جربي واضحكي على البزران .. وعلى ردودهم توسع الصدر
قميره
قميره
طيب بقولك اجوبه ولدي
عمره خمس سنوات
الاول العصفور راح لامه
الثاني قال انا المسافر اهيء ياويلي
الثالث يخاف من ابوه يطقه
الرابع بيروحون لجدتهم
شكرا
شذا الورد
شذا الورد
رووووووووووووعه

تسلمين
احب الخير1
احب الخير1
بجربها
معدا القصة الثانية احس اني صعبة اقولها .