السلام عليكم
عزيزاتي عضوات حواء اش أخباركم؟؟؟ وحشتوني من زمان عن المنتدى وعن أفكاركم ومقترحاتكم الحلوة
صحيح اني لي فترة طويلة مادخلت المنتدى لكن طموحي التجاري مازال قوي وأبي مساعدتكم وتجاربكم ونصايحكم
الي ما أستغني عنها

أنا ودي بمشروع صغير رأس ماله 2000 ريال فقط ومرة لوكثر 3000
بس مشكلتي اني طالبة جامعية وساعات الدراسة الطويلة تضيع وقتي.. فودي بمشروع مايحتاج وقت كثير
مجالاتي الي أحبها تصميم الأزياء وأي شي له علاقة بالفاشيون والملابس أو الاكسسوارات
فكرت اني أشتري تي شيرتات سادة وأزينها بطرق ناعمة ومميزة ...لكن السؤال كيف راح يكون البيع والترويج؟؟
خصوصا ان البازارات الي قريبة من حيّنا مابتربح ..وماعندي وقت ولاسواق يوديني لبازارات بعيدة ..وحتى لو فكرت بالبيع من خلال المنتدى فمشكلة السائق أيضا تمنع
يعني عوائق مرة كثيرة
-رأس مال صغير جدا
-عدم توفر الوقت الكافي
-عدم وجود سائق وسيارة للتوصيل
-عدم وجود خبرة كافية
يعني من جد طموح ومليون عائق .. لكن الأمل والطموح والحماس باذن الله موجود ..ثم الثقة بعد الله بعقولكم الماهرة في إيجاد مخرج لي
اذا كانت فكرتي أعجبتكم ياليت تقدموا لي نصائح عن التسويق وتقسيم المال
واذا كان لكم أفكار لمشاريع متناهية الصغر ياليت أيضا تفيدوني وتفيدوا الجميع
وياليت يكون الموضوع مرجع لأي وحدة حابة انها تبدأ معركتها في عالم التجارة الممتع رغم صعائبه
أسأل الله لي ولكم التوفيق والربح بالدارين
ولا أحد رد؟؟؟؟
اتحطمت الصراحة
استغفر الله واتوب اليه
لا تتحطمين ياقلبي

اصبرري البنات بيجونك

الله يرزقك من فضله
اتمنى لك التوفيق بحياتك
انا زيك اتمنى مشروع راس ماله بسيط ويدر علي فلوس
شوفي حبيبتي البنات في الجامعة وريهم تصاميمك وسويلك كم تي شيرت اذا اعجبتهم راح يكونلك زباين كثير

ان شاء الله واذا تستحين منهم مو لازم تقولين انك انتي الي سويتيها

والبنات هنا مارح يقصرون وشوفي الي يناسبك


الساعة الآن 05:21 .