بسم الله الرحمن الرحيم

قبل فترة كنت ابحث عن صوص للسينابون وقعدت احوس بذا النت لين لقيت الحمدلله وانواع بعد

وقلت ماراح احرم حبيباتي بنات حواء منهم لعلهم يستفييدوو منهم

الاولى


اخلط حليب نستله و4 حبات كيري بالخلاط وحلو ماعليه.

______________________________ ____________________ ________________

الثانية


2توفي و سكر اذا ذاب احط كريمة خفق واضيف له كاجو وجوز بكيان ومررررة لذيذ

______________________________ ____________________ _______________
الثالثة

3#اخلط حليب نستله و4 حبات كيري بالخلاط وازينه بصوص شوكولاته هرشي او امريكانا

______________________________ ____________________ _______________
الرابعة
4#احط شوي زبدة وبعد مايذوب اضيف سكر واخلية يذوب ايضا وبعد كذا احط ملعقة قشطة واحركهم شوي مع بعض
واجيب شوي دارسين وبودرة ككاو اي نوع وسكر ناعم مطحون واخلطهم مع بعض ..
وطبعا يكون كل هذا علي النار مااطفيها بس تكون هادية وبعد الخلط اضيف حليب سائل معاهم مقدار كوب واخلية يطبخ شوي لين يثخن الصوص
وصبيه علي السينبون وفوقه نستلة محلي وشوفي الروعة....______________ ______________________________ ______ _______________
الخامسة
---------------
5نصف كاس شيرة البانكيك+ربع كاس سكر +ملعقتين كبيرة زبدة+
ملعقة صغيرة قرفة ===>> تخلط جميع المقادير على النار ._____________________________ _____________________ _______________
السادسة
6# صوصو مرررررررررره حلووووو:

علبه حليب نستله
اربع قطع جبن كيري
ملعقه صغيره شكولاته بودره
ملعقه قرفه صغيره
ملعقه نسكافيه صغيره
3 ملاعق عين الجمل مجروش صغيره
ملعقه زبده كبيره
ملعقه قشطه
** ***
الطريقه
تذوبين الزبده وتحمسين معها عين الجمل وتحطين ملعقه قشطه
بعد كذا تخلطين جميع المقادير وصبيها فوقها
واذ صفتيها بصنيه حطي عليها شوي شكولاته هيرشي
** **
^^ ^^
ادري انها كثير بس روووووووووعه
كل خالاتي يحبون الصوص هذا
تصدقون بنت خالتي بجنبنا تسوي لي العجينه وانا الصوص
ههههههههههههههه ههههههههه
بس جنان ______


______________________________ ______________ _____
السابعة
7زبده وبعد ماتذوب اضيف لها سكر عادي + اسمر وبعد التقليب المستمر اضيف لها قشطه وشوي حليب وملعقة جبن سائل
وبعد ما يمزج الجميع اصبه على السينبون وهو حار وارش شوية قرفه وكاكاو ..____________________________ ______________________ ____
الثامنة
8#جبنة فيلادلفيا وسكر وفانيليا وشوي زبده سايحه تقريبا ملعقه
وبس تصب فوقه..__________


______________________________ __________ _____



التاسعة



9# فنجالين سكر على علبه حليب ابو قوس او بوني او اي نوع واتركهم على النار مع التحريك لحد مايثقل شوي اطفي النار واضيفله ثلاث ملاعق من شيره البان كيك..
______________________________ ____________________ ______
العاشرة

10اخلط جبنه فيلادلفيا مع حليب نستله المحلى ,,,, او سكر بودر مع حليب سائل

______________________________ ____________________ ____
الحادية عشر


11حليب

نستله +كيري +دريم ويب +قشطه +حليب سايل
في الخلاط حق الكيك ____________

______________________________ _______
الثانية عشر

13#احط زبده وشوكولاته بودره ونص علبة نستله وسكر بني وقرفه وعلى النار شوي
بعدين اصبهم على السينابون..وبعدي ن اصب باقي النستله عشان يعطينا لونين الصوص ..واخليه لين يتشرب
وعند التقديم احيانا اصب شوي هيرشي وازينه بعين الجمل...
يطلع خيال تاكلون بدون شعور..__________________

______________________________ __
الثالثة عشر



14#انا الصوص حقي توفي اصبه على السينبون ما اغطيها تغطيه كامله ثم فوقه اصب عليها نستله واخر شي هيرشي ..

والله روعه ولا تبي مقادير او شغل كثير عاد جربوا واحكموا ( مدري اخاف اني امدح نفسي ) المهم جربوا ولن تندموا

مقادير التوفي:
علبة قشطه + 2 فنجان سكر خشن
اذوب السكر على النار تكون هاديه واحركه والقشطه تكون دافيه بعدين احطها ملعقه ملعقه لين تخلص طبعا اذا حطيت القشطه ارجعها على نار هاديه مره
طبعا راح يصير فيها تلكعات انتوا حركوا لين تذوب ... وبالعافيه.....
______________________________ ____________________ __
_____

واللي ماتعرف عجينة السينابون جبتلكم عجينتين:


(1)مقادير العجينة:

3كاسات وربع دقيق
4ملاعق حليب بودره
فنجان سكر
فنجان زيت
ملعقه كبيره خميره فوريه
ملعقه صغيره ملح
ملعقه كبيره بكنج باودر
مويه دافيه للعجن

_اول شي حطي المواد الجافه بزبديه واخلطيها بالملعقه بعدين اضيفي السوائل اللي هي الزيت والماء لازم يكون دافي وتضيفينه على شوي شوي
وتعجنين وتستمرين بالعجن الين ماتشوفين العجينه ماتلزق في حواف الزبديه وتصير متماسكه ببعض
تتركينها تتخمر ساعه كامله.ولما ترجعين لها تشوفينها حجمها متضاعف وبما ان الجو بارد وانتي تعجنين شغلي الفرن
ولما تخلصين عجن حطيها جوا الفرن وسكريه وطبعا تقفلين النار عشان العجينه تتخمر ....

______________________________ ____________________ ___________

(2)مقادير عجينة تجنن للسينبون والفطائر وكل شيء:

3كاسات وربع دقيق-4ملاعق حليب بودره-فنجان زيت-فنجان سكر-ملعقه كبيره خميره-ملعقه صغيره ملح-ملعقه كبيره بكنج بودر
وماء دافي للعجن
واتبعوا طريقة العجن الي دايم..


ملطوووش لبطونكم ههه



ان طال غيابي فادعو لي

سامحوني وحللوني فربما لا اعود

لااله الا الله محمد رسول الله
يعطيك ألف عافية وشكــــــــــــ ـــــــــــــــ ــــرا
مشكورة والله يعطيك العافية
كل صوص يقول للي قبله رح مناك انا اطعم منك..
الله يعين اخواني بهريهم في الاجازه سينبون..
يسلمو غلاتو..
العفو يالغاليات

اشكركم عالمرور الحلو
نورتو
ان طال غيابي فادعو لي

سامحوني وحللوني فربما لا اعود

لااله الا الله محمد رسول الله


الساعة الآن 02:28 .